آيات مشهورة من الكتاب المقدس منMata 13

شارك

Màn aa lúŋ inluùm aa pí' yɛ́b sɔ̀ɔ̀n lìmkè bərə, oòra kùmsə̀n màn aa kìì Vɛnɛ́b nwɔŋì gə́, bít sèl gàb kíìn doó. Mà' tù' sɔ̀ɔ̀nkè, kìínmbə̀ inluùm aa lɛ̀b yɛb laa núnà, nə́ŋ̀ ɔ̀d lɛ̀b laa toora, bít nə́ŋ̀ ɔ̀d sɔ̀ŋ lɛ̀b laa nə́ŋ̀ zè kób də kíin.»

Nɛ́d aa lúŋ inluùm aa pí' ku' bəd tə́ŋú rə, oò gə́, màn aa kìì Vɛnɛ́b nwɔŋì gə́, inselké zɔ̀ŋə yɛ́b bə bə̀ bərá, bít kə̀ í'sɛ̀l gbaŋə̀ bə̀ bərá, nìb ìì lò' nwɔŋ aarə kíìn oò tɛ́mú, bít nwɔŋ aarə lɛ̀b yɛb gá roó.

Inluùm aa pí' kpaŋ̀ gú' bərə, nɛ́b aa bə̀ kìì Vɛnɛ́b Gààd nwɔŋì gə́, sèl bə̀ gàb gá roó. Màìgə́, Nɛ́ŋə̀ Vaksə́ yaà wə́ə́ì gə́, nyá' yaà kè' nwɔŋ aa bə̀ wùù boò tɛ́mə́ rə kúnú.

Nɛ́b kam lúŋ tə́ inluùm aa píí bəŋ zɔ̀ŋú roó' boò gə́, bə̀ kìì Vɛnɛ́b nwɔŋì gə́, bə̀ kè' kə̀ niŋsɛ́lá, kə̀ tɛ́m làmkèá. Zá boò gə́, Vɛnɛ́b nwɔŋ pìì kùd boò tɛ́mú sé, bə̀ kə̀ tɛ́m sidké naà sé, bít búúd yaà wə́ə́ yàá, sínkɔ̀ nwɔŋ tɔgədké bəd yaà wə́ə́ì Vɛnɛ́b nwɔŋ bòórú gə́, nùù lɛ́' bə̀ dàà tɛ́mbagké boò kúnú.

«Ìì ɛ̀g in aa Vɛnɛ́b Gààd lúŋ doó. Vɛnɛ́b Gààd tə́ kìínmbə̀ gbaŋə̀ aa mə́' lɛ' nə́ŋ̀ú rə kíni. Nɛ́ŋ váàndo nə́ŋ̀ dáá bɔ̀b gə́, bít pà' dá mə́' sɔ̀ŋ. Bít kùm kə̀ tɛ́m làmkèá, pú' dá gə́l in bəraa kə̀ naà roó, bít dá lɛ́b lɛsaa rə kúnú.»

Zá inluùm ɔ̀d kambəd píl yɛ́b sɔ̀ɔ̀n lìmkè ba, bít bə̀ lɛ̀b yɛb yàá. Inluùm bèl kam lɛ̀b yɛb laa núnà, ɔ̀d nə́ŋ̀ lɛ̀b laa toora, nə́ŋ̀ ɔ̀d sɔ̀ŋ lɛ̀b laa nə́ŋ̀ zè kób.»

Ìì dàà bə̀ wál boò kàŋ nə́ŋ̀ní, sɛŋ yɛd bə̀ kɛdǹ yaà oò wə́ə́ zé. Bít sɛŋ yɛd bə̀ kɛdǹ yaà wə́ə́ì gə́, má nɛ́b yɛd bə̀ kɛdǹ bəd baàn: «Ìì və̀l bə́ŋ̀ púúgə́ bərá, tab ìì dú' bə̀ sína laarú, bít yɛd wàà sɔ̀ɔ̀n kɔ̀, pú' ìì wál mə́ bɔ̀ɔ̀nú!» › »