Maliko 7
7
Ukusambisha kwabakale
(Mat. 15.1-9)
1Abafalisi bambi nabasambishi ba Mafunde abafumine ku Yelusalemu balongene kuli Yesu. 2Ulo babwene ukuti abakusambila baku Yesu bambi balikulya ukwambula ukusamba kuminwe, ukulingana nakafuto kaba Yuda ukuti bawamikwe.
( 3Abafalisi na Bayuda bambi tabalya nga tabasambilepo kuminwe ukupesha mumpingu ukusunga utufuto twafikolwe fyabo. 4Ulo bafuma pachisanke bo tabalyapo nga tabalasamfya ifyo bashita pachisanke. Eko fili ifintu fimbi ifyo basunga, ifyo babashilile, ifilinga imisamfishe yankombo, inongo nefipe fyamukuba namalo.)
5Epo Abafalisi nabasambishi ba Mafunde balifumbile Yesu ati, “Mulandu ndo abakusambila benu batakonkelapo utufuto twafikolwe fyesu, kuntu bakolya neminwe iyafiko?”
6Yesu asosele kuli bo ati, “Esaya umusoseshi alilungikile ulo asosele pamulandu wenu, mwe bakutumpayika mwe, ukulingana nefyo chalembwa mu Mashiwi aku Lesa ati,
‘Mba bantu bakonchinshika bwaka nemilomo yabo,
kuntu imitima yabo ili ukutali nane.
7Ukunambila kwabo kwabwaka,
pantu basambisha bwaka ifyabantu,
kubati mafunde yanji!’
8“Mwebo mwalisula amafunde aku Lesa, nokumfwila ukusambisha kwabantu.”
9Yesu apitilile ukusosa ati, “Nachine mwandi mwaliba nobuchenjeshi! Mwalisula amafunde aku Lesa, mwasakamana ukusunga ukusambisha kwenu. 10Pakuti Mosesi alimwebele ukuti, ‘Ulokuchinshika bawiso nabanoko,’ nokuti, ‘Uwatuka bawishi nangula banyina alingile ukumwipaya.’ 11Pantu mwebo mukoti nga umuntu aeba bawishi nangula banyina ati, ‘Ichintu ichilingile ukumwafwako ni kolobani’ (nku ekwebati, chapelwa kuli Lesa). 12Nomba tamusuminisha ngu muntu ukuti achitile bawishi nangula banyina ichintu chimo. 13Muli nji nshila ukusambisha mwatwala kubantu konaula amashiwi aku Lesa. Elo eko fili nafimbi ifintu ifyapalana namfi ifyo muchita.”
Ifintu ifikowesha umuntu
(Mat. 15.10-20)
14Yesu ayitile ibumba lyabantu nakambi nokulyeba ati, “Kutikeni nkuno bonse, nakambi mumfwishe. 15Takupo chintu nangu chimo ichifuma kunse ichinjila mumala amuntu nokumukowesha. Nomba icho ichifuma mukanwa echikowesha umuntu. [ 16Uukwete amatwi aakumfwa, omfwe.”]
17Ulo Yesu afumine pebumba nokuya kwinjila munanda, abakusambila bakwe balimufumbile umwalolele ichelusho. 18Epo asosele kuli bo ati, “Kanshi namwe tamwaumfwikishapo? Kanshi tamukoyishiba ukuti chonse ichifuma kunse nokwinjila mumuntu tekuti chimukoweshepo iyowo? 19Pantu tachiya mukwinjila mumutima wakwe iyowo? Umo chiya nimumala, elo panuma chifumina kunse.” (Pakusosa mfi Yesu alisuminishe ukuti ifyakulya fyonse fiweme).
20Yesu apitilile ukusosa ati, “Ichikowesha umuntu, ninchilya ichifuma mumutima wamuntu. 21Pantu mukati kamutima wamuntu emufuma amalangulushi aabi: ukwiba ukwipaya, 22ubuchende, ulunkumbwa, nokuchita ifintu ifyabipa, ukuchenjeleka, umufimbila, iminsula, ukuyikusha, nokupunama. 23Fyonse mfi fifuma mukati kamuntu, nakambi efikowesha umuntu.”
Ichichetekelo chamwanakashi
(Mat. 15.21-28)
24Pakufumapo Yesu atelele kumipaka yaku Tule na Sidoni. Ayinjile munanda imo nokwikala. Elo tafwayilepo abantu ukwishiba inanda iyo apulilemo. Nangu chali mfi tafisamikilwepo, abantu balishibile ukuti ali munanda. 25Umwanakashi umo uwali nakanansungu kakwe akali nomupashi uubi, aumfwile ukuti Yesu ali munanda. Bwangu-bwangu alile nokufukama pamakasa akwe. 26Ngu mwanakashi ali mwina fyalo, umwina Finisiya muchalo cha Siliya. Apapatile Yesu ukuti afumye umupashi uubi mumwana wakwe. 27Nomba Yesu alyasukile ati, “Leka tulishe abana. Te chiwemepo ukubula ifilyo fyabana nokuposela imbwa.”
