<div class="version vid856 iso6393bum" data-vid="856" data-iso6393="bum">
    <div class="book bkGEN">
        <div class="chapter chINTRO1" data-usfm="GEN.INTRO1">
            <div class="imt"><span class="content">Mej&#244; y&#700;atata&#700;a</span></div><div class="ip"><span class="content">Metata&#700;a a ne kalate &#244;su e kalate Zambe &#233;t&#233;. Ba loone nye Metata&#700;a amu a liti 1 metata&#700;a m&#700;&#233;mo &#233;se, metata&#700;a me m&#244;t a metata&#700;a me ayo&#241; Isra&#233;l.</span></div><div class="ip"><span class="content">Kalate metata&#700;a a ye&#700;ele e mame Zambe a nga bo. Jam &#244;su a liti e ne na: Zambe a nga t&#233; &#233;mo; &#233;mo te &#233;bien &#233;tua anen, ve &#233;se &#233; too &#233;j&#244;&#233; Zambe si. Kalate a ke man a e ngaka&#700;a ny&#244; na: Zambe a ye ke &#244;su a ba&#700;ale ayo&#241;e b&#244;te d&#233;. Atat&#233; aku&#700;u di a kui di avok e kalate metata&#700;a &#233;t&#233;, Zambe nye a ne nl&#244;: a bo na be yeme nye, a ne ntyi&#700;i mej&#244;, a liti a ba&#700;ale&#700;e fe ayo&#241;e b&#244;te d&#233;, e nye a k&#244;me nka&#241;ete w&#233;.</span></div><div class="ip"><span class="content">Mvus &#233;te, Zambe a sili na be buni nye a buni fe mengata&#700;a m&#233;, be ve mebend&#233; a meti&#241;e m&#233; mew&#244;k. Nkpwas.</span></div><div class="ip"><span class="content">Kapitel 1&#8211;11: Bi ne yem &#233;mo bi too ji aya? M&#244;t a ne j&#233;? A ne j&#233; &#233;mo jina &#233;t&#233;? Amu j&#233; ntaban e za&#241;e b&#244;t wo ndaman biyo&#241; abui? Ye bia&#241; &#233;zi&#241; &#233; ne k&#244;me jame te? Minsili mi e mmie ngab &#244;su ny&#244; ja yalan; fam a minga e nt&#233;ane bi&#244;m &#233;t&#233; (1&#8211;2); fam a minga ba kandane Zambe (3); Kan baa Ab&#233;l (4). No&#233; e beta nd&#244;n &#233;t&#233; (6&#8211;9); &#212;zomezome nda ya Bab&#233;l (11). Minka&#241;ete mite mi ne aya&#233; ya yem &#233;yo&#241; &#233;v&#233; mam mete me nga boban?</span></div><div class="ip"><span class="content">Kapitel 12&#8211;50: Ngabe ny&#244; ja liti ane Zambe a soo nyian e be m&#244;ta binam &#233;yo&#241; a loone bimvam bi ne tin ayo&#241; Isra&#233;l: Abraham (12:1&#8211;25:18), ny&#244; mbunane w&#233; a mew&#244;&#700;&#244; m&#233; e mfa&#700;a Zambe bia bo na a yen&#233; &#233;yo&#241; &#233;se ane &#233;ve&#700;ela&#700;a; Izak e mone Abraham. Nda&#233; Abraham, Yakob (25:19&#8211;37:1) nye a nga su&#700;ulane lobane j&#244;&#233; na Isra&#233;l. Y&#244;sep (37:2&#8211;50:26), wua ya bone be Yakob, &#233;saa Efrayim a Manas&#233;, a ne tine ya mam me nga bo na Yakob, bone bevok a menda me b&#244;te map be ke nyi&#241; Ejipte. </span></div><div class="ie"></div>
        </div>
    </div>
</div>

Mejô yʼatataʼa
Metataʼa a ne kalate ôsu e kalate Zambe été. Ba loone nye Metataʼa amu a liti 1 metataʼa mʼémo ése, metataʼa me môt a metataʼa me ayoñ Israél.
Kalate metataʼa a yeʼele e mame Zambe a nga bo. Jam ôsu a liti e ne na: Zambe a nga té émo; émo te ébien étua anen, ve ése é too éjôé Zambe si. Kalate a ke man a e ngakaʼa nyô na: Zambe a ye ke ôsu a baʼale ayoñe bôte dé. Ataté akuʼu di a kui di avok e kalate metataʼa été, Zambe nye a ne nlô: a bo na be yeme nye, a ne ntyiʼi mejô, a liti a baʼaleʼe fe ayoñe bôte dé, e nye a kôme nkañete wé.
Mvus éte, Zambe a sili na be buni nye a buni fe mengataʼa mé, be ve mebendé a metiñe mé mewôk. Nkpwas.
Kapitel 1–11: Bi ne yem émo bi too ji aya? Môt a ne jé? A ne jé émo jina été? Amu jé ntaban e zañe bôt wo ndaman biyoñ abui? Ye biañ éziñ é ne kôme jame te? Minsili mi e mmie ngab ôsu nyô ja yalan; fam a minga e ntéane biôm été (1–2); fam a minga ba kandane Zambe (3); Kan baa Abél (4). Noé e beta ndôn été (6–9); Ôzomezome nda ya Babél (11). Minkañete mite mi ne ayaé ya yem éyoñ évé mam mete me nga boban?
Kapitel 12–50: Ngabe nyô ja liti ane Zambe a soo nyian e be môta binam éyoñ a loone bimvam bi ne tin ayoñ Israél: Abraham (12:1–25:18), nyô mbunane wé a mewôʼô mé e mfaʼa Zambe bia bo na a yené éyoñ ése ane éveʼelaʼa; Izak e mone Abraham. Ndaé Abraham, Yakob (25:19–37:1) nye a nga suʼulane lobane jôé na Israél. Yôsep (37:2–50:26), wua ya bone be Yakob, ésaa Efrayim a Manasé, a ne tine ya mam me nga bo na Yakob, bone bevok a menda me bôte map be ke nyiñ Ejipte.

استمع إلى KALATE METATAʼA Mejô yʼatataʼa