Laghano Lya Sambi Kwe Iwanu Wose

<div class="version vid915 iso6393ruf" data-vid="915" data-iso6393="ruf">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s">Longa lya Ugima</div><div class="p"> 1Aho mwanduso ng'ana pfinu pfose pfiumbighwe yumwe yakemighwe Longa tsakabaho. Ayo Longa tsakakala na Imlungu, naye Longa kakala Mlungu. 2Yeye tsakahamwe na Imlungu aho mwanduso. 3Kubitila yeye pfinu pfose pfiumbighwa, na bila yeye kuduhu cho chose ichiumbighwe, mna apfila ipfiumbighwe. 4Mghati mwake mumo mwaukalile ugima, na ugima awo tsauwa mwanga kwa iwanu. 5Ghumwanga gholangatsa mchisi, na ichisi ng'achidaha kughutsima baye.</div><div class="p"> 6Tsakulawila munu yumwe iyatumighwe kulawa kwa Imlungu, taghwa lyake Yohana. 7Ayo katsa kwa ukalangama, kuwalongela iwanu tsimbuli tsa ghumwanga, ili kubitila yeye iwanu wose wahulike na watoghole. 8Yeye imwenyegho ng'akalile ghumwanga baye, ila katsa yawalongele iwanu tsimbuli tsa ghumwanga. 9Aghuno ghugho ghumwanga ghwa kweli, ghumwanga ighung'ali ghukutsa muisi kuwalangatsa iwanu wose.</div><div class="p"> 10Ayo Longa kakala muisi, na hata kama Imlungu tsakaumba isi yose kubitila yeye, iwanu ng'awamtangile baye. 11Katsa ukaye yake, lekeni iwanu wake ng'awambokele baye. 12Lekeni iwanu wose iwambokele, awala iwamtoghole, kawatenda wadahe kuwa wana wa Imlungu; 13iwana ing'awelekighwe baye kwa uwetso wa iwanu, wala kwa ngupfu tsa ilukuli, au ka pfayobama imunu, ila ka pfayobama Imlungu.</div><div class="p"> 14Naye Longa katendeka kuwa lukuli, kakala hamwe na twetwe. Na twetwe tuwona utunitso wake, utunitso ka wa Imwana nyalimwe, iyatsile kulawa kwa Baba, kamema uluso na ukweli.</div><div class="p"> 15Yohana kalonga tsimbuli tsake. Kakemelela kulonga, &#8220;Ayuno yuyo yaniwalongele apfino, &#8216;Ayo iyakutsa kuchughu kwangu mkulu kubita nene kwaapfila yeye tsakabaho ng'ana nene nyelekighwe.&#8217; &#8221;</div><div class="p"> 16Kwa apfila mna ukutimilika kwake, twetwe twose tubokela ketseketse, uluso mchanya mwa uluso. 17Mana Imulungu tsakalapfa Itorati kubitila Musa, lekeni uluso na ukweli pfitsa kubitila Yesu Kiristu. 18Tsa kuduhu munu wowose ma iyamwonile Imulungu, ila Imlungu Mwana yaliyeka, iyali habehi ghendo na Baba, yuyo iyomtenda Imulungu yamanyike.</div><div class="s">Usenga wa Yohana Imbatitsa</div><div class="r">(Mat 3:1-12; Malk 1:1-8; Luk 3:1-18)</div><div class="p"> 19Auno wuwo ukalangama wa Yohana, iwakulu wa Wayahudi wa Yerusalemu hawawatumile iwatambika na Walawi waghende kwa Yohana kumghutsa yeye tsayakalile nani.</div><div class="p"> 20Yohana ng'alemile baye ukuwedika, lekeni kawalongela mwatsimwatsi ghendo, &#8220;Nene sili Kiristu baye.