Maliko 3
3
Yesu aposha uwachisansa ichauminina
(Mat. 12.9-14; Luk. 6.6-11)
1Yesu ayinjile nakambi munanda yakulombelamo Lesa, umo umwali umwalalume uwali nechisansa ichauminina. 2Abantu bambi balimulolekeshe Yesu ati nangula akomuposha pe Sabata, ukuti basange apakumupelelapo umulandu. 3Epo asosele kumuntu uwali nechisansa ichauminina ati, “Ima, isa nkuno kuntanshi.” 4Epo afumbile abalimo ati, “Chindo ifunde lyatusuminisha ukuchita pakasuba ke Sabata? Ukwafwa nangula ukuchena? Ukupulusha ubumi bwamuntu nangula ukwipaya?”
Nomba balikutumene bwaka. 5Epo atile ukubachenchenta nobukali, ichikonko chalimwikete pamulandu wakutomfwa kwabo, elo asosele kuli ngulya muntu ati, “Tambulula ukuboko kobe.” Naye alikutambulwile, elo kwalipolele. 6Nomba Abafalisi balifuminemo munanda yakulombelamo Lesa. Bwangu-bwangu pamo nabantu bakwa Helodi, balifumbene nokupanga ifyakuti bamwipaye Yesu.
Ibumba lyabantu abenji lyalongana kuli bemba
7Yesu na bakusambila bakwe balifumineko, bayile kuli Bemba wa Galili. Nebumba ilikulu lyalimukonkele. Abo bantu bafumine ku Galili, naku Yudeya, 8naku musumba wa Yelusalemu, naku chalo cha Idumeya, naku chalo chakwishilya lyamulonga wa Yodani, nakufifulo fimbi ifyali mumbali yamishi ya Tule na Sidoni. Mba bantu bayile kuli Yesu pakumfwa ifintu ifikulu ifyo achitile. 9Yesu asoseshe abakusambila bakwe ukuti bamupekanishisheko ubwato ubwakumulindila, epali ibumba lyayisa kumufininkisha. 10Nomba pamulandu wakuti aposeshe abantu abenji, echo bonse abali namalwele balimufininkishe ukuti bamukumye nokupola. 11Elo bonse abantu abali nemipashi iibi ulo balikumubona, balikuwa panshi nokwaula ati, “Niwe Mwana Lesa.”
12Yesu alibakonkobeshe ukwebati belokumufisululapo kubantu.
Yesu asala abakusambila ikumi na babili
(Mat. 10.1-4; Luk. 6.12-16)
13Nakambi Yesu aninine mulupili nokwita abo afwayile umwine. Nabo balile uko ali. 14Elo asalilepo abantu ikumi na babili nokubenika ati, “Batumwa.” Abebele ati, “Mwebo namusala ukuti tulokwenda nenu, nakambi nalikumutuma mukubilisha Ubutumi Bwawama. 15Echo mwakukwata insambu shakufumya imipashi iibi mubantu.”
16Abantu ikumi na babili abo Yesu asalile nimba, Simoni, (uwo Yesu ayinikile Petulo,) 17na Yemusi, na Yohane bamwana Sebedi, (ebo ayinikile Boanegesi, ekweba ati, “Bali kubati ninkuba,”) 18na Andileya, na Filipo, na Batolomeyo, na Mateyo, na Tomasi, na Yemusi mwana Alifeyo, na Tadiyasi, na Simoni uwakwipakisha mufyachalo, 19na Yudasi Isikaliyoti, uwayembwile Yesu.
Yesu na Belesebule
(Mat. 12.22-32; Luk. 11.14-23; 12.10)
20Yesu ayile kumwabo, elo ibumba ilikulu lyalilongene pamo, ilyalengele ukuti Yesu nabakusambila bakwe bafilwe nokulya. 21Nomba ulo balupwa lwakwe baumfwile, balimine nokuya kumufumyako pakuti babebele ati, “Afunta.”
22Abasambishi ba Mafunde abafumine ku Yelusalemu basosele ati, “Ali na Belesebule, mukulu wa mipashi iibi, eumupela ifiso ifyakufumya imipashi iibi.”
