مَرقُس 15
15
عیسا پیلاتُس حُضوروندا
1سَحر ناماچاغی، باش کاهِن‌لَر، شیخ‌لَر و تورات معلّم‌لَری و بوتون یهود شوراسی‌نینگ آداملاری اینان شوهْر ائدمَکه اوتوردولار تا گؤرَلَّر عیسا اینان نیجه ائده‌سیلَر. اوللار عیسایی باغلادیلار، آپاردیلار و روملی والی، پیلاتُسا تَحویل وئردیلَر. 2پیلاتُس عیسادان خَبر آلدی: «سَن یهودی‌لارینگ پادشاهی‌یانگ؟» عیسا جواب وئردی: «سَن اؤزونگ بئله دئدینگ.» 3باش کاهِن‌لَر اؤنا چوخ بوهتان‌لار ووردولار. 4پیلاتُس گئنه عیسا اینان دانیشدی و بئلَسیندَن خبر آلدی: «هئچ جواب یوخونگ کی وئرَینگ؟ گؤر ناغاد سنه بوهتان ووریرلار!» 5آما عیسا گئنه ده هئچ جواب وئرمه‌دی، ائله کی پیلاتُس تَعجّب ائدی.
پیلاتُس عیسایی تَحویل وئریر تا صَلیبه چَکیله
6پیلاتُسِ والی‌نینگ رَسمی بو ایدی کی هر ایل پِسَخ عیدینده، خَلخ سئدیگی زندانی‌یی اوللار ایچی آزاد ائده. 7بیر پارا آدام شَهر ایچینده شلوغ سالماک و آدام اؤلدورمَک جُرمینه زندانا دؤشموشلاردی. اوللار آراسیندا بیر باراباس آدلی کیشی وار ایدی. 8او جمعیت کی اؤرا ییغیلمیشلَردی، پیلاتُس‌دان سئدیلر کی همیشه‌کی رَسمینی اوللار ایچی یئرینه ائتیرده. 9پیلاتُس اوللارا دئدی: «سئیرَینز یهودی‌لارینگ پادشاهینی بئلَینز ایچی آزاد ائدَم؟» 10بو سَبریه کی پیلاتُس آنگلامیشدی کی باش کاهِن‌لَر بَخیل‌لیگ اوستوندَن عیسایی تَحویل وئرمیشلَر. 11آما باش کاهِن‌لَر خلخی جوشاردیرلاردی کی، پیلاتُس‌دان سئیلَّر تا عیسا یئرینه باراباسی آزاد ائده. 12اوندا پیلاتُس گئنه اوللار اینان دانیشدی و بئللرینه دئدی: «پس او کیشی‌اینن کی سیز بئلَسینه دئییرَینز یهودی‌لار پادشاهی نیجه ائدَم؟» 13اوللار گئنه اوجا سَس اینن دئدیلَر: «اؤنو صَلیبه چَک!» 14پیلاتُس دا اوللارا دئدی: «نه ایچی؟ نه پیس ایش گؤرموش؟» آما اوللار اوجاتر داد چَکدیلَر و دئدیلَر: «اؤنو صَلیبه چَک!» 15اوندا پیلاتُس خلخی راضی ائدمک ایچی باراباسی آزاد ائدی و عیسایی شلّاق ووراندان سورا، تَسلیم ائدی تا صَلیبه چَکیله.
عیسایی ریشخند ائدیرلَر
16اوندا سربازلار عیسایی والی کاخینا آپاردیلار. اؤرانینگ واری سربازلارینی دا ییغدیلَر حیاط ایچینه. 17عیسایا بیر اَرغوانلی عابا گئیدیردیلَر. تیکاندان بیر تاج هؤردولَر و عیسا باشینا قؤیدولار. 18اوللار عیسایا تَعظیم ائدیرلَردی و دئییرلَردی: «یاشا، یهودی‌لارینگ پادشاهی!» 19اوللار قَمیش اینن وورورلاردی عیسا باشی ایچینه و اوستونه تیفیریرلَردی. جلوسیندا دیز وورولاردی و ایندی یعنی اؤنا احترام ائدیرلَردی. 20اؤنو ریشخند ائدَندَن سورا، اَرغوانلی عابا‌یی دالیندان چیخارتدیلار و اؤز رَختینی بئلَسینه گئیدیردیلَر؛ و اؤنو آپاردیلار تا صَلیبه چَکلَّر.
