آيات مشهورة من الكتاب المقدس منMarcu 13

شارك

È serete in odiu à tutti per vìa di u miò nome. Ma quellu chì resisterà fin'à l'ultima sera salvu.»

Siate attenti è veghjate, ghjà ch'è vo' ùn sapete quand'ella sera.

E quand'elli vi purtaranu per ghjudicavi, ùn vi fate penseru per ciò ch'è v'averete da dì. Dite solu ciò chì vi serà datu à l'ora vulsuta. Chì tandu, un serete micca voi chì parlerette, ma u Spiritu Santu.

U celu è a terra passeranu, ma e miò parolle ùn passeranu micca.»

«In quant'à u ghjornu o à l'ora, nimu i cunnosce, nè l'anghjuli di u celu, nè u Figliolu, nimu fora di u Padre.

Quandu ch'è vo'senterete parlà di guerre, o di rimusci di guerre, ùn vi pigli u tremu. Bisogna chì tuttu què accadi, ma ùn serà ancu a fine.

Allora aprite l'ochji, ghjà ch'è vo' ùn sapete quandu chì u patrone di casa venerà: o di sera, o à mezanotte, o à u cantà di u ghjallu, o a mane, Di modu chì, s'ellu vene à l'ispensata, ch'ellu ùn vi trovi durmendu. È ciò ch'e' vi dicu, a dicu à tutti: aprite l'ochji!»

Chì si rivulterà populu contr'à populu, è regnu contr'à regnu. In certi lochi ci seranu i terramoti, a fame. Serà u principiu di i dulori.

Ma prima ci vole à sparghje u Vangelu in tutte e nazione.

Chì parechji affaccaranu, aduprendu u miò nome è dicendu: “Sò eiu”, è inganneranu assai ghjente.

Fate casu à voi stessi, perchè vi manderanu in tribunale, vi pesteranu da i colpi ind'e sinagoghe. Serete purtati davanti à i guvernatori è i rè in testimunianza per via di mè.

Chì affacheranu i falzi Cristi, i falzi prufeti, chì feranu meraculi è maraviglie per ingannà, s'ella fussi pussibule, ancu l'eletti.

«Ma, in quelli ghjorni, dopu à isse tribulazione, “U sole s'oscurerà è a luna ùn darà più a so luce. E stelle cascheranu da u celu, è e putenze di i celi seranu in cunvugliu ”.