1
Dyénésis 1:26-27
Blaan, Sarangani
Kafnge én, man Dwata, “Ani mimò agu i dad to salngad i deg kagkah. Na fdatahgu ale di dad nalaf di mahin, di dad anuk di bnas, di kdee dad lmanaf, dad mnalam na dad mlayal, dad malbang na dad malnak. Na i dad to ani i magot kadang i kdee tamgimògu.” Taman tanimò Dwata i dad to. Nimoan ale salngad i kenen kagkah. Na tanimoan ale lagi na libun.
قارن
اكتشف Dyénésis 1:26-27
2
Dyénésis 1:28
Kafnge én, nun kafye blén di dale, na manan, “Mbel gamu, du fye nun dad belyu mnè na mebe i klamang tanà. Gamu sa fagotgu i dad nalaf di mahin na yéél, na dad anuk di bnas gal mayeng, na i dad kdee dad lmanaf i mnè di tah i tanà, dad mnalam na dad mlayal.”
اكتشف Dyénésis 1:28
3
Dyénésis 1:1
Di katbuan, Dwata mimò langit na banwe.
اكتشف Dyénésis 1:1
4
Dyénésis 1:2
I banwe ani landè fa too bawehan, du landè fa déén. Na di klamang i mahin too kmifu, na too mgal nus mdà di Tulus Dwata, mbal di tah i mahin ani.
اكتشف Dyénésis 1:2
5
Dyénésis 1:3
Na di bang ani, mdek Dwata, manan, “Ani too nun lwa.” Na tamalwa nan.
اكتشف Dyénésis 1:3
6
Dyénésis 1:31
Di kite Dwata i kdee mgimoan, too kenen lehew. Na mlius i butang, na mlius i mduh, na tafnge i gnaman duh.
اكتشف Dyénésis 1:31
7
Dyénésis 1:4
Di kite Dwata i lwa, lehew kenen. Kafnge én, santanin i lwa di kifu.
اكتشف Dyénésis 1:4
8
Dyénésis 1:29
Lêman talù Dwata, manan, “Blégu gamu kdee dad tmabò di tanà, na i kdee dad kayu nun bunge, du fye nun knaanyu.
اكتشف Dyénésis 1:29
9
Dyénésis 1:5
Na dnagitan i lwa dunan “mduh”, na dnagitan i kifu dunan “butang”. Na mlius i butang na mlius i mduh, na tafnge i tnanin duh.
اكتشف Dyénésis 1:5
10
Dyénésis 1:6
Kafnge én, mdek Dwata, manan, “Ani banlenggu di gutngà, fye nun yéél di tah i banwe, na nun di dungan.”
اكتشف Dyénésis 1:6
11
Dyénésis 1:30
Lêman blégu di dad lmanaf na di dad anuk di bnas, i dad sabat na i dad doon i dad kayu, du fye nun knaan i kdee dad mnè di tah i tanà.” Di kagmanan ani gasil mgimò.
اكتشف Dyénésis 1:30
12
Dyénésis 1:14
Kafnge én, mdek Dwata, manan, “Ani nun dad mneng msut di langit, du fye samtani i mduh di butang. Én i mlé ilè gugmadè i dad duh, na i dad fali, na i dad bang mangamfù di Dwata.
اكتشف Dyénésis 1:14
13
Dyénésis 1:11
Kafnge én, mdek Dwata, manan, “Ani dee bung dad tmabò di tah tanà na dee bung kayu. Na kdee di dale munge fye lêman tmabò.” Di kagmanan ani gasil mgimò.
اكتشف Dyénésis 1:11
14
Dyénésis 1:7-8
Di kagmanan ani gasil mgimò. Na i bleng nimoan ani dnagitan “langit”. Na langit i samtani i yéél di tahan na i yéél di dunganan. Na mlius i butang, na mlius i mduh, na tafnge i galwen duh.
اكتشف Dyénésis 1:7-8
15
Dyénésis 1:12
Na dee bung tmabò na dee bung dad kayu nun bunge lamnok di tah tanà. Di kite Dwata i mgimoan, lehew kenen.
اكتشف Dyénésis 1:12
16
Dyénésis 1:16
Na nimoan lwe malbang too mneng. Nimoan i duh, du mneng di mduh na nimoan i bulen du mneng di butang. Na nimoan i dad blatik.
اكتشف Dyénésis 1:16
17
Dyénésis 1:9-10
Kafnge én, mdek Dwata, manan, “Ani mastifun i yéél dungan i langit, du fye nun gukafagan.” Di kagmanan ani gasil mgimò. Na dnagitan i gukafag ani dunan, “tanà”, na dnagitan i yéél tamastifun dunan, “mahin”. Di kite Dwata i mgimoan, lehew kenen.
اكتشف Dyénésis 1:9-10
18
Dyénésis 1:22
Na nun kafye blén di kdee dad mgimoan ani, na manan di dad nalaf, “Mbel gamu, du fye mbaling gamu dee di klamang i mahin na yéél.” Na manan di dad anuk di bnas, “Mbel gamu di klamang tanà.”
اكتشف Dyénésis 1:22
19
Dyénésis 1:24
Kafnge én, man Dwata, “Ani nun dee bung lmanaf mnè di tah tanà, i dad lmanaf mnalam, na nun mlayal, na dad malbang, na dad malnak lmanaf.” Di kagmanan ani gasil mgimò.
اكتشف Dyénésis 1:24
20
Dyénésis 1:20
Kafnge én, mdek Dwata, manan “Ani nun dee bung mnè di lam i mahin na di yéél, na nun dee bung dad anuk di bnas mayeng di tah i tanà.”
اكتشف Dyénésis 1:20
21
Dyénésis 1:25
Na tamgimò Dwata kdee dad lmanaf ani gine. Di kiten i mgimoan, lehew kenen.
اكتشف Dyénésis 1:25
تستخدم YouVersion ملفات تعريف الإرتباط لتخصيص تجربتك. بإستخدامك لموقعنا الإلكتروني، فإنك تقبل إستخدامنا لملفات تعريف الإرتباط كما هو موضح في سياسة الخصوصية
الصفحة الرئيسية
الكتاب المقدس
خطط
فيديوهات