آيات مشهورة من الكتاب المقدس منនាវ​នតើម 1

شارك

ជេសរី​កោរាញ​ឞ្រាស​លាស៖ “អ៝ន់​ឞ៝ន់​ជាន​ក៝ន​ឞូនុយ្ស​ឞ្លាវ​មឹន​ជេង​កោរាញ​តឹម​ឞាន​មា​ឞ៝ន់​នើម​កើត​ឞ៝ន់​នើម អ៝ន់​ពាង់​កោរាញ​មា​នែស​នតូ​អ្យា ទើយ​ដាស​មា​កឹត​កា​តា​ទាក​វាច់​ទាក​វារ់ ឆ្យុម​មពារ់​តា​កាលើ​ត្រោក មពោមពា​(ឆ្យុម)​តា​ឞ្រី​តា​ប៝ន​លាម​នែស​នតូ នទ្រែល​មា​អ៝ន់​ពាង់​ទើយ​ទាទេ​ដាស​ទឹង​លែៈ​នតីល​នទើ​ហូង​នទើ​វើរ​តា​នែស​នតូ​អ្យា”។ កោរាញ​ឞ្រាស​ញជេង​ក៝ន​ឞូនុយ្ស​នើស​ឞ្លាវ​មឹន​ជេង​កោរាញ​តឹម​ឞាន​មា​ពាង់នើម​ងាន់ កើត​ពាង់នើម​ងាន់​រ៝ កោរាញ​ឞ្រាស​ញជេង​ខាន់​ពាង់​អ៝ន់​គែស​ឞូ​ក្លោ​គែស​ឞូ​អូរ។

ជេសរី​កោរាញ​ឞ្រាស​អ៝ន់​នាវ​គែស​ជេង​មា​ខាន់​ពាង់ ពាង់​លាស៖ “អ៝ន់​ឞាៈ​អ៝ស​រ៝ង​ក៝ន​ឞឹក​រឹ​លាម​នែស​នតូ​អ្យា អ៝ន់​ជេង​កោរាញ​មា​នែស​នតូ​អ្យា ជេសរី​ទើយ​ដាស​មា​កឹត​កា​តា​ទាក​វាច់​ទាក​វារ់ ឆ្យុម​មពារ់​តា​កាលើ​ត្រោក ទើយ​ដាស​ទឹង​លែៈ​រាងោច​មពោមពា​(ឆ្យុម)​អី​គែស​តា​នែស​នតូ​អ្យា”។

ឞើស​នតើម​ឆាអើម​ឆាអាម​កោរាញ​ឞ្រាស​ញជេង​ត្រោក ញជេង​នែស​នតូ។

នោក​នៃ​នើស​នែស​នតូ​អេ​ហ៝ៈ​គែស​អោស ហោម​ញឆ៝យ្ស​ឞ៝ង់​លាហឺរ ង៝​ចេក​កោលាក់​ងាន់​តា​ឞើស​លើ​ទាក​ជ្រូ ជេសរី​ឞ្រាស​ហ្វេង​អ្វែស​កោរាញ​ឞ្រាស​ហាន់​រាឆ៝ង​តា​កាលើ​ទាក​រី។

ជេសរី​កោរាញ​ឞ្រាស​លាស៖ “អ៝ន់​គែស​អាង” ជេសរី​គែស​អាង​ងាន់​រ៝។

កោរាញ​ឞ្រាស​អ្វាញ់​ទឹង​លែៈ​រាងោច​នទើ​ពាង់​ញជេង​អី​នៃ​នើស ពាង់​ឆៃ​ទឹង​លែៈ​នតីល​នទើ​ពាង់​ជាន​នើស លែៈ​អ្វែស​ងាន់​រ៝ តា​នៃ​គែស​មាង់​គែស​អោយ អី​នៃ​ជេង​នារ​ត៝ល់​ព្រាវ។

