ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Tɔɓəi Jeju tel ulá pana: Uba naŋg ḭta ɔd aw loo ləi mbata meekun ləi taa né ari aji ne mba̰.

Ɓó lé yeḛ ra kaiya ɔsi ne gel gɔl siri mee ndɔ gə́ kára’g ya ɓa tel ree rɔi’g gɔl siri ya to pana: N’wa ndòo rɔ neḛ dɔ’g ya tɔ ndá i a kar məəi oso lemsé dəa’g ya tɔ.

Yeḛ gə́ kára mbuna dee’g loo gə́ yeḛ oo to gə́ ba̰ji ɔr rəa’g ndá yeḛ tel dɔ gɔlee’g pidi ne Ala gə ndia gə́ boi wəl. Yeḛ ti oso naŋg bəbərə no̰ Jeju’g dəb kəmee naŋg rəa ne oiyo tɔ. Dəw neelé to dəw gə́ Samari.

Meḛ sí dɔ rɔ sí’g. Ɓó lé ŋgokɔḭ ra kaiya ndá ḭ səa dɔ’g, nɛ ɓó lé yeḛ wa ndòo rəa dɔ’g ndá ar məəi oso lemsé dəa’g.

Jeju un ta dəjee pana: See ba̰ji ɔr rɔ dee’g gə loo gə́ deḛ gə́ dɔg lai el wa. See njé gə́ jinaikara d’əd ra ɓəi wa.

Mbaidɔmbaije ula dee pana: Ɓó lé meekun lə sí to asəna gə kandə kamnaḭ gə́ ɓaree senebe ndá seḭ a kulaje kag-ɓɔl neelé pana: Ɔr rɔi gə ŋgirai bura njɔd aw ma̰a dan mán baa-boo’g ndá a ra torndu sí bèe ya tɔ.

Yeḛ gə́ a saŋg loo mba kaji rəa ndá a kila rəa kɔ tɔɓəi yeḛ gə́ ila rəa kɔ ndá a tel kiŋga gogo ɓəi tɔ.

Yeḛ ula njékwakiláje pana: Lé riri kara némeekɔsgelje lé d’a ree ya ɓó d’a lal ree el, nɛ meekea̰ a ndər di-di dɔ njékṵda gin dee’g lé ya! Kun biri mbal tɔ gwɔsee’g kundá ne kilá dan baa-boo’g ɓa to maji unda karee sula ŋgon gə́ nai gɔ mbuna mareeje’g karee oso dan kaiya’g lé tɔ.

Né gə́ teḛ mee ndəa gə́ ka̰ Noe lé a teḛ togə́bè ndəa gə́ ka̰ Ŋgon-dəw’g lé nja tɔ. Dəwje d’usɔ gə d’ai ləm, diŋgam gə denéje taa na̰ tɔɓəi d’ar ŋgan deeje kara taa na̰ ləm tɔ saar Noe ḭ kág uru mee kəi-kag’d ndá mán bélm ḭ unda dee ne naŋg rə̰dəŋ-rə̰dəŋ ar dee d’udu ne bo̰.