عیسانینگ صَلیبه چَکیلمَکی
21ائله بئله کی عیسایی آپاریرلاردی، بیر کیشی اؤردان گچیردی کی اَکین‌لَر یئری اوستوندن شَهره گلیردی. اؤنونگ آدی شَمعون ایدی و اسکندر و روفُس بووآسی ایدی. بو کیشی قیرَوانلی ایدی. سربازلار اؤنو توتدولار و بئلَسینی مجبور ائدیلَر تا عیسانینگ صَلیبینی آلا دالینا. 22سربازلار عیسایی جُلجُتایا، یعنی ’کَلّه یئری‘ دئییلَن یئره آپاردیلار. 23اوندا عیسایا بیر شراب کی مُر اینان قَریشیق ایدی وئردیلَر تا آغیریقی آز ائده، آما او ایچمه‌دی. 24عیسایی صَلیبه چَکدیلَر و اؤنونگ رَختلَرینی اؤز آرالاریندا بَهر ائدیلَر. اوللار پؤشک آتیرلاردی گؤرَلَّر کیم نه گؤتوره.
25سَحر دانی ساعت دوقوز ایدی کی عیسایی صَلیبه چَکدیلر. 26اوللار اؤنونگ ضدّینه بیر تَقصیرنامه یازدیلار کی: «یهودی‌لارینگ پادشاهی.» 27ایکّی گدیگ باغلایانی ده عیسا اینان صَلیبه توخودولار؛ بیرینی عیسانینگ ساغ طَرَفینده و او بیرینی دا چَپ طَرَفینده. 28و بئله، مُقدّس یازیلیدا یازیلان سؤز یئرینه ائتیشدی کی دئییر: «او گُناه‌کار‌لار اینان بیر ساییلدی.» 29اؤردان گچَن آداملار، عیسایا ناسزا دئییرلَردی. اوللار باش تَرپه‌دیرلَردی و دئییرلَردی: «هیه! سن کی سئیردینگ مَعبدی یومورانگ و اؤنو اؤچ گؤنه گئنه دؤزه‌تَینگ، 30اؤزونگو نجات وئر و صَلیبدَن آشاغی گَل!» 31ائله بئله ده باش کاهِن‌لَر، تورات معلّم‌لَری اینَن اؤنو ریشخند ائدیرلَردی و دئییرلَردی: «باقّی آداملاری نجات وئردی؛ اؤزونو نجات وئره بیلمئیر! 32قؤینز تا بو وَعده وئریلَن مَسیح، بو تارئ خَلخی‌نینگ پادشاهی، ایندی صَلیبدَن آشاغی گله تا بیز گؤره‌ک و اؤنا ایمان گتیرَک.» ائله بئله ده او گدیگ باغلایانلار ده کی عیسا اینان صَلیبه چَکیلمیشلَردی، بئلَسینه سؤیوش وئریرلَر ایدی.
عیسانینگ اؤلمَکی
33ظُهر چاغی ساعت اون ایکّی‌دن، ساعت اؤچ‌نچاز، بوتون او سرزمین قَرَنگی‌لیگه باتدی. 34ظُهر‌دان سورا ساعت اؤچده، عیسا اوجا سَس اینَن داد چَکدی و دئدی: «ایلویی، ایلویی، لَمّا سَبَقْتَنی؟» یعنی «تارئ‌م، تارئ‌م، نه ایچی منی ویل ائدمیشَینگ؟» 35تاماشایا توران آداملارینگ بیر پاراسی بونو ائشیدَنده، دئدیلَر: «باخینز، اِلیاس پیغمبری چاغیریر.» 36بیر آدام فوری قاچدی و بیر تیکه اَبری تُرش شراب ایچینه باتیردی و بیر قَمیش باشینا ووردو و عیسا آغیزینا توتدو تا ایچه و دئدی: «طاقت ائدینز، قؤینز تا گؤرَک اِلیاس پیغمبر گلَر تا بئلَسینی گتیره آشاغی؟» 37عیسا اوجا سَس اینَن داد چَکدی و آخیرکی نَفَسینی چَکدی. 38اوندا مَعبدینگ پرده‌سی اوخاریدان آشاغیا ایکّر اولدو. 39او روملی اَفسر کی عیسانینگ جلوسیندا تورموشدو، عیسانینگ نه‌یین اؤلدیگینی گؤرَنده، دئدی: «گرچَکدن کی بو کیشی تارئ اوغلو ایدی.» 40اؤردا بیر پارا آرواد دا وار ایدیلار کی ایراقدان باخیرلاردی. مَجدللی مریم، کوچوک یَعقوب و یوشا آناسی مریم، و سالومه دا اوللار ایچینده ایدیلار. 41ائله بو باخان آروادلار اوندا کی عیسا جَلیل ولایتینده ایدی، اؤنونگ آردی سورا گئدیرلَردی و بئلَسینه خدمت ائدیرلَردی. چوخ آیری آروادلار دا وار ایدیلار کی عیسا یانی سورا اورشلیم شَهرینه گلمیشلَردی.