កោរាញ​ឞ្រាស​ឆៃ​អាង​អី​នៃ​លែៈ​អ្វែស​ជេស ជេសរី​ពាង់​តឹម​ងខាស​លើយ​អាង​នៃ​ឞើស​ង៝។

កោរាញ​ឞ្រាស​លាស​ជឹត៖ “ហើយ​ខាន់​អៃ​មៃ អ្វាញ់​អ្យា! គ៝ប់​ញជេង​អ៝ន់​គែស​ទឹង​លែៈ​នតីល​រេប​ជា​អី​គែស​ងគារ់​ហ៝ន​លាម​នែស​នតូ​អ្យា នទ្រែល​មា​ទឹង​លែៈ​នតីល​តើម​ឆី​តើម​គ្លែ​អី​គែស​ព្លៃ​គែស​ងគារ់​អ្យា គៃ​មា​អ៝ន់​ខាន់​អៃ​មៃ​ឆោង​ឆា

កោរាញ​ឞ្រាស​ក្វាល់​អាង​អី​នៃ​រាញា «នារ» ជេសរី​ពាង់​ក្វាល់​ដ៝ង់​ង៝​រាញា «មាង់» តា​នៃ​គែស​មាង់​គែស​អោយ អី​នៃ​ជេង​នារ​ត៝ល់​ង្វាយ។

ជេសរី​កោរាញ​ឞ្រាស​លាស៖ “អ៝ន់​គែស​ទូ​មល៝ម់​រាលាត​តា​ងក្លាង​ងគូល​ទាក​គៃ​មា​តឹម​ងខាស​លើយ​ទាក”។

ជេសរី​លែៈ​រាងោច​ឆ្យុម​មពារ់​កាលើ​ត្រោក លែៈ​រាងោច​មពោមពា​(ឆ្យុម) ទឹង​លែៈ​នតីល​នទើ​ហូង​នទើ​វើរ ទឹង​លែៈ​នតីល​នទើ​អី​គែស​រេស​គែស​នហ៝ម់​តា​នែស​នតូ​អ្យា គ៝ប់​អ៝ន់​ដ៝ង់​រេប​ជា​តើម​ឆី​តើម​គ្លែ​ទឹង​លែៈ​នតីល​អ្យា​ព្រែ​មា​កាប់​មា​ឆា​ដ៝ង់” ជេសរី​ពាង់​គែស​កើត​នៃ​ងាន់​រ៝។

ជេសរី​កោរាញ​ឞ្រាស​លាស៖ “អ៝ន់​គែស​នទើ​អាង​អេងៗ​តា​កាលើ​ត្រោក គៃ​មា​តឹម​ងខាស​លើយ​នារ​ដាស​មាង់ អ៝ន់​មា​ឞ្លាវ​កើប​នារ ខៃ នាម់

ជេសរី​កោរាញ​ឞ្រាស​លាស៖ “អ៝ន់​នែស​គែស​ហ៝ន​តើម​ឆី​តើម​គ្លែ​រេប​ជា​អី​គែស​ងគារ់ តើម​ឆី​តើម​គ្លែ​អី​គែស​ព្លៃ​អី​គែស​ងគារ់​ហ៝ន​តាៈ​ឞើស​នែស គែស​លែៈ​នតីល​តឹង​នតីល​អេងៗ” ជេសរី​គែស​កើត​អី​នៃ​ងាន់​រ៝។

នទ្រី​កោរាញ​ឞ្រាស​ជាន​រាលាត​អី​នៃ គៃ​មា​តឹម​ងខាស​លើយ​ទាក​ឞើស​ទ៝ង់​ឞើស​លើ ជេសរី​គែស​កើត​អី​នៃ​ងាន់​រ៝។

តា​កាលើ​នែស​ពាង់​គែស​ហ៝ន​ព្រូ​តើម​ឆី​តើម​គ្លែ​រេប​ជា​ទឹង​លែៈ​នតីល​អេងៗ នទ្រែល​មា​តើម​ឆី​តើម​គ្លែ​អី​គែស​ព្លៃ​អី​គែស​ងគារ់។ កោរាញ​ឞ្រាស​ឆៃ​លែៈ​នទើ​ពាង់​ញជេង​អី​នៃ​អ្វែស​ទាទេ​ជេស។