&#8221;</div><div class="p"> 21Wamghutsa, &#8220;Lelo ghweghwe uli nani? Pfihi ghweghwe kwa Eliya?&#8221;</div><div class="p">Naye kawedika, &#8220;Baye.&#8221;</div><div class="p">Wamghutsa keli, &#8220;Au ghweghwe kwa inabii ayula iyalongighwe katsakutsa?&#8221;</div><div class="p">Kawedika, &#8220;Baye.&#8221;</div><div class="p"> 22Kuya wamghutsa, &#8220;Lelo ghweghwe uli nani? Tulongele, ili na twetwe tukawalongele iwatutumile tukughutse. Ghweghwe ghumwenyegho ulongatse?&#8221;</div><div class="p"> 23Yohana kawedika,</div><div class="q">&#8220;Nene na litsi lya imunu iyokema kunyika,</div><div class="q">Muigholose inzila ya Imtwatsa! Ka pfayalongile nabii Isaya,&#8221;</div><div class="p"> 24Na iwasenga awala iwatumighwe tsawalawa kwa Mafarisayo, 25nawo wamghutsa, walonga, &#8220;Lelo hebari ubatitsa, ka ghweghwe ng'uli Kiristu baye, wala Eliya, wala inabii ayula?&#8221;</div><div class="p"> 26Yohana kawedika, &#8220;Nene nobatitsa kwa ghamatsi, lekeni mghati mwenu kuna yumwe yang'amummanyile mwemwe. 27Ayo yuyo iyakutsa kuchughu kwangu, na kwa ukulu wake nene sibamighwa baye hata ukudohola imitsabi ya imikwabatsa yake.&#8221; </div><div class="p"> 28Agha ghose ghalawila Betaniya, kumwambu kwa ghumto Yoridani, Yohana kwayang'ali yobatitsa.</div><div class="s">Yesu Imwanang'olo wa Imlungu</div><div class="p"> 29Litsuwa lya keli Yohana kamwona Yesu komtsila, kalonga, &#8220;Mlole! Imwanang'olo wa Imulungu iyosola tsinzambi tsa isi yose! 30Ayuno yuyo yanilongile mbuli tsake, haniwalongele, &#8216;Kakutsa munu kuchughu kwangu iyali mkulu kubita nene, kwaapfila tsakabaho nene ng'ana nyelekighwe.&#8217; 31Nene nimwenyegho tsasimmanyile baye, ila nitsa kubatitsa kwa ghamatsi ili yeye yamanyike kwa iwanu wa Isiraeli.&#8221;</div><div class="p"> 32Kuya Yohana katangatsa kalonga, &#8220;Nimwona Iloho kohulumka kulawa kulanga ka njiwa, kakala mchanya mwake. 33Na nene tsasimmanyile baye, lekeni ayula iyanitumile kubatitsa kwa ghamatsi kanongela, &#8216;Imunu yutsomwona Iloho komhulumkila na kukala mchanya mwake, ayo yuyo iyatsobatitsa kwa Iloho Mtakatifu&#8217;. 34Na ichinu acho nene nichona, na nene nakona ghendo kuwa ayuno yuyo Imwana wa Imulungu.&#8221;</div><div class="s">Wanafunzi wa mwanduso wa Yesu</div><div class="p"> 35Litsuwa liwinzile, Yohana tsakema bahala keli na weli wa iwanafunzi wake. 36Kamwona Yesu kobita, kalonga, &#8220;Mlole! Imwanang'olo wa Imulungu!&#8221;</div><div class="p"> 37Iwanafunzi awala weli hawamuhulike Yohana kolonga apfo, wamuwinza Yesu. 38Yesu kahunduka, kawona womuwinza, kawaghutsa, &#8220;Choni chambama?&#8221;</div><div class="p">Wedika, &#8220;Rabi, ukala kwani?