23Elo Yesu ayitile abantu nokubasosesha mufyelusho ati, “Kanshi Satana engeshiba ukufumya Satana? 24Kati ubufumu bukoyabanika apabwenka, tekuti bwimakanepo. 25Kati abamunanda imo abapusana abene benka, njilya nanda kuti yawa. 26Epo kati Satana akoyilwisha umwine nokwabanika, tekuti emakanepo iyowo, emupwilo wakwe.
27“Elo tapapo umuntu nangu umo uwingenjila munanda yamuntu uwafiso nokwiba ifintu fyakwe, sembi abala ukukaka umuntu ngulya wafiso. Elo engeba ifintu fyamunanda yakwe.
28“Nachine nkomweba ati, abantu bakoyisa kunakililwa amabifyo onse nemiponto yonse iyo bakoyisa kuponta kuli Lesa. 29Nomba uyo wonse uukoyisa kupontela Umupashi Wabuta, takwetepo ukunakililwa nakunshita shonse. Awamina ukuchushiwa ukwamuyayaya.” ( 30Yesu asosele mfi pantu abantu bambi balikusosa ati, “Alikwete umupashi uubi.”)
Banyina na bawabo baku Yesu
(Mat. 12.46-50; Luk. 8.19-21)
31Ulo bayishile banyina nabawakwe Yesu, bayimakene panse, bamutumine intumi ukumwita. 32Kwali ibumba ilyayikele panshi nokumushinguluka. Elo bamwebele ati, “Banoko bawenu nenkashi shobe bali panse bakokufwaya.”
33Elo Yesu abasukile ati, “Nibani bama? Nibani bawesu?” 34Elo atandenye amenso pabantu bayikele panshi nokumushinguluka nokusosa ati, “Boneni mba ebama nabawesu! 35Pakuti onse uuchita ukufwaya kwaku Lesa, ewesu, enkashi, nabama.”
Currently Selected:
Maliko 3: LalaNT
ማድመቅ
ያጋሩ
ኮፒ
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Chilala New Testament © Bible Society of Zambia, 1998.
Maliko 3
3
Yesu aposha uwachisansa ichauminina
(Mat. 12.9-14; Luk. 6.6-11)
1Yesu ayinjile nakambi munanda yakulombelamo Lesa, umo umwali umwalalume uwali nechisansa ichauminina. 2Abantu bambi balimulolekeshe Yesu ati nangula akomuposha pe Sabata, ukuti basange apakumupelelapo umulandu. 3Epo asosele kumuntu uwali nechisansa ichauminina ati, “Ima, isa nkuno kuntanshi.” 4Epo afumbile abalimo ati, “Chindo ifunde lyatusuminisha ukuchita pakasuba ke Sabata? Ukwafwa nangula ukuchena? Ukupulusha ubumi bwamuntu nangula ukwipaya?”
Nomba balikutumene bwaka. 5Epo atile ukubachenchenta nobukali, ichikonko chalimwikete pamulandu wakutomfwa kwabo, elo asosele kuli ngulya muntu ati, “Tambulula ukuboko kobe.” Naye alikutambulwile, elo kwalipolele. 6Nomba Abafalisi balifuminemo munanda yakulombelamo Lesa. Bwangu-bwangu pamo nabantu bakwa Helodi, balifumbene nokupanga ifyakuti bamwipaye Yesu.
Ibumba lyabantu abenji lyalongana kuli bemba
7Yesu na bakusambila bakwe balifumineko, bayile kuli Bemba wa Galili. Nebumba ilikulu lyalimukonkele. Abo bantu bafumine ku Galili, naku Yudeya, 8naku musumba wa Yelusalemu, naku chalo cha Idumeya, naku chalo chakwishilya lyamulonga wa Yodani, nakufifulo fimbi ifyali mumbali yamishi ya Tule na Sidoni. Mba bantu bayile kuli Yesu pakumfwa ifintu ifikulu ifyo achitile. 9Yesu asoseshe abakusambila bakwe ukuti bamupekanishisheko ubwato ubwakumulindila, epali ibumba lyayisa kumufininkisha. 10Nomba pamulandu wakuti aposeshe abantu abenji, echo bonse abali namalwele balimufininkishe ukuti bamukumye nokupola. 11Elo bonse abantu abali nemipashi iibi ulo balikumubona, balikuwa panshi nokwaula ati, “Niwe Mwana Lesa.”
