آيات مشهورة من الكتاب المقدس منPHILIPPITE 2

شارك

Kinialna aha, ahihlouhleh kiloupisahna jiah aha in bangmah bawl hi sih heh; hizongleh lungsim ngiamtahin mi chinin amah sangin midang hoihzaw in ngai chiat heh. Na lahva mi koipouh in amah a chauh en sih henla, midang a zong en u’heh.

Khrist Jesu a zong um hi lungsim chu nanguhah um heh

Amah chu Pathian bang a um hiin, Pathian toh kibang a um chu sil khiahlahhuai in a ngaihtuah sih a; Hizongleh amah chu hung kikoihngiam in, suaah bangin ahung um a, mihing banga siam in ahung um a; Huleh mihing limlemeel bang hung pua in, ahung kingaingiam a, sihna tanpha in thu ahung mang hi, kros sihna ngei chu.

Ajiahchu, amah lungdeihlam bawl diinga nanguh hung utsahtu leh hung tongsah diing a bawltu chu Pathian ahi hi.

Huchihjiahin Pathian in zong amah chu nasatah in a tawisangta a, min lahlah a min tungnungpen a peta hi; Huchia Jesu min a mi zousiah, vaan a sil umte, lei a sil umte, huleh lei nuai a sil umte a khupdin a, Lei chinteng in, Jesu Khrist chu Pa Pathian loupina diinga Lalpa ahi chih a phuan theihna diingun.

Sil zousiah phun lou leh nial lou in bawl un. Khangthah gilou leh chihmohte lah a khovel a vaahte banga na vaahnate lahva soiselna bei, suhsiat nei lou Pathian tate na hihtheihna diingun

Huchihjiahin, ka deihtahte, ka um peet chiang chauh hilou a, tua ka um louh lai a zong, thu na man veu mah bangun, lau leh liing pum in na hutdamna chiat uh tongdoh un.