عیسانینگ مَقبره ایچینه قؤیولماگی
42آغشام چاغی ایدی و مُقدّس شنبه گؤنونونگ ایلَرکی‌سی گؤنو ایدی کی او گؤنده یهودی‌لار شنبه گؤنو ایچی آماده اولیرلاردی. 43بیر یوسف آدلی کیشی ایدی کی رامَه شَهری‌نینگ آدامی ایدی. او یهود شوراسی‌نینگ بیر مُحترم آدامی ایدی و تارئ پادشاه‌لیگی‌نینگ یولونو گؤزله‌ییردی. بو سَبریه کی داها مُقدّس شنبه یاخین ایدی، او جسارت ائدی گئتدی پیلاتُس یانینا و عیسانینگ جنازه‌سینی سئدی. 44پیلاتُس اینانمئیردی کی عیسا بئله تئز اؤلموش اولا، پس او روملی اَفسری چاغیردی تا بئلَسیندَن خبر آلا گؤره عیسا اؤلموش یا یو. 45اوندا کی پیلاتُس او اَفسردن بیلدی کی عیسا اؤلموش، اجازه وئردی تا عیسا جنازه‌سینی وئرَلَّر یوسفه. 46اوندا یوسف گئتدی بیر کتان خَلعَت آلدی. اوندان سورا دا گئتدی و عیسانینگ جنازه‌سینی صَلیبدَن گتیردی آشاغی و او کتان خَلعَته دولادی. یوسف عیسانینگ جنازه‌سینی بیر شیکافدا قازیلمیش مَقبره‌یه قؤیدو و مَقبره‌نینگ آغیزی دَمینه ده بیر داش ایتیله‌دی. 47مَجدللی مریم و یوشا آناسی مریم، عیسا جنازه‌سی‌نینگ هارا قؤیولدیگینی گؤردولَر.
@ 2024 Korpu Company
مَرقُس 15
15
عیسا پیلاتُس حُضوروندا
1سَحر ناماچاغی، باش کاهِن‌لَر، شیخ‌لَر و تورات معلّم‌لَری و بوتون یهود شوراسی‌نینگ آداملاری اینان شوهْر ائدمَکه اوتوردولار تا گؤرَلَّر عیسا اینان نیجه ائده‌سیلَر. اوللار عیسایی باغلادیلار، آپاردیلار و روملی والی، پیلاتُسا تَحویل وئردیلَر. 2پیلاتُس عیسادان خَبر آلدی: «سَن یهودی‌لارینگ پادشاهی‌یانگ؟» عیسا جواب وئردی: «سَن اؤزونگ بئله دئدینگ.» 3باش کاهِن‌لَر اؤنا چوخ بوهتان‌لار ووردولار. 4پیلاتُس گئنه عیسا اینان دانیشدی و بئلَسیندَن خبر آلدی: «هئچ جواب یوخونگ کی وئرَینگ؟ گؤر ناغاد سنه بوهتان ووریرلار!» 5آما عیسا گئنه ده هئچ جواب وئرمه‌دی، ائله کی پیلاتُس تَعجّب ائدی.
