آيات مشهورة من الكتاب المقدس منLUKE 19

شارك

Ajiahchu beimangte hawl diing leh hundam diing a mihing Tapa chu hung ahi, a chi a.

Lalpa mina hung Kumpipa chu a hampha hi; vaan ah lemthu leeng henla, tungnungpen ah loupina um heh, chi'n.

Huin Jesu’n a kawmah, Tuni’n hi inn ah hutdamna ahung tungta hi, amah zong Abraham tapa ahi ngal a.

Jesu hu mun ahung tunin a daahtou a, amah chu a mu a a kawmah, Zakai, kintahin hung kum in; ajiahchu tuni’n na inn a tung diing ka hi, a chi a. Huin kintahin ahung kum a, kipaahtahin amah chu a zintunta hi.

Huleh Zakai chu a dinga, Lalpa kawmah, Ngai in, Lalpa, ka sum kimkhat tagahte kawmah ka pe diing a; huleh mi thuampua bangaha dihloutaha ka laah a um leh a lehli in ka dit diing, a chi a.

Huin mipi laha Pharisai khenkhat in a kawmah, Houtupa, na nungjuite tai in, a chi va. Ama’n a dawng a, a kawmvah, Ka hung hilh ahi, hite a sip unchu suang te a kikoudohpah diing uh, a chi a.