Matayo 7
7
Okusaara abandi omusango
(Luk 6:37,38,41,42)
1OYesu ni yeeyongera nʼabakoba ati, “Timusaaranga bandi musango, naanywe gutalibasaarwa. 2Kubba, nka nimubasaara, naanywe nimwo mulisaarwa. Era olulengo lwemwakolesya okupimira abandi, nirwo lulikolesebwa nywena okubapimira. 3Lwaki oroleera akasubi akali oku riiso rya mugandaawo, baitu nʼotafa oku kisubi ekiri oku ryamu? 4Okoba otyai omugandaawo nti, ‘Leka nkwiye akasubi oku riiso,’ baitu ngʼoku riiso eryamu kuliku ekisubi? 5Mugobya we, weekeere oiye ekisubi oku riiso eryamu, ale leke osobole okubona okusai, nʼokwiya akasubi oku riiso rya mugandaawo.
6“Ebya Kanca timubiweeryanga mbwene, andaake zibayindukire okubanena. Era amabbaale aga muwendo timuganagiranga mberege, andaake zigasambaatiire leke ziyinduke okubaduusuula.”
Okusaba, okutoolya, nʼokukonkona
(Luk 11:9-13)
7OYesu ni yeeyongera nʼabakoba ati, “Musabe, muliweebwa. Mutoolye, mulibona. Mukonkone oku lwige, mulikinguurwawo, 8kubba buli asaba aweebwa, buli atoolya abona, na buli akonkona oku lwige akinguurwawo. 9Naani oku nywe eyaakuweerya omwana waamwe eibbaale namusabire omugaati, 10oba eyaakumuweerya onjoka namusabire oncwi? 11Ale oba nga nywe ababbi mumaite okuweerya abaana baanywe ebisai, oIte waanywe owa mwiguru talikirawo muno okuweerya ebisai abo ababba babimusabire?
12“Ale ati nywe byemwendya abandi babakoore, naanywe mubibakoorenge. Amateeka ga Musa nʼenyegesya yʼabalangi ekyo nikyo bimanyisya.”
Omulyango ogufundi
(Luk 13:24)
13OYesu ni yeeyongera nʼabakoba ati, “Mwingiriire omu mulyango ogufundi, kubba gwo omulyango ogwingira omu kuwereekeera gugazi, nʼomuwanda ogwikayo gukooto, era abagwakalamu baingi. 14Baitu omulyango ogwingira omu bwomi gufundi, nʼomuwanda ogwikayo gwa kamigo, nʼabagubona badooli.”
Omusaale nʼebyana byagwo
(Luk 6:43,44)
15OYesu ni yeeyongera nʼabakoba ati, “Mwerinde abalangi ababubeyegi, abaiza egyemuli nibakwisana entaama okuruguru, baitu ngʼomunda nibyo ebibbwene ebyandi. 16Oku bikolwa byabwe nikwo mulibamanyira. Abantu banokola ezabbibbu oku mugwi, oba etiini oku mweramaino? 17Omu ngeri nigyo gimwei, omusaale ogusai gwera ebyana bisai; baitu omusaale ogubbi gwera ebyana bibbi. 18Omusaale ogusai tigusobola kwera byana bibbi, nʼomusaale ogubbi tigusobola kwera byana bisai. 19Buli musaale oguteera byana bisai gutemebwa, ni gunagwa omu muuro. 20Nimwo kityoni, nʼabantu oku bikolwa byabwe nikwo mulibamanyira.”
Timbamanyangaku
(Luk 13:25-27)
21OYesu ni yeeyongera nʼabakoba ati, “Omuntu anyetangambe nti, ‘Mukama wange, Mukama wange’, ti niye alingira omu bukama obwa mwiguru. Baitu akola oIte wange ali omwiguru byayendya niye alibwingiramu. 22Ekiro kidi, baingi balikoba bati, ‘Mukama waiswe, Mukama waiswe, twalanganga omwibara ryamu, twapekanga emizumu oku bantu nitukukolesya eibara ryamu. Era twakolanga ebyamaano bingi omwibara ryamu.’ 23Nje ndibaatuura nti, ‘Timbamanyangaku. Mulige wendi nywe abajeemu.’”
Abomboki ababiri
(Luk 6:47-49)
24OYesu ni yeeyongera nʼabakoba ati, “Buli muntu awura ebigambo byange ebyo, nʼabikooraku, abba nkʼomusaiza owa magezi, eyayombokere enyumba yaamwe oku lwazi. 25Enjura nʼetoonya, ekinyeeri ni kitenta, ompungo nʼawunga, ni bikubba enyumba eyo, baitu nʼetagwa, kubba yayombokerwe ku lwazi.
26“Baitute buli muntu awura ebigambo byange ebyo, nʼatabikooraku, abba nkʼomusaiza omudoma, eyayombokere enyumba yaamwe oku musenyu. 27Enjura nʼetoonya, ekinyeeri ni kitenta, ompungo nʼawunga, ni bikubba enyumba eyo, nʼegwa nʼeyendekerawo kimwei.”
28OYesu niyamaare okubaza ebyo, ekibiina kyʼabantu ni kyewuunya engeri gyeyayegeseryemu, 29kubba yayegeserye nkʼomunyabuyinza, baitu ti nkʼabeegesya bʼamateeka.