12Yesu alibakonkobeshe ukwebati belokumufisululapo kubantu.
Yesu asala abakusambila ikumi na babili
(Mat. 10.1-4; Luk. 6.12-16)
13Nakambi Yesu aninine mulupili nokwita abo afwayile umwine. Nabo balile uko ali. 14Elo asalilepo abantu ikumi na babili nokubenika ati, “Batumwa.” Abebele ati, “Mwebo namusala ukuti tulokwenda nenu, nakambi nalikumutuma mukubilisha Ubutumi Bwawama. 15Echo mwakukwata insambu shakufumya imipashi iibi mubantu.”
16Abantu ikumi na babili abo Yesu asalile nimba, Simoni, (uwo Yesu ayinikile Petulo,) 17na Yemusi, na Yohane bamwana Sebedi, (ebo ayinikile Boanegesi, ekweba ati, “Bali kubati ninkuba,”) 18na Andileya, na Filipo, na Batolomeyo, na Mateyo, na Tomasi, na Yemusi mwana Alifeyo, na Tadiyasi, na Simoni uwakwipakisha mufyachalo, 19na Yudasi Isikaliyoti, uwayembwile Yesu.
Yesu na Belesebule
(Mat. 12.22-32; Luk. 11.14-23; 12.10)
20Yesu ayile kumwabo, elo ibumba ilikulu lyalilongene pamo, ilyalengele ukuti Yesu nabakusambila bakwe bafilwe nokulya. 21Nomba ulo balupwa lwakwe baumfwile, balimine nokuya kumufumyako pakuti babebele ati, “Afunta.”
22Abasambishi ba Mafunde abafumine ku Yelusalemu basosele ati, “Ali na Belesebule, mukulu wa mipashi iibi, eumupela ifiso ifyakufumya imipashi iibi.”
23Elo Yesu ayitile abantu nokubasosesha mufyelusho ati, “Kanshi Satana engeshiba ukufumya Satana? 24Kati ubufumu bukoyabanika apabwenka, tekuti bwimakanepo. 25Kati abamunanda imo abapusana abene benka, njilya nanda kuti yawa. 26Epo kati Satana akoyilwisha umwine nokwabanika, tekuti emakanepo iyowo, emupwilo wakwe.
27“Elo tapapo umuntu nangu umo uwingenjila munanda yamuntu uwafiso nokwiba ifintu fyakwe, sembi abala ukukaka umuntu ngulya wafiso. Elo engeba ifintu fyamunanda yakwe.
28“Nachine nkomweba ati, abantu bakoyisa kunakililwa amabifyo onse nemiponto yonse iyo bakoyisa kuponta kuli Lesa. 29Nomba uyo wonse uukoyisa kupontela Umupashi Wabuta, takwetepo ukunakililwa nakunshita shonse. Awamina ukuchushiwa ukwamuyayaya.” ( 30Yesu asosele mfi pantu abantu bambi balikusosa ati, “Alikwete umupashi uubi.”)
Banyina na bawabo baku Yesu
(Mat. 12.46-50; Luk. 8.19-21)
31Ulo bayishile banyina nabawakwe Yesu, bayimakene panse, bamutumine intumi ukumwita. 32Kwali ibumba ilyayikele panshi nokumushinguluka. Elo bamwebele ati, “Banoko bawenu nenkashi shobe bali panse bakokufwaya.”
33Elo Yesu abasukile ati, “Nibani bama? Nibani bawesu?” 34Elo atandenye amenso pabantu bayikele panshi nokumushinguluka nokusosa ati, “Boneni mba ebama nabawesu! 35Pakuti onse uuchita ukufwaya kwaku Lesa, ewesu, enkashi, nabama.”
Chilala New Testament © Bible Society of Zambia, 1998.