آيات مشهورة من الكتاب المقدس منПетрин-1 1

شارك

Ихь Агъа Иса Месигьдин Адаш ужувлиинди ишричав. Дугъу, Иса Месигь чӀиви апӀбиинди Чан зурба вуйи ужʼвал улупну, ухьу заълан бабкан гъахну ва цӀийи уьмрихъ хъаъну. Гьамдиинди ухьук, я аьжалихьан, я камиваларихьан, я вахтнахьан чӀур апӀуз даршлу, чӀиви миж кивунхьук. Ихь миж кайи «девлет» ухьуз аьршариъ уьбхюра.

Гьаци вуйиган, гьеле сацӀиб вахтари гьаржюре читинвалариъ учӀврушнар кчӀикьуб алабхъурушра, гьамдиин шад йихьай. Аьгъю йибхьайки, гъизилра цӀиинди таза алапӀурайиб. ЦӀихьан гьеле думу зат имдарди деебцӀну гъядапӀузра шулу, хъа ичв хъугъувал гъизилтӀан лап артухъ багьа ву, ва думу, гьякьди вуйиб вуш, ясана – дарш, Иса Месигь кьяляхъ гъафи вахтна гъиямат йигъан жвуван тяриф, ад ва заанвал жвувахьна рубкьбан бадали, ахтармиш дапӀну ккундарин?!

Хъа гьатци, учвуз дих ДапӀнайир фици Гирамир вуш, учвура гьаци гирамидар йихьай ва ичв хасиятра гирами вуйиб ибшри. Гьаддиз БикӀбариъ дупна: «Гирамидар йихьай, гьаз гъапиш Узу Гирамир вуза».

Хъпехъру бицӀидарси, учву Аллагьдихъна гъяйиз айи ичв тямягьяр фицдар вуйиш, гьадрарихьди ичв уьмур хъапӀуз мигъитанай.

Гъит, гьаддиз ичв фагьум фагьмихъ хъади ибшри, ва ляхнар апӀуз гьаммишан гьязурди гъузай. Вари ичв умуд Аллагьдин гъянивалиин илипай, хъа гъиямат йигъан Иса Месигь гъафиган, учвуз ичв умуд кайиб вари багъиш апӀиди.

Гьаддиз Гирами китабариъ дупна: «Инсаният укӀси ву, дурарин усппагьивал – хутӀлин кюкюси. УкӀ ебццуру – кюкюра алдабхьуру. Агъайин гаф аьсрариан-аьсрариз гъубзра». Агъайин гьадму Гаф, учвуз гъурубкьу Ужувлан хабар ву!