ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Wú keq! Ngò gi, núngmòq lé, lhângmuì eq gogok pé lé wó nang râ eq gumlau gyè pê é wum-o a-tsam bànshoq lé wó ûng râ ahko ahkáng lé byi bê nghut mù luî, hai èq le núngmòq lé wó lhoqhten râ a nghut lo.

Haú hkûn, Yhûmsîng gi, “Mahtaq, Mahtaq, nàng gi, múzó lé za ma nyì mù, myìt myo myìt chiq é huî nyi ri. Nghut kôlhang, je ahkyàk é hkyô gi, rahkat za nghut lhê. Mariq kúm gi, haû je ge é hkyô lé hkyin yù bê nghut ri. Haú lé yhâng chyáng mai wó yu pyám byi râ a nghut.” ga luî, yhang lé tû taî ri.

Haú yùq gi, “‘Náng é Garai Gasang nghut é, haû Yhûmsîng Garai lé náng é i-myìt nhiklhum bànshoq, náng é i-myìt sô lhum gón, náng é wum-o bànshoq, nàng myìt é hkyô bànshoq èq, chyitdàp râ lhê.’ ga le, ‘Náng gûng lé nàng chyitdàp é su, náng é chyáng nâm mâ é bang lé le chyitdàp àq.’ ga le bo tô ri.” ga tû taî ri.

Yesuq gi, yhángmòq lé, “Kyôshû yù râ myo shoq jòq kôlhang, mû zui râ byù gi, shaû nyi ri. Haû mù, haû kyô Yhûmsîng lé, Yhâng é kyô yò má, kyô shu byù myo myo nhâng byi râ matú, dung keq.

Hau htâng, târâ sará lé, “Nàng gi, byù haú bang sum yuq má da-myàq huí su é chyáng nâm mâ é dông nghut sû gi, hká yùq nghut râ su ngam ri lhú?” ga luî, Yesuq myî ri. Haû târâ sará gi, “Haú yùq lé shogyo sû nghut ri.” ga taî ri. Yesuq gi, “Nàng le haú dông ló kut àq.” ga luî, yhang lé taî kat ri.

Núngmòq e ló keq! Wàmhkui hpúng má nhang hâng kat é sau zô pé lé su, Ngò, núngmòq lé nhang kat é nghut lhê.