Qaq huaña nache añi nala'
qataq ñi ca'agoxoic, 'o'm qome,
qaq anam huaqaañipi qaica qome ca le'eraxa.
Nache qom ivita da qaỹa'axaỹa ca lavilỹaxac Ñim Nataxala',
da chemaqteguisheguema añi qasoxonaxa Sión,
qataq da dellimigui da lavilỹaxac da huaña ye Jerusalén,
nache na piguem qataq ana 'alhua cholaxa'n qome.
Qalaxaye Ñim Nataxala', nacheñi ñim lle'eguenaxala'
qataq npaxattalec nam Israel le'ecpi maye maiche lalamaxatpi.