ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Ebene Ya꞉sute Yu epono tabamo kawonomamo negeni, “Elai, Elai, lama sabakatani?” me tabono magumu ma kunu itana, “Naimano Godo, naimano Godo, na a꞉ma꞉le beda꞉ma꞉ katepana꞉wa꞉?”

Ebene Godoko Amamateno Iya Motono kaliku ubilite tulituliya bolegale unune wagiliminate opamo ebo piwisigani, ega꞉walo mumulute da꞉peni iyaiya maboele nokola damelate eba bolaliyaolenalo, epo epetapino a꞉elao bobote a꞉ka꞉tuwa꞉ ebo bolaliyaoleniya. Ebema꞉ nanitabola, Ya꞉sute a꞉e magumune da꞉kemaigiya, ebe atu tetelo kebe tuputupupiate dopamo da꞉elaiya Godote ibi epetapi a꞉e magumune atumu eba kowadipalatelelo, iba꞉te ibino iyaiya nokola bobo magumune ibino apa꞉go ebo pemaimiya, iyo, iba꞉te Yelusalema kawo duliyomolamo nemaimiote ibi a꞉ka꞉tuwa꞉ ibino tanalo epatamo ebo nawokalilamoliya.

Ebe tetelo Ya꞉sute kawonomamo walo kegepatenate a꞉enomo ebo a꞉eni.

Ebene gowelaopino elawodubu ega꞉walo ebeno opopi magumulo piyate Ya꞉sukono a꞉e tanalo duminiya, iba꞉te mumulu ega꞉walo anoano tanalo epetapi eba ulamenalo kawo tole tanalonomago negelaniya, “Nanitabola, me lumagi ebe Godokono Gudula!”

Ebene egelate tuli teta꞉mo dutiya opo kawonomote ebo idokiya. Ebe tetelo idokote egelano alo eba mula꞉lo egelate a꞉iwate kela꞉mo a꞉niwisigatepani, egela tuli tetene wagilimite 3 koloko uwomuamo.

Paeletete iba꞉tamo negiya, “Me Ya꞉suko epetapiate ebe Kelisoma꞉ degelana, nale ebe keba kunu nakamitimo?” Ibi bilibilinomate negeliya, “Kewa olotolowamo tupuguima꞉wete, ikoko nanagilamolema꞉!” Ebene Paeletete negiya, “Beda꞉ mabuma꞉? Ebete beda꞉ kuba kosiyodilile?” Wiyasiya iba꞉te kawonomamo gelatepaolo walo na꞉kegeliya, “Kewa olotolowamo na꞉tupuguima꞉!”