ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Paihikili isaa itisa Yesu akalila kwa lilowi likulunga, “Eloi, Eloi, lama sabakatani?” Ingumaanisa, “Sapanga ghangu, Sapanga ghangu, kwa kyani ungunileka?”

Lipindi halihali lipasia lya nguu lya lighuta likabaluka vipandi viivili, kutumbulila kunani mbaka pahi. Mlima wogha ukahihimila na mighomba gha maganga ikabaluka. Mamambi yakagubutuka lipala na wandu watangala wa Sapanga wahovili wakahindulwa.

Hinu, Yesu akalila kangi kwa lilowi likulunga akahova.

Hinu, mkulu wa watovangondo na wala wawelili wakimgholokela Yesu pawawonili mhihimilu wa mlima na hila mighalu ihumilili, wakatila nesu,na wakalonga, “Chakaka mundu hayu awelili Mwana wa Sapanga.”

Kuhumila isaa isita pamuhi mbaka isaa itisa, lwisa totolo likagubika kunani gha mlima hula wogha.

Pilato akawakonya, “Hinaa, nigholi kyani na Yesu wamkema Kilisito?” Wogha wakayanga, “Awambwi kulipingika!” Pilato akakonya, “Kwa kyani? Kaghola uhakata liki?” Weni wakayendelela kutova lilowi. “Awambwi kulipingika!”