&#8221; (Rabi mana yake Mlangulitsi).</div><div class="p"> 39Kawedika, &#8220;Mtse mwone.&#8221; Waghenda, wona hanu hayang'ali yokala. Nawo wakala naye litsuwa alila, nayo tsaikala ka saa kumi nemihe.</div><div class="p"> 40Andeleya, ndughu yake Simoni Petiri, kakala yumwe wa iwanu awala weli iwahulike achila chiyalongile Yohana, na iwamuwinzile Yesu. 41Bahala, Andeleya kambama indughu yake Simoni, kamlongela, &#8220;Tumwona Masiya, mana yake Kiristu!&#8221; 42Kuya Andeleya kamghala Simoni kwa Yesu.</div><div class="p">Yesu kamlola kalonga, &#8220;Ghweghwe kwa Simoni imwana wa Yohana. Kutsokemighwa Kefa.&#8221; Kefa kwa Chigiriki Petiri, na Petiri mana yake Bwe.</div><div class="s">Yesu kowakema Filipo na Nathanaeli</div><div class="p"> 43L itsuwa liwinzile Yesu kalamla kughenda Galilaya. Kamwona Filipi, kamlongela, &#8220;Niwinze!&#8221; 44Filipi tsakakala munu wa isi ya Betisaida, isi yawang'ali wokala Andeleya na Petiri. 45Filipi kamwona Nasanaeli, kamlongela, &#8220;Tumwona imunu ayula iyandikighwe mbuli tsake na Musa mna ichitabu cha Ghamalaghitso, mbaka manabii wandika tsimbuli tsake. Ayo yuyo Yesu, imwana wa Yosefu. mnu wa wa Nazareti.&#8221;</div><div class="p"> 46Nasanaeli kaghutsa, &#8220;Apfi yodahika chinu chochose chinoghile chilawile Nazareti?&#8221;</div><div class="p">Filipi kamwidika, &#8220;Utse wone.&#8221;</div><div class="p"> 47Yesu hayamwonile Nasanaeli komtsila, kalonga, &#8220;Ayuno Muisiraeli kweli kweli, mghati mwake mduhu ghubu.&#8221;</div><div class="p"> 48Nasanaeli kamghutsa, &#8220;Angu unimanyiletsa?&#8221;</div><div class="p">Yesu kamwidika, &#8220;Ng'ana Filipi yakukeme, haukalile hasi ha ghumtini, tsanikwona.&#8221;</div><div class="p"> 49Kuya Nasanaeli kalonga, &#8220;Mlangulitsi, (nakwona) ghweghwe kwa Imwana wa Imulungu! Ghweghwe kwa imfalume wa Isiraeli!&#8221;</div><div class="p"> 50Yesu kedika, &#8220;Kwotoghola kwaapfila nikulongela tsanikwona haukalile hasi ha ghumtini? Lelo kutsakwona makulu kubita agho.&#8221; 51Kuya kaghendelela kuwalongela, &#8220;Nolongesa ghendo, mtsakwona lilanga lyopfughuka na wamalaika wa Imulungu wogheluka na kuhulumka mchanya mwa Imwana wa Adamu.&#8221;</div>
 </div>
 </div>
</div>

Aho mwanduso ng'ana pfinu pfose pfiumbighwe yumwe yakemighwe Longa tsakabaho. Ayo Longa tsakakala na Imlungu, naye Longa kakala Mlungu. Yeye tsakahamwe na Imlungu aho mwanduso. Kubitila yeye pfinu pfose pfiumbighwa, na bila yeye kuduhu cho chose ichiumbighwe, mna apfila ipfiumbighwe. Mghati mwake mumo mwaukalile ugima, na ugima awo tsauwa mwanga kwa iwanu. Ghumwanga gholangatsa mchisi, na ichisi ng'achidaha kughutsima baye.