پیلاتُس عیسایی تَحویل وئریر تا صَلیبه چَکیله
6پیلاتُسِ والی‌نینگ رَسمی بو ایدی کی هر ایل پِسَخ عیدینده، خَلخ سئدیگی زندانی‌یی اوللار ایچی آزاد ائده. 7بیر پارا آدام شَهر ایچینده شلوغ سالماک و آدام اؤلدورمَک جُرمینه زندانا دؤشموشلاردی. اوللار آراسیندا بیر باراباس آدلی کیشی وار ایدی. 8او جمعیت کی اؤرا ییغیلمیشلَردی، پیلاتُس‌دان سئدیلر کی همیشه‌کی رَسمینی اوللار ایچی یئرینه ائتیرده. 9پیلاتُس اوللارا دئدی: «سئیرَینز یهودی‌لارینگ پادشاهینی بئلَینز ایچی آزاد ائدَم؟» 10بو سَبریه کی پیلاتُس آنگلامیشدی کی باش کاهِن‌لَر بَخیل‌لیگ اوستوندَن عیسایی تَحویل وئرمیشلَر. 11آما باش کاهِن‌لَر خلخی جوشاردیرلاردی کی، پیلاتُس‌دان سئیلَّر تا عیسا یئرینه باراباسی آزاد ائده. 12اوندا پیلاتُس گئنه اوللار اینان دانیشدی و بئللرینه دئدی: «پس او کیشی‌اینن کی سیز بئلَسینه دئییرَینز یهودی‌لار پادشاهی نیجه ائدَم؟» 13اوللار گئنه اوجا سَس اینن دئدیلَر: «اؤنو صَلیبه چَک!» 14پیلاتُس دا اوللارا دئدی: «نه ایچی؟ نه پیس ایش گؤرموش؟» آما اوللار اوجاتر داد چَکدیلَر و دئدیلَر: «اؤنو صَلیبه چَک!» 15اوندا پیلاتُس خلخی راضی ائدمک ایچی باراباسی آزاد ائدی و عیسایی شلّاق ووراندان سورا، تَسلیم ائدی تا صَلیبه چَکیله.
عیسایی ریشخند ائدیرلَر
16اوندا سربازلار عیسایی والی کاخینا آپاردیلار. اؤرانینگ واری سربازلارینی دا ییغدیلَر حیاط ایچینه. 17عیسایا بیر اَرغوانلی عابا گئیدیردیلَر. تیکاندان بیر تاج هؤردولَر و عیسا باشینا قؤیدولار. 18اوللار عیسایا تَعظیم ائدیرلَردی و دئییرلَردی: «یاشا، یهودی‌لارینگ پادشاهی!» 19اوللار قَمیش اینن وورورلاردی عیسا باشی ایچینه و اوستونه تیفیریرلَردی. جلوسیندا دیز وورولاردی و ایندی یعنی اؤنا احترام ائدیرلَردی. 20اؤنو ریشخند ائدَندَن سورا، اَرغوانلی عابا‌یی دالیندان چیخارتدیلار و اؤز رَختینی بئلَسینه گئیدیردیلَر؛ و اؤنو آپاردیلار تا صَلیبه چَکلَّر.
عیسانینگ صَلیبه چَکیلمَکی
21ائله بئله کی عیسایی آپاریرلاردی، بیر کیشی اؤردان گچیردی کی اَکین‌لَر یئری اوستوندن شَهره گلیردی. اؤنونگ آدی شَمعون ایدی و اسکندر و روفُس بووآسی ایدی. بو کیشی قیرَوانلی ایدی. سربازلار اؤنو توتدولار و بئلَسینی مجبور ائدیلَر تا عیسانینگ صَلیبینی آلا دالینا. 22سربازلار عیسایی جُلجُتایا، یعنی ’کَلّه یئری‘ دئییلَن یئره آپاردیلار. 23اوندا عیسایا بیر شراب کی مُر اینان قَریشیق ایدی وئردیلَر تا آغیریقی آز ائده، آما او ایچمه‌دی. 24عیسایی صَلیبه چَکدیلَر و اؤنونگ رَختلَرینی اؤز آرالاریندا بَهر ائدیلَر. اوللار پؤشک آتیرلاردی گؤرَلَّر کیم نه گؤتوره.
25سَحر دانی ساعت دوقوز ایدی کی عیسایی صَلیبه چَکدیلر. 26اوللار اؤنونگ ضدّینه بیر تَقصیرنامه یازدیلار کی: «یهودی‌لارینگ پادشاهی.» 27ایکّی گدیگ باغلایانی ده عیسا اینان صَلیبه توخودولار؛ بیرینی عیسانینگ ساغ طَرَفینده و او بیرینی دا چَپ طَرَفینده. 28و بئله، مُقدّس یازیلیدا یازیلان سؤز یئرینه ائتیشدی کی دئییر: «او گُناه‌کار‌لار اینان بیر ساییلدی.» 29اؤردان گچَن آداملار، عیسایا ناسزا دئییرلَردی. اوللار باش تَرپه‌دیرلَردی و دئییرلَردی: «هیه! سن کی سئیردینگ مَعبدی یومورانگ و اؤنو اؤچ گؤنه گئنه دؤزه‌تَینگ، 30اؤزونگو نجات وئر و صَلیبدَن آشاغی گَل!» 31ائله بئله ده باش کاهِن‌لَر، تورات معلّم‌لَری اینَن اؤنو ریشخند ائدیرلَردی و دئییرلَردی: «باقّی آداملاری نجات وئردی؛ اؤزونو نجات وئره بیلمئیر! 32قؤینز تا بو وَعده وئریلَن مَسیح، بو تارئ خَلخی‌نینگ پادشاهی، ایندی صَلیبدَن آشاغی گله تا بیز گؤره‌ک و اؤنا ایمان گتیرَک.» ائله بئله ده او گدیگ باغلایانلار ده کی عیسا اینان صَلیبه چَکیلمیشلَردی، بئلَسینه سؤیوش وئریرلَر ایدی.
