آيات مشهورة من الكتاب المقدس منMata 19

شارك

Yéésù zá' núù ɛ̀g bə̀ gə́, bít bàà bə̀: «Nɛ́b bəd naà gə́, bə̀ bán yíl boò bə̀ súùnmbə̀ gá. Zá Vɛnɛ́b dá bə̀ sə̀n súúnàá.»

Bít Yéésù kə̀ yíl oò bìá, bàà: «Kə̀ aakíin, bə̀ kùm nɛ́ŋə̀ iirə sɔ̀ŋ gá, zá ìì dá kuùm si' nə́ŋ̀ní. Kə̀ aakíin də, nɛ́ŋə̀ oò pɛ̀d in aa Vɛnɛ́b wál lə sí.»

Yéésù kè' í', bàà: «Íí gád nwɔŋ aa bə̀ bád Núúboòd Gìdńnú rə sínì? Sɛŋ aa Vɛnɛ́b sɔ̀d kùd nɛ́b bəd də, kùd nɛ́ŋ váàndo kə̀ nɛ́ŋ kéèndo tá.» Bít Vɛnɛ́b bàà: «Kə̀ taàbìá, nɛ́d váàndo zá' dá báá oò daàn kə̀ nà'á oò tá, bít yaà dá pe'ǹ kə̀ kéèn oò tá, bít boò iirə kóólé, yaà ìì dá kuùm si' nə́ŋ̀ní.»

Bít Yéésù bàà bə̀: «Ìì dàà yɛb bɛ̀ŋ́sə̀ bəd boò yaà máá sunú, ìì dàŋ bə̀ sí. Kàandə, Vɛnɛ́b ləə gààd tə́ nɛ́b aa kìínmbə̀ yɛb bɛ̀ŋ́sə̀ bəraa kíin də yílú.»

Zá nɛ́b aa bə́ŋyée bə̀ nɛ́b yíl bə̀ bəd də, bə̀ dá sə̀n kuùm nɛ́b aa bə̀ bí' yíl boò dùù roó. Bít nɛ́b zùúm bəraa bə́ŋyée bə̀ bí' yíl boò dùù rə kɔ̀, bə̀ dá sə̀n kuùm nɛ́b yíl bə̀ bərá.»

Bít nɛ́b aa zá' bə̀ dàà ligə̀ boò bərá, sínkɔ̀ kudvɛɛ̀l boò bərá, níí boò bərá, kun kɛ́ɛ̀m boò bərá, báá boò ra, nà'á boò ra, yɛb boò bərá, bít kə̀ lɛ' boò bəd tə́ máá nə́gə́lə́ rə, bə̀ dá in bɔbm̀ zùúm; dá aa bə̀ dàà yérə kíìn kanàá. Bít bə̀ dá gɔ̀ŋsə́ aa bɛ́d bə gá rə kíìn bɔbàá.

Yéésù bààù: «Ń í'ì kuùmbə̀ nyɛdkè gə́, ǹ ɛ̀m kúnú, dáàn gə́l in bəraa ń kə̀ naà rə kíìn kóólé, bít ba' rə, ǹ pii nɛ́b búúd bə̀ bərá. Kàandə, ń dá taà gbaŋə̀ bəd dáàn bɔbm̀ lɛgə́ poú. Bít yaà ǹ bàg mə́ kúnú.»

Yéésù bààù: «Kə̀ níìbə̀ ń dɛ̀d mə́ taà nwɔŋ insɔ̀ɔ̀n yílə́ gú? Vɛnɛ́b oò nə́ŋ̀ní, kùmsə̀n nɛ́ŋə̀ sɔ̀ɔ̀ná. Dáà ń í'ì gɔ̀ŋsə́ aa bɛ́d bə gá rə bɔbm̀bə̀ gə́, kò' ǹ kùd Vɛnɛ́b indaŋ̀mbə̀ bərá.»

Bít mə́ tə́ ii kíìn baàn sɔ̀ŋ' Dá kuùm ɔ̀gkeá, geloba piìnmbə̀ zìlə̀wà nyíírú, kə̀ nɛ́d gbaŋə̀ bə̀ piìnmbə̀ Vɛnɛ́b gààrə́ gə́ roó.»

Mə́ tə́ ii kíìn baanàá' Dáà nɛ́ŋə̀ nə́ŋ̀ nìŋ vúŋ kéèn oò yàá, labsə̀ nwɔŋ bòórú gá, bít pà' kéèn ɔ̀d nə́ŋ̀ì gə́, mà' labsə̀ yàá.»

Kàanyée gə́, Yéésù bàà nɛ́b sáànmbə̀ oò bəd: «Mə́ tə́ ii kíìn baanàá, aarə nwɔŋ sɔ̀ɔ̀ná' Dá kuùm gbò'kèá, nɛ́d gbaŋə̀ bə̀ piìnmbə̀ Vɛnɛ́b gààrú.