آيات مشهورة من الكتاب المقدس منПетрин-2 3

شارك

Агъайи Чав гъапиб тамам апӀуз, гьеле сакьюдари кьан апӀура кӀурашра, кьан апӀидар. Гьатци, Думу ухьуз гъилигиган гизаф сабур айир ву, Дугъаз ухькан фужкӀа дукӀну ккундар, хъа вари, чпи гъапибдиин ва гъапӀубдиин швумал духьну, Чахьна илтӀикӀну ккунду.

Йиз ккунидар, магьа фу учву кӀваълан гьархну ккундарш: Агъайиз сад йигъ – агъзур йисси ву ва агъзур йис – сад йигъси.

АйибтӀан артухъ ихь Агъа, Уьрхрур – Иса Месигь, ва Дугъан ужʼвал аьгъю апӀури, гьаддиъ аьхю йихьай. Дугъан ад ибшри гьамусси, гьаммишандин Йигъ гъафиганра. Амин!

Хъа Агъайин Йигъ, тӀафалси, хабарсузди гъибди. Гьадму йигъан аьршар-завар рахру гъугърумарин дихарихъди дургди; заварин табиаьтар даргъиди ва ургиди; дюнʼяра, чан ляхнар улихь гьаъну, тахсирназ хибди.

Ва эгер вари гьамци ккадахьуруш, хъа учву фицдар духьну ккунду, фициб гирамиб ва Аллагьдиз бахш дапӀнайиб вуди ккунду ичв уьмур?! ЦӀа алабхънайи аьршар ккадахьруган ва завариъ айи ригъар-хядар цӀиъ ерцӀруган, аьгь дарапӀди ва тямягьниинди Аллагь гъюру Йигъаз, учву, гьацдар, фици ккилигуз ккачва?!