Лебийлиле 1
1
Толусунлай кюйдюрюлген къурман
1Раббий Муссаны чакъырып, анга Тюбешиу Чатырдан сёлешип, былай айтханды:
2– Исраил улуларына былай айт:
Раббийге малындан къурман этеме деген адам, тууардан неда къой-эчкиледен алып къурман этсин.
3Ол адамны къурманы толусунлай кюйдюрюлген тууар мал болса, ол къыяусуз, эркек хайыуан болсун. Раббий къабыл этер ючюн, ол аны Тюбешиу Чатырны эшигине келтирип, 4толусунлай кюйдюрюлген къурманны башына къолун салсын. Алай бла къурман къабыл этилликди да, ол адамны гюняхлары тазаланырыкъдыла. 5Сора адам ол бугъаны Раббийни аллында сойсун. Харунну уланлары уа, дин къуллукъчула, къанындан бираз алып, Тюбешиу Чатырны эшигини къатында тургъан къурман жерге тёрт жанындан бюрксюнле. 6Къурман этген адам малны терисин сыдырсын да, учаны санласын. 7Харунну уланлары, дин къуллукъчула, къурман жерге отунла салып, от этсинле. 8Сора Харунну уланлары, дин къуллукъчула, къурман малны кесеклерин, башы эм жауу бла бирге къурман жерде, жаннган отунланы юсюне салсынла. 9Къурман этген адам ёпке-бауурну бла аякъланы жуусун, дин къуллукъчу уа аланы къурман жерни юсюнде кюйдюрсюн. Бу – толусунлай отда кюйдюрюлген къурманды, Раббийге жагъымлы ийис берген къурман.
10Ол адамны къурманы толусунлай кюйдюрюлген ууакъ аякълы мал эсе, ол къойладан неда эчкиледен болсун. Саулай кюйдюрюлген къурман къыяусуз эркек мал болургъа керекди. 11Адам аны Раббийни аллында, къурман жерни шимал жанында сойсун, Харунну уланлары уа, дин къуллукъчула, аны къанын къурман жерге тёрт жанындан бюрксюнле. 12Къурман этген адам учаны#1:12 Уча – союлгъан эм ичи кетерилген малны тёммеги; орус. туша (животного). санласын, дин къуллукъчу уа, кесеклени малны башы эм жауу бла къурман жерде, жаннган отунланы юсюне салсын. 13Адам къурманны ёпке-бауурун бла аякъларын жуусун, дин къуллукъчу уа аланы къурман жерде кюйдюрсюн. Бу – толусунлай отда кюйдюрюлген къурманды, Раббийге жагъымлы ийис берген къурман.
14Ол адамны Раббийге къурманы толусунлай кюйдюрюлген къанатлы болса, ол къумруладан#1:14 Къумру – орус. горлица. неда кёгюрчюн балаладан болсун. 15Дин къуллукъчу къанатлыны къурман жерге келтирип, башын юзюп алсын. Къанатлыны къурман жерни юсюнде кюйдюрсюн, къанын а къурман жерни жанында тёксюн. 16Дин къуллукъчу богъурдагъын бла тюклерин айырсын да къурман жерни кюнчыгъыш жанына, кюл тёгюлген жерге атсын. 17Сора адам, аны къанатларындан алып, учаны экиге жарсын, алай а айырмасын, дин къуллукъчу уа аны къурман жерде, жаннган отунланы юсюнде кюйдюрсюн. Бу – толусунлай отда кюйдюрюлген къурманды, Раббийге жагъымлы ийис берген къурман.
Currently Selected:
Лебийлиле 1: МалкъСК
ማድመቅ
ያጋሩ
ኮፒ
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
© Институт перевода Библии, 2020-2024
Лебийлиле 1
1
Толусунлай кюйдюрюлген къурман
1Раббий Муссаны чакъырып, анга Тюбешиу Чатырдан сёлешип, былай айтханды:
2– Исраил улуларына былай айт:
Раббийге малындан къурман этеме деген адам, тууардан неда къой-эчкиледен алып къурман этсин.
3Ол адамны къурманы толусунлай кюйдюрюлген тууар мал болса, ол къыяусуз, эркек хайыуан болсун. Раббий къабыл этер ючюн, ол аны Тюбешиу Чатырны эшигине келтирип, 4толусунлай кюйдюрюлген къурманны башына къолун салсын. Алай бла къурман къабыл этилликди да, ол адамны гюняхлары тазаланырыкъдыла. 5Сора адам ол бугъаны Раббийни аллында сойсун. Харунну уланлары уа, дин къуллукъчула, къанындан бираз алып, Тюбешиу Чатырны эшигини къатында тургъан къурман жерге тёрт жанындан бюрксюнле. 6Къурман этген адам малны терисин сыдырсын да, учаны санласын. 7Харунну уланлары, дин къуллукъчула, къурман жерге отунла салып, от этсинле. 8Сора Харунну уланлары, дин къуллукъчула, къурман малны кесеклерин, башы эм жауу бла бирге къурман жерде, жаннган отунланы юсюне салсынла. 9Къурман этген адам ёпке-бауурну бла аякъланы жуусун, дин къуллукъчу уа аланы къурман жерни юсюнде кюйдюрсюн. Бу – толусунлай отда кюйдюрюлген къурманды, Раббийге жагъымлы ийис берген къурман.
10Ол адамны къурманы толусунлай кюйдюрюлген ууакъ аякълы мал эсе, ол къойладан неда эчкиледен болсун. Саулай кюйдюрюлген къурман къыяусуз эркек мал болургъа керекди. 11Адам аны Раббийни аллында, къурман жерни шимал жанында сойсун, Харунну уланлары уа, дин къуллукъчула, аны къанын къурман жерге тёрт жанындан бюрксюнле. 12Къурман этген адам учаны#1:12 Уча – союлгъан эм ичи кетерилген малны тёммеги; орус. туша (животного). санласын, дин къуллукъчу уа, кесеклени малны башы эм жауу бла къурман жерде, жаннган отунланы юсюне салсын. 13Адам къурманны ёпке-бауурун бла аякъларын жуусун, дин къуллукъчу уа аланы къурман жерде кюйдюрсюн. Бу – толусунлай отда кюйдюрюлген къурманды, Раббийге жагъымлы ийис берген къурман.
14Ол адамны Раббийге къурманы толусунлай кюйдюрюлген къанатлы болса, ол къумруладан#1:14 Къумру – орус. горлица. неда кёгюрчюн балаладан болсун. 15Дин къуллукъчу къанатлыны къурман жерге келтирип, башын юзюп алсын. Къанатлыны къурман жерни юсюнде кюйдюрсюн, къанын а къурман жерни жанында тёксюн. 16Дин къуллукъчу богъурдагъын бла тюклерин айырсын да къурман жерни кюнчыгъыш жанына, кюл тёгюлген жерге атсын. 17Сора адам, аны къанатларындан алып, учаны экиге жарсын, алай а айырмасын, дин къуллукъчу уа аны къурман жерде, жаннган отунланы юсюнде кюйдюрсюн. Бу – толусунлай отда кюйдюрюлген къурманды, Раббийге жагъымлы ийис берген къурман.
© Институт перевода Библии, 2020-2024