آيات مشهورة من الكتاب المقدس منAvafilipi 2

شارك

Mulapiga kinu ukwimila imitima ja uwutavangu, nambi kwa ulwidudumbo lwa malanga, muvelage na uwilevesi yinyenye kwa yinyenye, yeyeavesaga amulavage umuyagwe ukuta amulutye uwunu. Palava na umunu yeakwisakila ukwambula kwakwe hela iyena, pesi ukuta asakilage ukwambula na kwa avayagwe.

Muvelage na imimile gigila jealinajo Kilisito Yesu.

Umwene kukilamuko ali mbepali Nguluvi, neke sahosisi ukuta kula ukuva aling'ene na Nguluvi kive kinu cha kulimbila kwa ludali. Pesi kwa ukuwenda kwakwe yumwene, Afilesile ifyo mbefili, akwitegulila ulwa uwunyawingi neke ave ihwana na avanu, neke awonekage wita munu. Ilevise na ukuva na ichoga mbaka peifwa, kangi mbaka peifwa mu musalaba.

pakuva Nguluvi yeipigaga mbepali mugati mwanyenye, na ukuvapela uludali ukukwisa sila isitegana na mwealahosekise umwene.

Na ukwimila lulo Nguluvi amukang'we pachanya hilo ululumbo lukomi hilo, nu kumupela ululumbo ulukomi, swe akumupela litawa ilikomi ukulutila amatawa mbegali. Na ukwimila ululumbo lwa ilitawa lya Yesu, ifigawa mbefili kuchanya, mung'i na kuvafwe fimufugamile umwene, na umunu yeyeavesaga idikile ukuta Yesu Kilisito ye Mutwa mundolo sa Nguluvi Dada.

Mupigage chekivesaga kitang'ula nambi lubesa, sambi muve avanu avesiwe, vagaya lubi lwakulongwa, wita avana vagolofu va Nguluvi vevakwikala mung'i iyi imbi ya uwuyasi. Samumalavadika pagatinagati pavene wita ing'eng'esi wesasing'alika kwilanga

Vanyalukolo vangu, pende pamwi nanyenye mwavelige na ichoga mbepali na kulino pendili pataali nanyenye, muvelage ni choga ndahihila. Mupigage ifipigo we mwina muhwehwe nu kukuvila ukwimila uwupoki wenyu