Tsakulawila munu yumwe iyatumighwe kulawa kwa Imlungu, taghwa lyake Yohana. Ayo katsa kwa ukalangama, kuwalongela iwanu tsimbuli tsa ghumwanga, ili kubitila yeye iwanu wose wahulike na watoghole. Yeye imwenyegho ng'akalile ghumwanga baye, ila katsa yawalongele iwanu tsimbuli tsa ghumwanga. Aghuno ghugho ghumwanga ghwa kweli, ghumwanga ighung'ali ghukutsa muisi kuwalangatsa iwanu wose.
Ayo Longa kakala muisi, na hata kama Imlungu tsakaumba isi yose kubitila yeye, iwanu ng'awamtangile baye. Katsa ukaye yake, lekeni iwanu wake ng'awambokele baye. Lekeni iwanu wose iwambokele, awala iwamtoghole, kawatenda wadahe kuwa wana wa Imlungu; iwana ing'awelekighwe baye kwa uwetso wa iwanu, wala kwa ngupfu tsa ilukuli, au ka pfayobama imunu, ila ka pfayobama Imlungu.
Naye Longa katendeka kuwa lukuli, kakala hamwe na twetwe. Na twetwe tuwona utunitso wake, utunitso ka wa Imwana nyalimwe, iyatsile kulawa kwa Baba, kamema uluso na ukweli.
Yohana kalonga tsimbuli tsake. Kakemelela kulonga, “Ayuno yuyo yaniwalongele apfino, ‘Ayo iyakutsa kuchughu kwangu mkulu kubita nene kwaapfila yeye tsakabaho ng'ana nene nyelekighwe.’ ”
Kwa apfila mna ukutimilika kwake, twetwe twose tubokela ketseketse, uluso mchanya mwa uluso. Mana Imulungu tsakalapfa Itorati kubitila Musa, lekeni uluso na ukweli pfitsa kubitila Yesu Kiristu. Tsa kuduhu munu wowose ma iyamwonile Imulungu, ila Imlungu Mwana yaliyeka, iyali habehi ghendo na Baba, yuyo iyomtenda Imulungu yamanyike.


Auno wuwo ukalangama wa Yohana, iwakulu wa Wayahudi wa Yerusalemu hawawatumile iwatambika na Walawi waghende kwa Yohana kumghutsa yeye tsayakalile nani.
Yohana ng'alemile baye ukuwedika, lekeni kawalongela mwatsimwatsi ghendo, “Nene sili Kiristu baye.”
Wamghutsa, “Lelo ghweghwe uli nani? Pfihi ghweghwe kwa Eliya?”
Naye kawedika, “Baye.”
Wamghutsa keli, “Au ghweghwe kwa inabii ayula iyalongighwe katsakutsa?”
Kawedika, “Baye.”
Kuya wamghutsa, “Lelo ghweghwe uli nani? Tulongele, ili na twetwe tukawalongele iwatutumile tukughutse. Ghweghwe ghumwenyegho ulongatse?”
Yohana kawedika,
“Nene na litsi lya imunu iyokema kunyika,
Muigholose inzila ya Imtwatsa! Ka pfayalongile nabii Isaya,”
Na iwasenga awala iwatumighwe tsawalawa kwa Mafarisayo, nawo wamghutsa, walonga, “Lelo hebari ubatitsa, ka ghweghwe ng'uli Kiristu baye, wala Eliya, wala inabii ayula?”
Yohana kawedika, “Nene nobatitsa kwa ghamatsi, lekeni mghati mwenu kuna yumwe yang'amummanyile mwemwe. Ayo yuyo iyakutsa kuchughu kwangu, na kwa ukulu wake nene sibamighwa baye hata ukudohola imitsabi ya imikwabatsa yake.”
Agha ghose ghalawila Betaniya, kumwambu kwa ghumto Yoridani, Yohana kwayang'ali yobatitsa.

