ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Арагызда иң бөек саналганы исә сезнең өчен хезмәтче булсын

чөнки үзен башкалардан өстен куючы түбәнсетелер, ә үзен түбәнсетүче – күтәрелер.

Кайгы сезгә, Канун белгечләре һәм фарисейлар! Икейөзлеләр! Сез бөтнек, укроп, ак әниснең уннан бер өлешен бирәсез, ә Канундагы иң мөһим нәрсәләрне – гаделлек, шәфкатьлелек һәм тугрылыкны читкә тибәрәсез. Әнә шуларны үтәргә һәм башка таләпләрне дә калдырмаска кирәк.

Кайгы сезгә, Канун белгечләре һәм фарисейлар! Икейөзлеләр! Касәләрнең һәм савытларның тышкы ягын чистартасыз, ә аларның эче исә комсызлык һәм тотнаксызлык белән тулган.

И Иерусалим! Пәйгамбәрләр җанын кыючы, сиңа килүчеләрне ташлар атып кыйнаучы шәһәр! Кош үзенең балаларын канат астына җыйган кебек, Мин дә ничәмә тапкырлар синең халкыңны бергә җыярга омтылдым, әмма сез, Иерусалим кешеләре, каршы килдегез!

Шулай ук сез дә: тыштан кешеләргә тәкъва булып күренәсез, эчегез исә икейөзлелек һәм канунсызлык белән тулган.