آيات مشهورة من الكتاب المقدس منAposel 2

شارك

Eme Pita asumon boho oro i buku doh, “Ado mari badeh, katubuni ndrine ado ma kanyu na nyara Jises Krais, ya idah karei ma lomondra ndra-in tado kameh sikine iu. Ma idah kameh, ado akohok Malawin Ndrabun i nyara ndramas ewek tado.

Eme iri badeh, aso-ok labai ta a-en hamon ta leheya toro aposel ma atukum ta atudun hawe abo-os jabi ramen ma asolom.

Eme Malawin Ndrabun anyuhi ndrine oro, ma mesekei oro badeh, asehek boho kon randra doh, randra doh.

Eme nawin bwe badeh, nyaro lakou asahan i buku none nyaro siyer tinan atohou udu kandrah eme andri idih bolo asiu nane oro areu aliy dah. Eme oro anyolom jih anya eme andri, ma weleyaniy i la-u oro ari ari. Eme Malawin Ndrabun anyuhi ndrine oro, ma mesekei oro badeh, asehek boho kon randra doh, randra doh.

Ma len mari badeh, iri atukum ala bolo asiu tinan ta Kindrei. Ma iri badeh, ado kon tiri abo-os jabi ramen ma aimon amunum le ma sekesek, ma atudun Kindrei. Ma, iri badeh, mwasin labai udu mada iri lau ta kon doh. Eme ya udu bolo len mari badeh, kane iri lau asola ala hawe iri rayah mene, tasah Kindrei ibo gok ta akohok iri ame hamon.

“Kindrei anya, ‘Suniya len anya kano kameh, jo kameh solowei Malawik i la-u lau mari badu kon munyak. Ya iri nadu ado mwan ma badih kameh asehek sahou i buku iri propet, ma iri lau loweu tado kameh amekes lele, ma hawe oro lau tado ndrala bada ndramak kameh ameh solo-an.

Eme ya bolo iri mari badeh, ndrine iri i se, ya iri anyohan lakou i tiri ari ari. Eme iri adeu lakou tiri hawe adeu nyamon tiri i ta sisih ma hawe anyohan iri lau lakou bwe.

Ya lau amekes salom na nyara Laban ma ndremenya iy ta seben kameh, iy winiyan sebenei iri.’

Ya an kameh amak ma kon ilik, ma bun kameh asaram i buku ndra. Ya lakou doh kameh asahan bwena op. Ano len tinan ta lomadan ta Laban asahan.