آيات مشهورة من الكتاب المقدس منAvagalatiya 5

شارك

Neke isihumaga mukulongoswa na Umuhe we uwende, uluhekelelo, uwikalakunoga, uwukangalisi, uwunofu, ulusungu, uwufuuwa, uwulele na ukwitanila, ukwimila iso sisukuli indagilo isihwanite ukubesa iso.

Nambi nene nguvalongela de, imikalile jenyu gilongoswage na Umuhe, nanye pesimwiga kangi uwudobokesi wa isa mung'i.

Wone twikale muwutanzi wa Umuhe, lutuvaje twigage uwulongosi wakwe.

Vala avali mwa Kilisito vakawutumbike uwunu wawo wa mung'i na uwudobokesi na amahosa ga mung'i.

Sweno, ifipigo ifya umuvili fili pelu hela; uwuyamba, uwaafu, uwudobokesi, uwusunyalila ifihwananguluvi, uwuhavi, uwutavangu, ulwitakilo, uwifu, lilakali, uwimi, ulwigawo, gila, uwugaasi, uwuhatufu, ulubesa na isingi isindawe siso. Nguvalongela kangi ndawe lwendendonzile pamwandi avanu vevipiga ing'ani iso, sisavava na ikilega chawo ukwingila muwutwa wa Nguluvi.

Neke nyenye vanyalukolo vangu mwakemelitwe muve vanu mwivatemapenyu. Neke nambi ndahihyo uwutemapetu sawulava lifinga lyambuse tuve pasi ya wutema wa uwudobokesi wa isa mung'i; pesi ukuta luvavaje mwipigilage muwende.

Pakuva uwudobokesi wa isa mung'i wisutanaga mbepali na isa Umuhe, uwudobokesi wa isa umuhe sisutanaga na isa umuhe mbepali sisakwiyidikisa, ukwimila lulo simuhwana ukupiga na semwiwenda yinyenye.

Pakuva indagilo mbesili sasikwilanikila mululagilo ulu ulumwi, “Umwendage umunyafivawo vako ndawe lukwiyenda yiveve.”

Tulemwe ukwidudumba, nambi ukwisagala nambi ukwiwonela gila.

Kilisito atupelye uwutemapetu, alaje hwehwe tunanage muwutemapetu, sweno, mwimage munoge, na mulidikila uyungi avavike mulupanda lwa uwunyawingi kangi.