آيات مشهورة من الكتاب المقدس منLEVI 26

شارك

I nüsa lung tsahbah tüsho nüsa Thrünpuh thsübah, tüsho nüsa I mihtsürü thsübah.

inü nüsa kilim akheahmünchi ching tsüng arüshihbah, tüsho alonü hi mukhuhshihbah tüsho mütüm sangdungbonü aso asobah.

Nüsanü I yakzan thsükhibo yansho tüsho I yuzüngbo thiyuronü leangkhisho

Inü nüsa lo ching mungtsü lashihbah, tüsho nüsa zuh-a yapbah tüsho shenü nüsa mütreshih; inü lomi ching ahürhang shiwühbo yankhita bahbah, tüsho ju ching keochih mülade akambah.

Inü nüsa kheak künde akheahbah tüsho nüsa aso asode wüh bushihbah, tüsho inü tangzüngkhi nüsa kheak zobah.

I ATUNGPUH nüsa Thrünpuh hode nüsa arü azhorü müthsüshihpü Ijip lomi chingnü bekhit; inü nüsa sangkaplak yihshakjih tüsho langakindo tsahshih.

Inü I lapung nüsa bolung zobah, tüsho inü nüsa mübahyuk.

Nüsanü nüsa thsungkheak sangthsü tümü düthsü tüsho sangthsü yungsho dungjing düzhipshih, tüsho khukningde kingaünpü thsüde lung lamkhita nüsa lo ching düzhipshih; tümüde I ATUNGPUH nüsa Thrünpuh.

Nüsanü shangde azokhi hi wün tsühbah tüsho hi aso yukpü thsungkheaknü wukhita bahbah.

Nüsa phüngünü chi khülang yande müshambah, tüsho nüsa chi khülangnü chithürü thürü yande müshambah; nüsa riribo nüsa müngüh nukshangnü akeamshihbah.

Nüsa lu ju khide pung-alungde kurungaso rho khiungde yimlubah, tüsho mükhean kim khiungde kurungaso rhobah; nüsanü atsühnekhi suhdahde angübah tüsho nüsa lo ching nüsa tsokhita labah.

Nüsanü nüsa riri yande amüshambah tüsho arübo nüsa müngüh nukshangnü akeamshihbah.

Nüsanü I yo amunibo zoang tüsho I yo amüsüh dangpung wüntreang: I ATUNGPUH ah.