ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Pero jech iꞌalbat nojtoc yuꞌun li Cajvaltique: ―Batan. Yuꞌun li Sauloe tꞌujbil cuꞌun yuꞌun jaꞌ ta spuc batel jcꞌop ta stojol li buchꞌutic maꞌuc achiꞌiltac ta israelale, schiꞌuc ta stojol li mucꞌtic ajvaliletique, schiꞌuc ta atojolic eꞌuc, joꞌoxuc li coꞌol jꞌisraeloxuque.

Iyal ta lum, te iyaꞌi ta xcꞌoponat: ―Saulo, ¿cꞌu chaꞌal chacontrainun? ―xꞌutat. Itacꞌav li Sauloe: ―Cajval, ¿mi joꞌot? ―xi. Iꞌalbat yuꞌun li Cajvaltique: ―Joꞌon Jesusun. Joꞌon li chacontrainune. Altic ti jech chapase yuꞌun noꞌox chasaꞌ avocol atuc ―xꞌutat.

Ibat li Ananíase. Te icꞌot ta sna li Judase. Cꞌalal iꞌoche, laj yacꞌbe scꞌob ta sjol li Sauloe, xi laj yalbe: ―Hermano Saulo, listac talel li Cajvaltic Jesuse, jaꞌ li buchꞌu laj yacꞌ sba ta ilel ta atojol li cꞌalal te xatal ta bee. Listac talel yoꞌ chjam o la asate schiꞌuc acꞌo sventainot li Chꞌul Espíritue ―xut cꞌotel Saulo li Ananíase. Ilocꞌ ta ora li cꞌusi macbil o li sate, jech xil xa osil. Iꞌacꞌbat yichꞌ joꞌ.