MAV̄INGIZI-RISALA 12
12
Yakoɓu asuulawa, na Monye asuɓaliwa shiv̄ani
1Hari mwa uwakati uwo, mufalume Hirudu aandrisa utresa ɓaãdhwi ya iDjama Ndziwaminifu, 2ata amuulu ha upanga Yakoɓu, mwananyahe wa Yuhani. 3Wakati aona amba itrongo ijiv̄idza yaMayahudi|Mayahudi, amuzia Monye wajau. Na uwo ɗe wakati wa umusherehio wa yaMadipe kayatrilwa Lalive|Madipe kayatrilwa Lalive. 4Ɓaanda amuzia, amutria shiv̄ani, ahetsi mafungu manne ya madjeshi wamugogeye, na kula fungu likana watru wanne. Aka ania amutowe hadhwira mbeli za uumati ɓaanda ya uUnahanizi wa Mutupio.
5Ɓas, Monye aka aɓaliwa shiv̄ani, na iDjama Ndziwaminifu yakomumilia Mungu ha djitihadi ɓole.
6Uku wakilia mbeli isuku Hirudu akwendra amutowe hadhwira mbeli za uumati, Monye alio amba aka afungwa na silisili mbili, aka asindzia hari-hari na madjeshi maili, tsena mulongoju v̄uka magogezi maili yakogogea ishiv̄a. 7Sa moja, v̄uja malayika ya Mola, amwesa v̄uwala nuru moni na lifuko la shiv̄a lile. iMalayika imumidzi Monye ha umusukuma mbavuni, amwesa imuambia: «Hima haraka.» Ɓas, zisilisili zile zipuliha mihononi hahe.
8Amwesa imalayika imuambia: «Funga mukandra waho, utriye na zikaɓwa.» Na waye azifanya. iMalayika imuambia tsena: «Tria gondra laho, uniɗunge.» 9Monye alawa, amwesa aiɗungu, ɓila ujua amba trongo zile imalayika akozifanya, zika kweli, ɓadi akofikiri amba ile nida. 10Wav̄iri lifungu la handra la yamagogezi, na la v̄ili, ata wawaswili hari mwa umulongo wa shuma wakov̄inga ɗagoni. Na uwo udziɓua tu monyewe mbeli zawo. Sa ile walawa, wav̄iria ndzia, na sa moja malayika ile imuɓaushia Monye.
11Ɓas, udzimaizi yahe na itrongo ile yahidjiri, arongoa: «Av̄asav̄anu tsijua ha kweli amba Mola av̄eleha imalayika yahe, amwesa anitoa hari mwa ushindzi wa Hirudu na piya zitrongo uumati wa yaMayahudi wakana tama nazo.»
12Ɓaanda aelewa trongo zile, andre ha Mariama, mayahe wa Yuhani akohiriwa tsena Markusi; hule v̄uka v̄ungulidzana watru wengi, wakofanya mamilio. 13Areme umulongo wa muraɓa, na mutrumushe wa hazi akohiriwa Roda atsengelea avulishiye. 14Ɓas, ujua yahe liji la Monye, hari mwa ifuraha yahe, kamuɓulia umulongo, ɓadi areme mbio andre ajudze amba Monye a mulongoju.
15Wamuambia: «Uzulu mwa?» Ɓadi ashadidisha amba zile kweli. Sa ile warongoa: «Iyo ɗe imalayika yahe.»
16Na v̄ale Monye akoendrelea urema. Ɓas waɓua, washanga iv̄o wamuona. 17Sa ile ha umuhono awaambia waɓurihe, amwesa awaeledza inamuna Mola amutoa shiv̄ani. Awaambia raha: «Namumujudzezo Yakoɓu na wananya waɓaki.» Amwesa alawa, andre mukaɓala wangina.
18Uku wamosha, madjeshi yale yaremwa na ushangavu muɓole, wakodzisana amba trongo trini ɗe yamuhidjiria Monye. 19Hirudu arumu watru wamuzunguhe, ɓadi kawamupara. Ɓaanda ahisa utafiti yamagogezi, atoa ãmuri waulawe. Amwesa alawa Yudeya, ashuku Kaisariya, andre aketsi.
Wafati wa Hirudu
20Hirudu akana umani na watru wa Tiro na Sidoni. Ɓadi ha nia moja waja wamupara. Ɓaanda waafikiana na Blastusa, mutru wa hazi aka djukuma ɗagoni ha mufalume, wandre wamia amani ha Hirudu, mana liɓavu lawo lakoliswa na itsi ya mufalume ule.
21iSuku yaka yahetsiwa upara yayo, Hirudu apindri livao la ufalume lahe, aketsi hari mwa ishiri ya yezi yahe, amwesa atowo hutuɓa mbeli za watru. 22iDunia ishelemedza: «Lilo ji la uungu, ɓadi tsi la unadamu!» 23Ɓas, sa ile kamwe malayika ya Mola imureme, mana kaka amutukuza Mungu. Aja aɗyiwa na nyengwe, afu.
24Na uUrongozi wa Mungu wakoenea na uengedzeha.
25Ɓaanda Ɓarnaɓasi na Saulusu wamalidza urumishi wawo Yerusalemu walawa, wamuv̄ingi Yuhani akohiriwa tsena Markusi.
Currently Selected:
MAV̄INGIZI-RISALA 12: swb
ማድመቅ
ያጋሩ
ኮፒ
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
© 2021, Wycliffe Bible Translators, Inc. All rights reserved.