28Umwanakashi naye alyasukile ati, “Ina, Bashikulu, kuntu imbwa nasho shilalyako utusunaulwa utukoponayila munshi yetebulu!”
29Elo Yesu amwebele ati, “Pamulandu wakwasuka kobe ukuweme, koya kunanda yobe, umupashi uubi wafumamo mumwana wobe!”
30Nachine umwanakashi alibwelelemo kunanda yakwe, asangile umwana alilele pamalo, nomupashi uubi ulifuminemo muli ye.
Yesu aposha chibulu, nkoma-matwi
31Pakufuma kumipaka yaku Tule, Yesu apitile muchalo cha Sidoni namuchalo cha Mishi Ikumi nokufika kuli Bemba wa Galili. 32Abantu bambi bamuletele nkoma-matwi, uwa chibwibwi nokumupapatila Yesu ukuti abike amaboko akwe pali ye ukuti amuposhe. 33Yesu alimufumishe pebumba, bayile benka pambali, epo ayingishe iminwe yakwe mumatwi yaku ngu muntu. Elo ashipile amate panshi nokumukumya palumini. 34Epo Yesu aloleshe kumulu, alipemashikile nokuti kuli ye, “Efata,” ekweba ati, “Isuka.”
35Penkapo namatwi akwe alisukile, nolumini lwakwe lwalikakukile. Elo atatikile ukusosa bwino. 36Yesu alibakonkobeshe ukuti beesha ukushimikilako umuntu nangu umo na mashiwi. Nomba nangu abasoseshe mfi, abantu bayile ulo bashimika. 37Elo bonse abaumfwile balishimbilwe nokuti, “Wachita ifintu fyonse bwino! Akolenga bankoma-matwi ukumfwa, nabachibulu bakososa!”
Currently Selected:
Maliko 7: LalaNT
ማድመቅ
ያጋሩ
ኮፒ
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Chilala New Testament © Bible Society of Zambia, 1998.
Maliko 7
7
Ukusambisha kwabakale
(Mat. 15.1-9)
1Abafalisi bambi nabasambishi ba Mafunde abafumine ku Yelusalemu balongene kuli Yesu. 2Ulo babwene ukuti abakusambila baku Yesu bambi balikulya ukwambula ukusamba kuminwe, ukulingana nakafuto kaba Yuda ukuti bawamikwe.
( 3Abafalisi na Bayuda bambi tabalya nga tabasambilepo kuminwe ukupesha mumpingu ukusunga utufuto twafikolwe fyabo. 4Ulo bafuma pachisanke bo tabalyapo nga tabalasamfya ifyo bashita pachisanke. Eko fili ifintu fimbi ifyo basunga, ifyo babashilile, ifilinga imisamfishe yankombo, inongo nefipe fyamukuba namalo.)
5Epo Abafalisi nabasambishi ba Mafunde balifumbile Yesu ati, “Mulandu ndo abakusambila benu batakonkelapo utufuto twafikolwe fyesu, kuntu bakolya neminwe iyafiko?”
6Yesu asosele kuli bo ati, “Esaya umusoseshi alilungikile ulo asosele pamulandu wenu, mwe bakutumpayika mwe, ukulingana nefyo chalembwa mu Mashiwi aku Lesa ati,
‘Mba bantu bakonchinshika bwaka nemilomo yabo,
kuntu imitima yabo ili ukutali nane.
7Ukunambila kwabo kwabwaka,
pantu basambisha bwaka ifyabantu,
kubati mafunde yanji!’
8“Mwebo mwalisula amafunde aku Lesa, nokumfwila ukusambisha kwabantu.”
9Yesu apitilile ukusosa ati, “Nachine mwandi mwaliba nobuchenjeshi! Mwalisula amafunde aku Lesa, mwasakamana ukusunga ukusambisha kwenu. 10Pakuti Mosesi alimwebele ukuti, ‘Ulokuchinshika bawiso nabanoko,’ nokuti, ‘Uwatuka bawishi nangula banyina alingile ukumwipaya.’ 11Pantu mwebo mukoti nga umuntu aeba bawishi nangula banyina ati, ‘Ichintu ichilingile ukumwafwako ni kolobani’ (nku ekwebati, chapelwa kuli Lesa). 12Nomba tamusuminisha ngu muntu ukuti achitile bawishi nangula banyina ichintu chimo. 13Muli nji nshila ukusambisha mwatwala kubantu konaula amashiwi aku Lesa. Elo eko fili nafimbi ifintu ifyapalana namfi ifyo muchita.”
