Лебийлиле 6
6
1Раббий Муссагъа былай айтханды:
2– Бир адам гюнях этсе эм Раббийге тюзлюгюн бузса: ол, анга асыраргъа ышанылгъан затны юсюнден, неда анга жюкге къалдырылгъан ырысхыны юсюнден, неда ол урлагъан затны юсюнден ётюрюк айтып, башха адамны алдаса, 3неда, ол башха адамны тас болгъан затын табып, билдирген а этмесе, неда бир затны юсюнден жалгъан ант этсе, неда башха, адамла этген, бир гюнях этсе, 4– ол гюнях этип, терслиги анга ачыкъ болса, ол урлагъан затны, зор бла алгъан затны, анга асыраргъа ышанылгъан затны, неда тас болгъан эм ол тапхан затны, къайтарыргъа керекди. 5Бир затны юсюнден жалгъан ант этсе, аны да толусунлай тёлерге керекди. Аны багъасына дагъыда бешден бирин къошуп, терслиги ючюн къурман этген кюн тёлеуню ол затны иесине берирге керекди. 6Ол, тёлеуге, Раббийге терслик ючюн къурманнга сюрюуюнден бир тийиншли багъалы, къыяусуз къочхар алып, дин къуллукъчугъа келтирсин. 7Дин къуллукъчу аны Раббийни аллында тазалар, эм анга битеу этген гюняхлары бла терсликлери кечилирле.
Толусунлай кюйдюрюлген къурманны юсюнден башха жорукъла
8Раббий Муссагъа былай айтханды:
9– Харуннга бла аны уланларына быллай буйрукъ бер:
Ма толусунлай кюйдюрюлген къурманланы юсюнден адет. Ол кюйдюрюлген жерде, къурман жерни юсюнде кечеден эрттенликге дери къалсын, къурман жерни оту ёчюлмесин. 10Дин къуллукъчу гетен кийимин бла гетен ич кёнчегин кийип, къурман жерни юсюнде от кюйдюрген къурманны кюлюн алсын да, къурман жерни жанында къойсун. 11Сора юсюндеги кийимин тешсин да, башха кийим кийип, кюлню къонушдан тышына, таза жерге чыгъарсын. 12Къурман жерде отну ёчюлтмезге керекди. Дин къуллукъчу хар эрттен сайын аны юсюне отунла салсын, аланы юсюне уа толусунлай кюйдюрюлген къурманны салсын эм саламатлыкъ къурманны жауларын кюйдюрсюн. 13Къурман жерни юсюндеги от ёчюлмегенлей, дайым жанаргъа керекди.
Мирзеу саугъаны юсюнден башха жорукъла
14Ма мирзеу саугъаны юсюнден адет. Харунну уланлары аны Раббийни аллына, къурман жерге келтирирге керекдиле. 15Дин къуллукъчу ууучу бла мирзеу саугъадан бидиш унну, зейтун жауну эм ладанны алсын да, къурман жерде кюйдюрсюн. Бу – Раббийге жагъымлы ийис берген эсгертиу юлюшдю. 16Къалгъанын Харун бла аны уланлары ашасынла. Аны сыйлы жерде, Тюбешиу Чатырны арбазында ол ачымай тургъанлай ашаргъа керекди. 17Саугъаны ачытмай биширирге керекди. Отда кюйдюрюлген саугъаладан Мен муну алагъа юлюшге береме. Бу – гюнях ючюн къурман кибик эм терслик ючюн къурман кибик, бек сыйлы затды. 18Муну Харунну туудукъларындан хар эр киши ашаргъа эркинди. Бу – сизни келлик тёлюлеригиз Раббийге отда кюйдюрюлген саугъаладан аланы ёмюрлюк юлюшлериди. Анга тийген хар зат да сыйлы болур#6:18 Бу жерде «сыйлы» деген сёз гюняхсызлыкъны юсюнден айтмайды. Бир затны энчи, айырма болгъанын белгилейди. Аны башха затланы кибик хайырланыргъа жарамагъанын кёргюзтеди..
