ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

وَ لَاكِنْ وَكِتْ الرُّوحْ الْقُدُّوسْ يَنْزِلْ فَوْقكُو، تَلْقَوْا قُدْرَةْ أَشَانْ تَشْهَدَوْا لَيِّ فِي مَدِينَةْ الْقُدُسْ وَ فِي كُلَّ دَارْ الْيَهُودِيَّةْ وَ فِي دَارْ السَّامِرَةْ وَ لَحَدِّي آخِرْ الْأَرْض.»

وَ عِيسَى رَدَّ لَيْهُمْ وَ قَالْ: «أَبُوكُو اللّٰهْ بَسْ نَظَّمْ الْأَوْكَاتْ بِسُلْطِتَهْ وَ مَا أَنْطَاكُو إِذِنْ أَشَانْ تَعَرْفُوهُمْ.

وَ وَكِتْ هُو قَاعِدْ مَعَاهُمْ هُو قَالْ: «مَا تَمُرْقُوا مِنْ مَدِينَةْ الْقُدُسْ. أَرْجَوْا لَحَدِّي أَبُوكُو اللّٰهْ يَنْطِيكُو الْبَرَكَةْ الْهُو وَاعَدَاكُو بَيْهَا وَ أَنَا ذَاتِي أَوْرَيْتكُو بَيْهَا. يَحْيَى غَطَّسْ النَّاسْ فِي الْأَلْمِي وَ لَاكِنْ بَعَدْ أَيَّامْ بَسْ، اللّٰهْ يِغَطِّسْكُو بِالرُّوحْ الْقُدُّوسْ.»

بَعَدْ مَوْتَهْ، عِيسَى ثَبَّتْ لَيْهُمْ بِدَلَايِلْ كَتِيرِينْ كَدَرْ هُو حَيّ. وَ قَاعِدْ يِبِينْ لَيْهُمْ فِي مُدَّةْ أَرْبَعِينْ يَوْم وَ يِكَلِّمْ لَيْهُمْ بِمَمْلَكَةْ اللّٰهْ.

وَ بَعَدْ عِيسَى قَالْ الْكَلَامْ دَا، أَنْرَفَعْ فِي السَّمَاءْ وَ هُمَّنْ شَايْفِينْ عِيسَى طَالِعْ وَ سَحَابْ دَارَقَهْ مِنْهُمْ.

وَ وَكِتْ هُمَّنْ قَاعِدِينْ يِصَنْقُعُوا فَوْق فِي السَّمَاءْ وَ عِيسَى مَاشِي مِنْهُمْ، رُجَالْ إِتْنَيْن خُلْقَانْهُمْ بُيُضْ بَانَوْا جَنْبُهُمْ وَ قَالَوْا: «يَا رُجَالْ دَارْ الْجَلِيلْ، مَالْكُو إِنْتُو وَاقْفِينْ تِصَنْقُعُوا فَوْق فِي السَّمَاءْ؟ شِفْتُوا عِيسَى طَالِعْ مِنْكُو وَ فَاتْ فِي السَّمَاءْ. وَ بِنَفْس الطَّرِيقَةْ دِي، هُو يِقَبِّلْ مِنْ السَّمَاءْ فِي الْأَرْض!»