1
Romu 1:16
FỊAFỊA BAỊBỤLỤ
KBTP
À kpọma iḅi-oku mẹ ḅụ ḅiokpọ nyana lama wararị; anị anie Tamụnọ kẹ minini nyana apụ mamgba ḅọrọmarị kụrọ mẹ, tarị apụ, Juu-ḅẹ-apụ, na pịkị Ja asịẹ ḅẹ apụ sọ.
2
Romu 1:17
Kẹ gotẹ ọkọ ḍukoarị, iḅi-oku mẹ anie ḍie-pakamarị Tamụnọ mịẹtẹ tomi ori na ḅẹrẹ famarị ḅara; minini nyana ḅụ mie anị saakịarị ye, pịkị mu kunomarị ye. Anie pịkị fịafịa ḍiri mẹ ḅẹẹ ḅara, “Minini ḅụ ḅọrọ tẹ Tamụnọ na ḅẹrẹ-fama tẹ ḅọ mẹ anie ḍumo ḅarị ḅọ.”
3
Romu 1:20
Tamụnọ bịan tomikiri mẹ tẹmẹ kụra-ḅio, kịnị tọrụngbọ kẹ ẹrị-a tẹ ọ̀ ḅụ simearị iḅi aị ma na, ò sime gbamaso kụrọ mẹ na ọ̀ Tamụnọ-sime-ḅara mẹ na, tomi nwẹn ẹrị giregiremarị. Tamụnọ tẹmẹ-aị ma ḅụ anie tomi ḅọrọ tẹ arị lekiriarị ye. Mie ḅụ arị atomi ma ịn ḅarị gotẹ so ye nyana-a gbala-gbala!
4
Romu 1:21
Ịn Tamụnọ nimi wararị kụma sime ọ̀ pịrị kụn mẹ ịn kẹ ọ̀ pịrị-a, ịn pịkị ịmịẹtẹ kẹ ọ̀ ḅẹẹ-a. Anie nakara ịna akuroma papaa ye sọ fama tẹ, kanakana pịkị ịna oḅori aḅioḅẹngbọ ma sọ ḅin tẹ.
5
Romu 1:25
Iruo aị anie ịn kẹ Tamụnọ gboloma karakara mẹ ḍima tẹ ye; Tamụnọ tẹmẹ-aị anie ịn tẹkẹ tẹ pịkị fịrịmẹnjị pịrịarị, tẹ nwẹnị ori mịna aị ma tẹmẹḅọ ḅe rẹ tẹkẹ-a anie ịn tokini gbamaso ḅẹ ḅọ ḅee! Amẹnị.
6
Romu 1:18
Tamụnọ owi ịganị So-ḅio koro ḅo tomi ma si sime-ḅara na, mbasị na, tẹ mịẹtẹ kịnị Tamụnọ karakara mẹ nimi-a aị ma ọgọnọ gbana tẹ anị ḍie-paka tẹ.
7
Romu 1:26-28
In miemẹ mịẹarị ẹrẹsị Tamụnọ ịn wẹrịso tẹ kẹ ḅụụ-jịrịma amịẹaị sọlịma pịrị tẹ. Ereme sọ mịẹ mịẹ-a ḅara kẹ ịna pembema ereme na gbolomarị. Anị gbọrụ ḅara ḅụ owiapụ so ereme na mịẹ-mịẹ ḅara kẹ jụmọ-jụmọ na mịẹ ḅẹ tẹ ḅalaḅalarị. Owiapụ ịna pembema owiapụ na ḅụụ-jịrịma aị mịẹarị, tẹ mịẹ na-iḅi-a tẹ ịn mịẹarị aị ma nwẹnị ịn da na-iḅi fomu-ḅara dogi-ḅo ịn pịrịarị. Ọkọ sime atomi ma karakara ḅara kẹ Tamụnọ ḅe nimi ḅẹ ḅii-a ẹrẹsị ori ịn wẹrịso ịna ḅụrụtẹ aḅioḅẹngbọ ma pịrị tẹ, ịn ḅarị kuraye nimi tẹ mịẹ-a.
8
Romu 1:22-23
Ini mẹẹ in ye nimim, kụma ini oḅori atomii; in ḍumo gbamaso Tamụnọ ḅe tẹkẹ ḅẹ nakara, ini ịn kẹ fị-fị atomi na, feni na, nama na, ikiriarị aị na kịkama kịra aị rẹ anie ịn tẹkẹarị.