ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

وَ لِقِيهْ وَ قَبَّلْ بَيَّهْ فِي أَنْطَاكِيَةْ. وَ مُدَّةْ سَنَةْ كَامِلَةْ، بَرْنَابَا وَ شَاوُولْ قَاعِدِينْ يِلِمُّوا مَعَ جَمَاعَةْ الْمُؤمِنِينْ وَ يِعَلُّمُوا نَاسْ كَتِيرِينْ. وَ أَوَّلْ مَرَّةْ فِي أَنْطَاكِيَةْ بَسْ النَّاسْ خَطَّوْا لِتَلَامِيذ عِيسَى، أُسُمْ الْمَسِيحِيِّينْ.

وَ بَرْنَابَا وِصِلْ فِي أَنْطَاكِيَةْ وَ شَافْ الْبَرَكَةْ الْاللّٰهْ أَنْطَاهُمْ. وَ هُو فَرْحَانْ مِنْهُمْ وَ شَجَّعَاهُمْ كُلُّهُمْ أَشَانْ يَقْعُدُوا ثَابْتِينْ فِي الرَّبّ بِنِيَّةْ وَاحِدَةْ. وَ بَرْنَابَا رَاجِلْ عَدِيلْ وَ مَلَانْ بِالرُّوحْ الْقُدُّوسْ وَ إِيمَانَهْ شَدِيدْ. وَ نَاسْ كَتِيرِينْ آمَنَوْا بِالرَّبّ عِيسَى وَ لَمَّوْا مَعَ الْمُؤمِنِينْ.

وَ اللّٰهْ سَوَّى لَيْهُمْ نَفْس الشَّيّءْ السَّوَّاهْ لَيْنَا وَ نَزَّلْ فَوْقهُمْ نَفْس الْبَرَكَةْ النَّزَّلَاهَا فَوْقنَا وَكِتْ أَنِحْنَ آمَنَّا بِرَبِّنَا عِيسَى الْمَسِيحْ. وَ أَنَا يَاتُو لِنِوَقِّفْ الشَّيّءْ الْاللّٰهْ يِدَوْر يِسَوِّيهْ؟» وَ وَكِتْ النَّاسْ الْيَهَرْجُوا بُطْرُسْ سِمْعَوْا الْكَلَامْ دَا، سَكَتَوْا خَلَاصْ. وَ شَكَرَوْا اللّٰهْ وَ قَالَوْا: «بِمِثِلْ دَا، اللّٰهْ فَتَحْ لِلنَّاسْ الْمَا يَهُودْ دَرِبْ التَّوْبَةْ الْيِوَدِّيهُمْ لِلْحَيَاةْ الْأَبَدِيَّةْ.»