ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Nete inara ichoae fauha Ofa Cana Coaunera Suujuane, nii aina itolere ichana naineriquicheein inara netonaicha. Chaaente chatoanai que casilanaala, laraajiin itolere Jerosaleen sacutaain, itolere Jodea batane, Samaria batane, naaonjoainuri sacutaainchuru amuhemujueein canu ere beebejiha curiquicheein, itolereneein chauratane sacutaain canu coitucuuruhane coinara”, nae jetao acaauru rai Jesoso.

“Nainiheeiche inara nii coitucuhichenera. Chatoanai bana chaainti, nii ichaa cureein Ofata. Leinjiin acaachate nii coitucue niquicha.

Jaiti Jerosaleeun niicha cocoainaauri afosotooru aina nihane bana jetaote: “Jiaonriha caa Jerosaleen caje chunijiun cuhichenera. Aitocoaaunne rijijieein inara rai Ofaacha tenaa jerei cohacuche jauriaara”, naain chunijiun cuuru caohateein jetao: “Esinaete rauhijiriin acau que cacha baotisaain cojounacateraaete Joaan. Nete inara chaabana nejeein Cana Coaunera Suujue que, baotisaain cojounacatenohineein niha curiquicheeincha”, naain jauriaanejeein acaauru rai belu jetao Cana Coaunera Calaohi Jesocurisito nitohanihane coina.

Ohane baiha jetaote, jenachoonca janoneein cachaneein ecocohin, acaauru rai Cana Coaunera Cojoanonaa que ereereje esinae rauhijiriin oo caje ichanaain nacoauneein ichaohane esenetaauruhane coina.

Niritoha acaauru raine jaun jetaote, coarajeeuruhane jana jetao, dede sacari jana nitajeeoriin dedeeu cauha cue Jesoso.

Nii jaun jetaote, coaarihurenihane jaun, cuu caaijie cojoelaauruhane jana jetao, somaratohanai que cajionequin acaauru rene ecoocure coroatajai anjeraauru. Nitohaneein ecocohin jetaote: “Chanuna dede cojoaelaaichete Calileea cocoaichacuru. Nii coarajeeichene jana dedeeu cauha cuhane rijijieeinte, coaiteen turuha ureein Jesosora”, naaure jetao acaauru rai.