آيات مشهورة من الكتاب المقدس منMga Taga-Colosas 3

شارك

Pagpinailobay kamo ug kon duna kamoy mulo batok kang bisan kinsa kaninyo pagpinasayloay kamo sama nga gipasaylo kamo sa Ginoo.

Hunahunaa ang mga butang langitnon, dili ang yutan-on.

Bisan unsay inyong buhaton, buhata kini sa kinasingkasing sama nga inyo kining gibuhat alang sa Ginoo ug dili alang sa mga tawo.

Katawhan kamo sa Dios; gibalaan ug gihigugma kamo niya. Busa kinahanglan nga mobati kamo sa uban, magmaluluy-on, magmapaubsanon, magmaaghop ug magmapailubon.

Papuy-a sa inyong kasingkasing ang bahandianong mensahe ni Cristo. Pagtinudloay ug pagpahimangnoay kamo uban sa tanang kaalam. Pag-awit kamog mga salmo ug balaang mga alawiton ug awiti ninyo ang Dios uban sa pasalamat diha sa inyong mga kasingkasing. Busa bisag unsay inyong isulti o buhaton, himoa kini diha sa ngalan sa Ginoong Jesus uban sa pagpasalamat ngadto sa Dios nga Amahan pinaagi kaniya.

Ug labaw niining tanan idugang ang paghigugma nga maoy magbugkos sa tanan ngadto sa hingpit nga panaghiusa.

Sanglit gibanhaw na man kamo uban ni Cristo, tinguhaa ang mga butang nga atua sa langit diin naglingkod si Cristo sa iyang trono sa tuo sa Dios.

Paharia sa inyong kasingkasing ang pakigdait nga gikan ni Cristo kay alang niini gitawag kamo sa Dios aron mahiusa kamo diha sa usa ka lawas. Ug pagmapasalamaton kamo.

Busa patya ninyo ang mga kaibog nga kalibotanon nga anaa kaninyo, sama sa salawayong pagpakighilawas, kalaw-ayan, kaulag, daotang kailibgon ug kahakog nga maoy usa ka paagi sa pagsimbag diosdios.

Kay namatay na kamo ug ang inyong kinabuhi natago uban ni Cristo diha sa Dios.

Apan karon kinahanglan biyaan ninyo kining tanan: ang kasuko, ang pagkasaputon, ang kahugaw sa hunahuna, ang pagpasipalag sulti ug ang pagpamalikas.

Ayaw kamo pamakak sa usag-usa kay gihubo na man ninyo ang inyong daang pagkatawo uban sa iyang mga buhat ug gisul-ob na ninyo ang bag-ong pagkatawo. Gibag-o gayod kini sa Dios nga iyang magbubuhat sumala sa iyang kaugalingong dagway aron masayod kamo sa hingpit mahitungod sa Dios.

Mga bana, higugmaa ang inyong asawa ug ayaw silag daugdaoga.

Mga anak, pagmasinugtanon kamo kanunay sa inyong mga ginikanan kay mao kanay makapahimuot sa Dios.

Mga asawa, sunda ug tahora ang inyong bana kay mao kini ang angay ninyong buhaton ingon nga mga Cristohanon.