ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Maꞌato yt atikyꞌesat i eipe mesuwarotiat morekuaria ewywuaria eweikupteꞌen eiwoꞌope e. Miꞌi pote uwe uwe topyhuꞌat teran akag wo eipyꞌasetpe miꞌi hat waku tuwenug semiit yne miitꞌin eropat hatno e. Uimohey haria wuatꞌi eropat kahato haria yn ni waku akag wo tukupteꞌen Tupana wanetup hawe e. Uito Eheykeꞌet wuatꞌi miitꞌin eropat hat kahato areineꞌen wuatꞌi miitꞌin powyro hat e. Uito Eiporekuat koro areineꞌen wen maꞌato yt iraniaꞌin morekuaria ewywuat i. Iꞌewyte atum irane uheineꞌen hap saꞌup miitꞌin kyiꞌat Tupana watnuat hamo e Iesui topotmuꞌeria pe.

Miꞌi hap ewy ti aru Tupana tum temiitꞌin me saꞌup watꞌypmuaria pe tutum yianmiaria pe iꞌewyte te. Maꞌato aru yian miaria pe tutum watꞌypmo hap ewy e Iesui hãꞌãkap wuo temiitꞌin me.

Miꞌi hawyi Iesui tiꞌatukyꞌe kahato hawyi tuweponug naꞌyn iꞌatueha ete hawyi meremo iꞌatuehapytig teꞌeraꞌakasa pakup i iraꞌyn. Miꞌi hawyi tuwat raꞌyn Iesui upi.