Currently Selected:
Matayo 7: RUULI-NYALA
ማድመቅ
ያጋሩ
ኮፒ
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Matayo 7
7
Okusaara abandi omusango
(Luk 6:37,38,41,42)
1OYesu ni yeeyongera nʼabakoba ati, “Timusaaranga bandi musango, naanywe gutalibasaarwa. 2Kubba, nka nimubasaara, naanywe nimwo mulisaarwa. Era olulengo lwemwakolesya okupimira abandi, nirwo lulikolesebwa nywena okubapimira. 3Lwaki oroleera akasubi akali oku riiso rya mugandaawo, baitu nʼotafa oku kisubi ekiri oku ryamu? 4Okoba otyai omugandaawo nti, ‘Leka nkwiye akasubi oku riiso,’ baitu ngʼoku riiso eryamu kuliku ekisubi? 5Mugobya we, weekeere oiye ekisubi oku riiso eryamu, ale leke osobole okubona okusai, nʼokwiya akasubi oku riiso rya mugandaawo.
6“Ebya Kanca timubiweeryanga mbwene, andaake zibayindukire okubanena. Era amabbaale aga muwendo timuganagiranga mberege, andaake zigasambaatiire leke ziyinduke okubaduusuula.”
Okusaba, okutoolya, nʼokukonkona
(Luk 11:9-13)
7OYesu ni yeeyongera nʼabakoba ati, “Musabe, muliweebwa. Mutoolye, mulibona. Mukonkone oku lwige, mulikinguurwawo, 8kubba buli asaba aweebwa, buli atoolya abona, na buli akonkona oku lwige akinguurwawo. 9Naani oku nywe eyaakuweerya omwana waamwe eibbaale namusabire omugaati, 10oba eyaakumuweerya onjoka namusabire oncwi? 11Ale oba nga nywe ababbi mumaite okuweerya abaana baanywe ebisai, oIte waanywe owa mwiguru talikirawo muno okuweerya ebisai abo ababba babimusabire?
12“Ale ati nywe byemwendya abandi babakoore, naanywe mubibakoorenge. Amateeka ga Musa nʼenyegesya yʼabalangi ekyo nikyo bimanyisya.”
Omulyango ogufundi
(Luk 13:24)
13OYesu ni yeeyongera nʼabakoba ati, “Mwingiriire omu mulyango ogufundi, kubba gwo omulyango ogwingira omu kuwereekeera gugazi, nʼomuwanda ogwikayo gukooto, era abagwakalamu baingi. 14Baitu omulyango ogwingira omu bwomi gufundi, nʼomuwanda ogwikayo gwa kamigo, nʼabagubona badooli.”
Omusaale nʼebyana byagwo
(Luk 6:43,44)
15OYesu ni yeeyongera nʼabakoba ati, “Mwerinde abalangi ababubeyegi, abaiza egyemuli nibakwisana entaama okuruguru, baitu ngʼomunda nibyo ebibbwene ebyandi. 16Oku bikolwa byabwe nikwo mulibamanyira. Abantu banokola ezabbibbu oku mugwi, oba etiini oku mweramaino? 17Omu ngeri nigyo gimwei, omusaale ogusai gwera ebyana bisai; baitu omusaale ogubbi gwera ebyana bibbi. 18Omusaale ogusai tigusobola kwera byana bibbi, nʼomusaale ogubbi tigusobola kwera byana bisai. 19Buli musaale oguteera byana bisai gutemebwa, ni gunagwa omu muuro. 20Nimwo kityoni, nʼabantu oku bikolwa byabwe nikwo mulibamanyira.”
Timbamanyangaku
(Luk 13:25-27)
21OYesu ni yeeyongera nʼabakoba ati, “Omuntu anyetangambe nti, ‘Mukama wange, Mukama wange’, ti niye alingira omu bukama obwa mwiguru. Baitu akola oIte wange ali omwiguru byayendya niye alibwingiramu. 22Ekiro kidi, baingi balikoba bati, ‘Mukama waiswe, Mukama waiswe, twalanganga omwibara ryamu, twapekanga emizumu oku bantu nitukukolesya eibara ryamu. Era twakolanga ebyamaano bingi omwibara ryamu.’ 23Nje ndibaatuura nti, ‘Timbamanyangaku. Mulige wendi nywe abajeemu.’”
Abomboki ababiri
(Luk 6:47-49)
24OYesu ni yeeyongera nʼabakoba ati, “Buli muntu awura ebigambo byange ebyo, nʼabikooraku, abba nkʼomusaiza owa magezi, eyayombokere enyumba yaamwe oku lwazi. 25Enjura nʼetoonya, ekinyeeri ni kitenta, ompungo nʼawunga, ni bikubba enyumba eyo, baitu nʼetagwa, kubba yayombokerwe ku lwazi.
26“Baitute buli muntu awura ebigambo byange ebyo, nʼatabikooraku, abba nkʼomusaiza omudoma, eyayombokere enyumba yaamwe oku musenyu. 27Enjura nʼetoonya, ekinyeeri ni kitenta, ompungo nʼawunga, ni bikubba enyumba eyo, nʼegwa nʼeyendekerawo kimwei.”
28OYesu niyamaare okubaza ebyo, ekibiina kyʼabantu ni kyewuunya engeri gyeyayegeseryemu, 29kubba yayegeserye nkʼomunyabuyinza, baitu ti nkʼabeegesya bʼamateeka.
