ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Meltzjan̈, 'at al 'a Ezequías syajlil in chon̈ab', to an Jehová in, e Diosal in yet' e mam 'ichm David, an tzwal 'ixtic: Tox 'ix wab' a lesal, 'ix wil yelt yal a sat oq'ui, yuj cha, 'oj wac' b'oxc a c'ojol, ax chab'ej tzach 'at 'a watut an Jehová 'in tic.

Tzin tew 'aych Mamin Jehová, to tza na coti chajtlto wach' 'ix wutj ach wa'n servil, xin b'on tas tzchaj a c'ojol, xchi 'a slesal. 'Ix 'oc' wal si'mb'il.

A 'a yic jun tiempoal cha, caw ow ya'n syailal Ezequías, jab'xoj ma'ix chami. Ax Isaías yunnal Amós, win schecb' Dios, 'ix 'at win 'at yila', 'ix yaln win 'a 'ixtic: —Tox 'ix yal Jehová 'oj 'ixtic: A ticnec, b'ocn yaj tas 'ay 'ayach, yujto 'oj a chami, man̈x 'oj b'oxc a c'ojol, xchi Dios, xchi.

'Oj wac' junc xo olajn̈e ab'il a q'uinal. 'Oj ach in col yet' Jerusalén tic 'a yol sc'ab' sreyl chon̈b' Asiria. An 'oj in tan̈wc jun chon̈b' tic, yuj in chamc'ojlal 'a in checb' David yuj pax in b'inaxi, xchi Dios, xechi 'a 'a, xchi.