Ifintu ifikowesha umuntu
(Mat. 15.10-20)
14Yesu ayitile ibumba lyabantu nakambi nokulyeba ati, “Kutikeni nkuno bonse, nakambi mumfwishe. 15Takupo chintu nangu chimo ichifuma kunse ichinjila mumala amuntu nokumukowesha. Nomba icho ichifuma mukanwa echikowesha umuntu. [ 16Uukwete amatwi aakumfwa, omfwe.”]
17Ulo Yesu afumine pebumba nokuya kwinjila munanda, abakusambila bakwe balimufumbile umwalolele ichelusho. 18Epo asosele kuli bo ati, “Kanshi namwe tamwaumfwikishapo? Kanshi tamukoyishiba ukuti chonse ichifuma kunse nokwinjila mumuntu tekuti chimukoweshepo iyowo? 19Pantu tachiya mukwinjila mumutima wakwe iyowo? Umo chiya nimumala, elo panuma chifumina kunse.” (Pakusosa mfi Yesu alisuminishe ukuti ifyakulya fyonse fiweme).
20Yesu apitilile ukusosa ati, “Ichikowesha umuntu, ninchilya ichifuma mumutima wamuntu. 21Pantu mukati kamutima wamuntu emufuma amalangulushi aabi: ukwiba ukwipaya, 22ubuchende, ulunkumbwa, nokuchita ifintu ifyabipa, ukuchenjeleka, umufimbila, iminsula, ukuyikusha, nokupunama. 23Fyonse mfi fifuma mukati kamuntu, nakambi efikowesha umuntu.”
Ichichetekelo chamwanakashi
(Mat. 15.21-28)
24Pakufumapo Yesu atelele kumipaka yaku Tule na Sidoni. Ayinjile munanda imo nokwikala. Elo tafwayilepo abantu ukwishiba inanda iyo apulilemo. Nangu chali mfi tafisamikilwepo, abantu balishibile ukuti ali munanda. 25Umwanakashi umo uwali nakanansungu kakwe akali nomupashi uubi, aumfwile ukuti Yesu ali munanda. Bwangu-bwangu alile nokufukama pamakasa akwe. 26Ngu mwanakashi ali mwina fyalo, umwina Finisiya muchalo cha Siliya. Apapatile Yesu ukuti afumye umupashi uubi mumwana wakwe. 27Nomba Yesu alyasukile ati, “Leka tulishe abana. Te chiwemepo ukubula ifilyo fyabana nokuposela imbwa.”
28Umwanakashi naye alyasukile ati, “Ina, Bashikulu, kuntu imbwa nasho shilalyako utusunaulwa utukoponayila munshi yetebulu!”
29Elo Yesu amwebele ati, “Pamulandu wakwasuka kobe ukuweme, koya kunanda yobe, umupashi uubi wafumamo mumwana wobe!”
30Nachine umwanakashi alibwelelemo kunanda yakwe, asangile umwana alilele pamalo, nomupashi uubi ulifuminemo muli ye.
Yesu aposha chibulu, nkoma-matwi
31Pakufuma kumipaka yaku Tule, Yesu apitile muchalo cha Sidoni namuchalo cha Mishi Ikumi nokufika kuli Bemba wa Galili. 32Abantu bambi bamuletele nkoma-matwi, uwa chibwibwi nokumupapatila Yesu ukuti abike amaboko akwe pali ye ukuti amuposhe. 33Yesu alimufumishe pebumba, bayile benka pambali, epo ayingishe iminwe yakwe mumatwi yaku ngu muntu. Elo ashipile amate panshi nokumukumya palumini. 34Epo Yesu aloleshe kumulu, alipemashikile nokuti kuli ye, “Efata,” ekweba ati, “Isuka.”
35Penkapo namatwi akwe alisukile, nolumini lwakwe lwalikakukile. Elo atatikile ukusosa bwino. 36Yesu alibakonkobeshe ukuti beesha ukushimikilako umuntu nangu umo na mashiwi. Nomba nangu abasoseshe mfi, abantu bayile ulo bashimika. 37Elo bonse abaumfwile balishimbilwe nokuti, “Wachita ifintu fyonse bwino! Akolenga bankoma-matwi ukumfwa, nabachibulu bakososa!”
Chilala New Testament © Bible Society of Zambia, 1998.