នទើ​អាង​កោរាញ​ឞ្រាស​លែៈ​ជេស​ញជេង​គែស​នទើ​អាង​ក្វ៝ង់ៗ​ឞារ​មល៝ម់​តា​កាលើ​ត្រោក នទើ​អាង​អី​ទូ​មល៝ម់​រី​ទាង់​រាលាវ​ឞូ​មា​អាង​នោក​នារ នទើ​អាង​ដេៈៗ​រី​មា​អាង​នោក​មាង់ នហ៝​មា​ពាង់​ញជេង​ដ៝ង់​ទឹង​លែៈ​មាញ់​មឞីង។

ជេសរី​កោរាញ​ឞ្រាស​លាស៖ “ទាក​អី​តា​ន៝ម់​ត្រោក​អី​នៃ​អ៝ន់​ញឆុន​គុ​ទូ​នតុក គៃ​អ៝ន់​មពើល​កើស” ជេសរី​គែស​កើត​អី​នៃ​ងាន់​រ៝។ កោរាញ​ឞ្រាស​ក្វាល់​កើស​អី​នៃ​រាញា​«នែស» ក្វាល់​ទាក​ញឆុន​អី​នៃ​រាញា​«ទាក​វាច់​ទាក​វារ់» កោរាញ​ឞ្រាស​ឆៃ​លែៈ​នទើ​ពាង់​ញជេង​អី​នៃ​អ្វែស​ទាទេ​ជេស។

ជេសរី​កោរាញ​ឞ្រាស​អ៝ន់​នាវ​គែស​ជេង​ទឹង​លែៈ​នតីល​នទើ​អី​នៃ ពាង់​លាស៖ “អ៝ន់​គែស​អ៝ស​គែស​ក៝ន​ឞឹក​រឹ​លាម​ទាក​វាច់​ទាក​វារ់​នៃ ឆ្យុម​នារ​អ៝ន់​គែស​អ៝ស​គែស​ក៝ន​ឞឹក​រឹ​តា​នែស​នតូ​អ្យា​ដ៝ង់”។

ជេសរី​កោរាញ​ឞ្រាស​លាស៖ “តា​នែស​នតូ​អ្យា​អ៝ន់​គែស​មពោមពា​(ឆ្យុម)​តឹង​នតីល​អេងៗ មពោមពា​(ឆ្យុម)​តា​ប៝ន មពោមពា​(ឆ្យុម)​ហូង​វើរ មពោមពា​(ឆ្យុម)​តា​ឞ្រី” ជេសរី​គែស​កើត​នៃ​ងាន់​រ៝។

ជេសរី​កោរាញ​ឞ្រាស​លាស៖ “តា​ត្រោម​ទាក​អ៝ន់​គែស​កឹត​កា​ងគ្លា​មែ​រែ​អ៝ន់​អ៝ក់​រ៝ក់ តា​កាលើ​ត្រោក​អ៝ន់​គែស​ឆ្យុម​មពារ់​ដ៝ង់”។

កោរាញ​ឞ្រាស​ញជេង​មពោមពា​(ឆ្យុម)​តា​ឞ្រី គែស​តឹង​នតីល​អេងៗ មពោមពា​(ឆ្យុម)​តា​ប៝ន​តឹង​នតីល​អេងៗ ទឹង​លែៈ​មពោមពា​(ឆ្យុម)​អី​ហូង​អី​វើរ​តា​នែស​នតូ​អ្យា​គែស​តឹង​នតីល​អេងៗ​ដ៝ង់ ពាង់​ឆៃ​ទឹង​លែៈ​នតីល​នទើ​អី​នៃ​អ្វែស​ទាទេ​ជេស។