ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Mo ni vakatabui ira vei kemuni ena nomuni dina; sa ka dina na nomuni vosa.

Sa i koya oqo na bula tawamudu, me ra kilai kemuni na Kalou dina duadua ga, kei Jisu Karisito, o koya o ni sa tala mai.

“Ia au sega ni masulaki ira walega oqo, au masulaki ira talega era na qai vakabauti au e muri ena vuku ni nodra vosa; me ra na qai duabau kecega. Me vaka o ni sa tiko vei au Tamaqu, ka'u sa tiko vei kemuni oi au; me ra na tiko talega vei kedaru o ira: me na qai vakabauta kina o vuravura ni o ni sa talai au mai.

Au sega ni masulaka mo ni kauti iratou tani mai vuravura, ia mo ni maroroi iratou ga mai vua na vunica.

Au sa solia vei ira na lagilagi o ni a solia mai vei au; me ra duabau kina me vaka ga e daru sa duabau oi kedaru. Me'u tiko vei ira, ka mo ni tiko vei au, me qai taucoko kina na nodra duabau; me qai kila kina o vuravura ni o ni a talai au mai; ka ni o ni sa lomani ira me vaka o ni sa lomani au.