عیسانینگ اؤلمَکی
33ظُهر چاغی ساعت اون ایکّی‌دن، ساعت اؤچ‌نچاز، بوتون او سرزمین قَرَنگی‌لیگه باتدی. 34ظُهر‌دان سورا ساعت اؤچده، عیسا اوجا سَس اینَن داد چَکدی و دئدی: «ایلویی، ایلویی، لَمّا سَبَقْتَنی؟» یعنی «تارئ‌م، تارئ‌م، نه ایچی منی ویل ائدمیشَینگ؟» 35تاماشایا توران آداملارینگ بیر پاراسی بونو ائشیدَنده، دئدیلَر: «باخینز، اِلیاس پیغمبری چاغیریر.» 36بیر آدام فوری قاچدی و بیر تیکه اَبری تُرش شراب ایچینه باتیردی و بیر قَمیش باشینا ووردو و عیسا آغیزینا توتدو تا ایچه و دئدی: «طاقت ائدینز، قؤینز تا گؤرَک اِلیاس پیغمبر گلَر تا بئلَسینی گتیره آشاغی؟» 37عیسا اوجا سَس اینَن داد چَکدی و آخیرکی نَفَسینی چَکدی. 38اوندا مَعبدینگ پرده‌سی اوخاریدان آشاغیا ایکّر اولدو. 39او روملی اَفسر کی عیسانینگ جلوسیندا تورموشدو، عیسانینگ نه‌یین اؤلدیگینی گؤرَنده، دئدی: «گرچَکدن کی بو کیشی تارئ اوغلو ایدی.» 40اؤردا بیر پارا آرواد دا وار ایدیلار کی ایراقدان باخیرلاردی. مَجدللی مریم، کوچوک یَعقوب و یوشا آناسی مریم، و سالومه دا اوللار ایچینده ایدیلار. 41ائله بو باخان آروادلار اوندا کی عیسا جَلیل ولایتینده ایدی، اؤنونگ آردی سورا گئدیرلَردی و بئلَسینه خدمت ائدیرلَردی. چوخ آیری آروادلار دا وار ایدیلار کی عیسا یانی سورا اورشلیم شَهرینه گلمیشلَردی.
عیسانینگ مَقبره ایچینه قؤیولماگی
42آغشام چاغی ایدی و مُقدّس شنبه گؤنونونگ ایلَرکی‌سی گؤنو ایدی کی او گؤنده یهودی‌لار شنبه گؤنو ایچی آماده اولیرلاردی. 43بیر یوسف آدلی کیشی ایدی کی رامَه شَهری‌نینگ آدامی ایدی. او یهود شوراسی‌نینگ بیر مُحترم آدامی ایدی و تارئ پادشاه‌لیگی‌نینگ یولونو گؤزله‌ییردی. بو سَبریه کی داها مُقدّس شنبه یاخین ایدی، او جسارت ائدی گئتدی پیلاتُس یانینا و عیسانینگ جنازه‌سینی سئدی. 44پیلاتُس اینانمئیردی کی عیسا بئله تئز اؤلموش اولا، پس او روملی اَفسری چاغیردی تا بئلَسیندَن خبر آلا گؤره عیسا اؤلموش یا یو. 45اوندا کی پیلاتُس او اَفسردن بیلدی کی عیسا اؤلموش، اجازه وئردی تا عیسا جنازه‌سینی وئرَلَّر یوسفه. 46اوندا یوسف گئتدی بیر کتان خَلعَت آلدی. اوندان سورا دا گئتدی و عیسانینگ جنازه‌سینی صَلیبدَن گتیردی آشاغی و او کتان خَلعَته دولادی. یوسف عیسانینگ جنازه‌سینی بیر شیکافدا قازیلمیش مَقبره‌یه قؤیدو و مَقبره‌نینگ آغیزی دَمینه ده بیر داش ایتیله‌دی. 47مَجدللی مریم و یوشا آناسی مریم، عیسا جنازه‌سی‌نینگ هارا قؤیولدیگینی گؤردولَر.
@ 2024 Korpu Company