<div class="version vid893 iso6393sus" data-vid="893" data-iso6393="sus">
   <div class="book bkJHN">
      <div class="chapter chINTRO1" data-usfm="JHN.INTRO1">
         <div class="imt"><span class="content">Masenyi nde yi Kitaabui xa fe ra</span></div><div class="ip"><span class="content">Kitaabui naxan xili &#171;Inyila Isa,&#187; a d&#596;x&#596; naani na a ra. Nami&#626;&#596;nm&#603; naani nan Inyila Isa xa taruxui s&#603;b&#603; Ala Xaxili S&#603;niy&#603;nxi saabui ra. E xili n&#603; Matiyu, Maraki, Luki, nun Yaya.</span></div><div class="ip"><span class="content">Annabi Matiyu, Annabi Maraki, nun Annabi Luki, e Inyila Isa naxan s&#603;b&#603;, e maniya e boore ra. Na saxanyi findixi taruxui nan na, naxan Isa bari ki, a &#626;&#603;r&#603; ki, nun a faxa ki masenma won b&#603;. Inyila Isa Annabi Yaya naxan s&#603;b&#603;, na fan Isa xa taruxui masenma, k&#596;n&#596; kawandi nan gbo a kui. A Isa nan xa fe tagi rabama, alako mixie xa a kolon a Isa findixi Ala xa Mixi Sugandixi yati yati nan na.</span></div><div class="ip"><span class="content">Annabi Yaya a masenma duni&#626;a birin b&#603; a a lanma won xa la Isa ra, won xa danxaniya a ma. Na findima kisi nan na ibunadama b&#603;, kisi naxan mu kanama abadan. Annabi Yaya mixi ralimaniyama yi Kitaabui kui alako e naxa siik&#603; Ala xa laayidi xa fe ma. Isa findixi s&#603;r&#603;x&#603; xungbe nan na naxan duni&#626;a xunsarama. Won xa na kolon, won xa la a ra.</span></div><div class="ip"><span class="content">Inyila Isa Annabi Yaya naxan s&#603;b&#603;xi, a wama Isa tide nan masenfe won b&#603;. A tali w&#596;y&#603;nyi gbegbe rawalima na falafe ra. A a falama a Isa findixi &#171;ibunadama xa naiyalanyi ra.&#187; A a masenma a Isa luxi n&#603; al&#596; &#171;xurusee d&#603;madonyi&#187; danxaniyat&#596;&#603;e b&#603;. A Isa misaalima &#171;naad&#603;&#187; nun &#171;kira&#187; ra. Isa luxi al&#596; &#171;ye&#187; nun &#171;baloe&#187; mixie b&#603;. Isa munafanyi gbo adama b&#603;.</span></div><div class="ip"><span class="content">Ala xa won mali na kolonfe ra alako Isa xa fe xa lu won b&#596;&#626;&#603; kui. Amina.</span></div><div class="imte"><span class="content">Inyila Isa</span></div><div class="imte"><span class="content">Annabi Yaya naxan s&#603;b&#603;xi</span></div><div class="cl"><span class="heading">Sora</span></div>
      </div>
   </div>
</div>

Masenyi nde yi Kitaabui xa fe ra
Kitaabui naxan xili «Inyila Isa,» a dɔxɔ naani na a ra. Namiɲɔnmɛ naani nan Inyila Isa xa taruxui sɛbɛ Ala Xaxili Sɛniyɛnxi saabui ra. E xili nɛ Matiyu, Maraki, Luki, nun Yaya.
Annabi Matiyu, Annabi Maraki, nun Annabi Luki, e Inyila Isa naxan sɛbɛ, e maniya e boore ra. Na saxanyi findixi taruxui nan na, naxan Isa bari ki, a ɲɛrɛ ki, nun a faxa ki masenma won bɛ. Inyila Isa Annabi Yaya naxan sɛbɛ, na fan Isa xa taruxui masenma, kɔnɔ kawandi nan gbo a kui. A Isa nan xa fe tagi rabama, alako mixie xa a kolon a Isa findixi Ala xa Mixi Sugandixi yati yati nan na.
Annabi Yaya a masenma duniɲa birin bɛ a a lanma won xa la Isa ra, won xa danxaniya a ma. Na findima kisi nan na ibunadama bɛ, kisi naxan mu kanama abadan. Annabi Yaya mixi ralimaniyama yi Kitaabui kui alako e naxa siikɛ Ala xa laayidi xa fe ma. Isa findixi sɛrɛxɛ xungbe nan na naxan duniɲa xunsarama. Won xa na kolon, won xa la a ra.
Inyila Isa Annabi Yaya naxan sɛbɛxi, a wama Isa tide nan masenfe won bɛ. A tali wɔyɛnyi gbegbe rawalima na falafe ra. A a falama a Isa findixi «ibunadama xa naiyalanyi ra.» A a masenma a Isa luxi nɛ alɔ «xurusee dɛmadonyi» danxaniyatɔɛe bɛ. A Isa misaalima «naadɛ» nun «kira» ra. Isa luxi alɔ «ye» nun «baloe» mixie bɛ. Isa munafanyi gbo adama bɛ.
Ala xa won mali na kolonfe ra alako Isa xa fe xa lu won bɔɲɛ kui. Amina.
Inyila Isa
Annabi Yaya naxan sɛbɛxi

استمع إلى Yaya Masenyi nde yi Kitaabui xa fe ra