19Дагъыда Раббий Муссагъа былай айтханды:
20– Ма Харун бла аны уланлары дин къуллукъчулукъгъа майланнган кюн ала Раббийге келтирлик саугъа. Дайым мирзеу саугъа кибик, бидиш ундан эфаны ондан бирин#6:20 2 литрге жууукъ. келтирсин: жартысын эрттенликде, жартысын ингирде. 21Аны табада зейтун жауда биширип, кесек-кесек сындырып зейтун жау бла иги къатышдырып келтир. Бу – Раббийге жагъымлы ийис берген саугъады. 22Харунну уланларындан болгъан, аны орунун тутхан майланнган дин къуллукъчу муну этерге борчлуду. Бу – ёмюрге да Раббийни юлюшюдю. Муну толусунлай кюйдюрюрге керекди. 23Дин къуллукъчу келтирген хар мирзеу саугъаны толусунлай кюйдюрюрге керекди, аны ашаргъа жарамайды.
Гюнях ючюн къурманны юсюнден башха жорукъла
24Раббий Муссагъа былай айтханды:
25– Харуннга бла аны уланларына былай айт:
Ма гюнях ючюн къурманны юсюнден адет. Гюнях ючюн къурманны Раббийни аллында, толусунлай кюйдюрюлген къурманны сойгъан жерде сояргъа керекди. Бу – бек сыйлы затды. 26Гюнях ючюн къурманны сойгъан дин къуллукъчу аны ашаргъа керекди. Ол аны сыйлы жерде, Тюбешиу Чатырны арбазында ашасын. 27Къурманны этине тийген хар зат сыйлы болур. Аны къаны биреуню кийимине тамса уа, ол кийимни сыйлы жерде жууаргъа керекди. 28Эти биширилген топуракъ сауутну ууатыргъа керекди. Багъыр сауутда биширилсе уа, ол сауутну тазалап, жууаргъа керекди. 29Дин къуллукъчуланы юйюрлеринде хар эр киши муну ашаргъа эркинди. Бу – бек сыйлы затды. 30Алай а, къаны Тюбешиу Чатыргъа тазалау этерге кийирилген гюнях ючюн къурманны ашаргъа жарамайды. Аны кюйдюрюрге керекди.
Currently Selected:
Лебийлиле 6: МалкъСК
ማድመቅ
ያጋሩ
ኮፒ
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
© Институт перевода Библии, 2020-2024
Лебийлиле 6
6
1Раббий Муссагъа былай айтханды:
2– Бир адам гюнях этсе эм Раббийге тюзлюгюн бузса: ол, анга асыраргъа ышанылгъан затны юсюнден, неда анга жюкге къалдырылгъан ырысхыны юсюнден, неда ол урлагъан затны юсюнден ётюрюк айтып, башха адамны алдаса, 3неда, ол башха адамны тас болгъан затын табып, билдирген а этмесе, неда бир затны юсюнден жалгъан ант этсе, неда башха, адамла этген, бир гюнях этсе, 4– ол гюнях этип, терслиги анга ачыкъ болса, ол урлагъан затны, зор бла алгъан затны, анга асыраргъа ышанылгъан затны, неда тас болгъан эм ол тапхан затны, къайтарыргъа керекди. 5Бир затны юсюнден жалгъан ант этсе, аны да толусунлай тёлерге керекди. Аны багъасына дагъыда бешден бирин къошуп, терслиги ючюн къурман этген кюн тёлеуню ол затны иесине берирге керекди. 6Ол, тёлеуге, Раббийге терслик ючюн къурманнга сюрюуюнден бир тийиншли багъалы, къыяусуз къочхар алып, дин къуллукъчугъа келтирсин. 7Дин къуллукъчу аны Раббийни аллында тазалар, эм анга битеу этген гюняхлары бла терсликлери кечилирле.
Толусунлай кюйдюрюлген къурманны юсюнден башха жорукъла
8Раббий Муссагъа былай айтханды:
9– Харуннга бла аны уланларына быллай буйрукъ бер:
Ма толусунлай кюйдюрюлген къурманланы юсюнден адет. Ол кюйдюрюлген жерде, къурман жерни юсюнде кечеден эрттенликге дери къалсын, къурман жерни оту ёчюлмесин. 10Дин къуллукъчу гетен кийимин бла гетен ич кёнчегин кийип, къурман жерни юсюнде от кюйдюрген къурманны кюлюн алсын да, къурман жерни жанында къойсун. 11Сора юсюндеги кийимин тешсин да, башха кийим кийип, кюлню къонушдан тышына, таза жерге чыгъарсын. 12Къурман жерде отну ёчюлтмезге керекди. Дин къуллукъчу хар эрттен сайын аны юсюне отунла салсын, аланы юсюне уа толусунлай кюйдюрюлген къурманны салсын эм саламатлыкъ къурманны жауларын кюйдюрсюн. 13Къурман жерни юсюндеги от ёчюлмегенлей, дайым жанаргъа керекди.
