ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Sa kuli cintu niciba comwe ciyumu kuliJehova? Kuciindi ceelede njooboola alimwi kulinduwe, mbuli lino mwakali, lino Sara uyooba amwana.

Aboobo Sara wakaseka mumoyo wakwe, wati, Ma! Mebo ndazakala, alakwe mulumaangu wacembaala! Sa ndakonzya kuba acoolwe cili boobu?

Nkaambo Abrahamu uyooba cisi cipati ciyumu, azisi zyoonse zyaansi ziyoojana coolwe mulinguwe.

Mpawo Abrahamu wakaswena afwiifwi, wati, Sa ncobeni uyoomanisya baluleme antoomwe abasizibi? Ambweni nkubali baluleme bali makumi osanwe mukati kamunzi. Sa ulabamanisya boonse? Sa tokonzyi kufwida munzi luzyalo nkaambo kabaluleme bali makumi osanwe bakede mulinguwo?

Jehova wakavuwa kuti, Na ndajana omo mumunzi wa-Sodoma baluleme bali makumi osanwe, njoofwida munzi woonse luzyalo nkaambo kambabo.