Litsuwa lya keli Yohana kamwona Yesu komtsila, kalonga, “Mlole! Imwanang'olo wa Imulungu iyosola tsinzambi tsa isi yose! Ayuno yuyo yanilongile mbuli tsake, haniwalongele, ‘Kakutsa munu kuchughu kwangu iyali mkulu kubita nene, kwaapfila tsakabaho nene ng'ana nyelekighwe.’ Nene nimwenyegho tsasimmanyile baye, ila nitsa kubatitsa kwa ghamatsi ili yeye yamanyike kwa iwanu wa Isiraeli.”
Kuya Yohana katangatsa kalonga, “Nimwona Iloho kohulumka kulawa kulanga ka njiwa, kakala mchanya mwake. Na nene tsasimmanyile baye, lekeni ayula iyanitumile kubatitsa kwa ghamatsi kanongela, ‘Imunu yutsomwona Iloho komhulumkila na kukala mchanya mwake, ayo yuyo iyatsobatitsa kwa Iloho Mtakatifu’. Na ichinu acho nene nichona, na nene nakona ghendo kuwa ayuno yuyo Imwana wa Imulungu.”

Litsuwa liwinzile, Yohana tsakema bahala keli na weli wa iwanafunzi wake. Kamwona Yesu kobita, kalonga, “Mlole! Imwanang'olo wa Imulungu!”
Iwanafunzi awala weli hawamuhulike Yohana kolonga apfo, wamuwinza Yesu. Yesu kahunduka, kawona womuwinza, kawaghutsa, “Choni chambama?”
Wedika, “Rabi, ukala kwani?” (Rabi mana yake Mlangulitsi).
Kawedika, “Mtse mwone.” Waghenda, wona hanu hayang'ali yokala. Nawo wakala naye litsuwa alila, nayo tsaikala ka saa kumi nemihe.
Andeleya, ndughu yake Simoni Petiri, kakala yumwe wa iwanu awala weli iwahulike achila chiyalongile Yohana, na iwamuwinzile Yesu. Bahala, Andeleya kambama indughu yake Simoni, kamlongela, “Tumwona Masiya, mana yake Kiristu!” Kuya Andeleya kamghala Simoni kwa Yesu.
Yesu kamlola kalonga, “Ghweghwe kwa Simoni imwana wa Yohana. Kutsokemighwa Kefa.” Kefa kwa Chigiriki Petiri, na Petiri mana yake Bwe.

L itsuwa liwinzile Yesu kalamla kughenda Galilaya. Kamwona Filipi, kamlongela, “Niwinze!” Filipi tsakakala munu wa isi ya Betisaida, isi yawang'ali wokala Andeleya na Petiri. Filipi kamwona Nasanaeli, kamlongela, “Tumwona imunu ayula iyandikighwe mbuli tsake na Musa mna ichitabu cha Ghamalaghitso, mbaka manabii wandika tsimbuli tsake. Ayo yuyo Yesu, imwana wa Yosefu. mnu wa wa Nazareti.”
Nasanaeli kaghutsa, “Apfi yodahika chinu chochose chinoghile chilawile Nazareti?”
Filipi kamwidika, “Utse wone.”
Yesu hayamwonile Nasanaeli komtsila, kalonga, “Ayuno Muisiraeli kweli kweli, mghati mwake mduhu ghubu.”
Nasanaeli kamghutsa, “Angu unimanyiletsa?”
Yesu kamwidika, “Ng'ana Filipi yakukeme, haukalile hasi ha ghumtini, tsanikwona.”
Kuya Nasanaeli kalonga, “Mlangulitsi, (nakwona) ghweghwe kwa Imwana wa Imulungu! Ghweghwe kwa imfalume wa Isiraeli!”
Yesu kedika, “Kwotoghola kwaapfila nikulongela tsanikwona haukalile hasi ha ghumtini? Lelo kutsakwona makulu kubita agho.” Kuya kaghendelela kuwalongela, “Nolongesa ghendo, mtsakwona lilanga lyopfughuka na wamalaika wa Imulungu wogheluka na kuhulumka mchanya mwa Imwana wa Adamu.”

استمع إلى Yohane 1