Мирзеу саугъаны юсюнден башха жорукъла
14Ма мирзеу саугъаны юсюнден адет. Харунну уланлары аны Раббийни аллына, къурман жерге келтирирге керекдиле. 15Дин къуллукъчу ууучу бла мирзеу саугъадан бидиш унну, зейтун жауну эм ладанны алсын да, къурман жерде кюйдюрсюн. Бу – Раббийге жагъымлы ийис берген эсгертиу юлюшдю. 16Къалгъанын Харун бла аны уланлары ашасынла. Аны сыйлы жерде, Тюбешиу Чатырны арбазында ол ачымай тургъанлай ашаргъа керекди. 17Саугъаны ачытмай биширирге керекди. Отда кюйдюрюлген саугъаладан Мен муну алагъа юлюшге береме. Бу – гюнях ючюн къурман кибик эм терслик ючюн къурман кибик, бек сыйлы затды. 18Муну Харунну туудукъларындан хар эр киши ашаргъа эркинди. Бу – сизни келлик тёлюлеригиз Раббийге отда кюйдюрюлген саугъаладан аланы ёмюрлюк юлюшлериди. Анга тийген хар зат да сыйлы болур#6:18 Бу жерде «сыйлы» деген сёз гюняхсызлыкъны юсюнден айтмайды. Бир затны энчи, айырма болгъанын белгилейди. Аны башха затланы кибик хайырланыргъа жарамагъанын кёргюзтеди..
19Дагъыда Раббий Муссагъа былай айтханды:
20– Ма Харун бла аны уланлары дин къуллукъчулукъгъа майланнган кюн ала Раббийге келтирлик саугъа. Дайым мирзеу саугъа кибик, бидиш ундан эфаны ондан бирин#6:20 2 литрге жууукъ. келтирсин: жартысын эрттенликде, жартысын ингирде. 21Аны табада зейтун жауда биширип, кесек-кесек сындырып зейтун жау бла иги къатышдырып келтир. Бу – Раббийге жагъымлы ийис берген саугъады. 22Харунну уланларындан болгъан, аны орунун тутхан майланнган дин къуллукъчу муну этерге борчлуду. Бу – ёмюрге да Раббийни юлюшюдю. Муну толусунлай кюйдюрюрге керекди. 23Дин къуллукъчу келтирген хар мирзеу саугъаны толусунлай кюйдюрюрге керекди, аны ашаргъа жарамайды.
Гюнях ючюн къурманны юсюнден башха жорукъла
24Раббий Муссагъа былай айтханды:
25– Харуннга бла аны уланларына былай айт:
Ма гюнях ючюн къурманны юсюнден адет. Гюнях ючюн къурманны Раббийни аллында, толусунлай кюйдюрюлген къурманны сойгъан жерде сояргъа керекди. Бу – бек сыйлы затды. 26Гюнях ючюн къурманны сойгъан дин къуллукъчу аны ашаргъа керекди. Ол аны сыйлы жерде, Тюбешиу Чатырны арбазында ашасын. 27Къурманны этине тийген хар зат сыйлы болур. Аны къаны биреуню кийимине тамса уа, ол кийимни сыйлы жерде жууаргъа керекди. 28Эти биширилген топуракъ сауутну ууатыргъа керекди. Багъыр сауутда биширилсе уа, ол сауутну тазалап, жууаргъа керекди. 29Дин къуллукъчуланы юйюрлеринде хар эр киши муну ашаргъа эркинди. Бу – бек сыйлы затды. 30Алай а, къаны Тюбешиу Чатыргъа тазалау этерге кийирилген гюнях ючюн къурманны ашаргъа жарамайды. Аны кюйдюрюрге керекди.
© Институт перевода Библии, 2020-2024