ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Мәхәббәттә курку юк, чын мәхәббәт куркуны куа. Курку җәза белән бәйле, һәм куркак кеше чынлап ярата алмый.

Сез исә, балаларым, – Аллаһыдан, һәм сез ялган пәйгамбәрләрне җиңдегез, чөнки сездәге Аллаһы Рухы дөньяда булган рухтан бөегрәк.

Без яратабыз, чөнки беренче булып безне Аллаһы яратты.

Газиз дусларым! Бер-беребезне яратыйк, чөнки мәхәббәт Аллаһыдан килә. Яратучы һәр адәм Аллаһыдан туган һәм Аллаһыны белә.

Яратмаучы адәм исә Аллаһыны белми, чөнки Аллаһы – мәхәббәт ул.

Мәхәббәт – без Аллаһыны яратуда түгел, ә бәлки Аллаһының безне яратуында һәм, гөнаһларыбыз кичерелсен өчен, корбан итеп Үзенең Углын җибәрүендә.

Газиз дусларым, Аллаһы безне шулай нык ярата икән, без дә бер-беребезне яратырга тиеш.

Аллаһы безгә булган мәхәббәтен менә ничек күрсәтте: Үзенең Углы аша безгә тормыш бирер өчен, бердәнбер Углын дөньяга җибәрде.

«Аллаһыны яратам» дигән, ләкин имандашын күрәлмаган кеше ялганчыдыр; күз алдындагы имандашын яратмаган кеше күзгә күренмәс Аллаһыны ничек ярата алсын?!

Гайсәнең Аллаһы Углы булуын кабул иткән адәм – Аллаһыда, һәм Аллаһы да аңарда яши.

Безгә Аллаһы биргән әмер мондыйдыр: «Аллаһыны яраткан кеше үзенең имандашын да яратырга тиеш».

Газиз дусларым! Һәрбер рухка ышанмагыз, аларның чынлап та Аллаһыданмы, юкмы икәнлеген сынагыз, чөнки дөньяда бик күп ялган пәйгамбәрләр барлыкка килде. Аллаһы Рухын сез шуннан танып белерсез: кеше булып килгән Гайсә Мәсихне таныган рух – Аллаһыдандыр.

Ә Гайсәне танымаган рух Аллаһыдан түгел, ул – Мәсих дошманының рухы, аның киләсен сез ишеткән идегез; инде менә ул дөньяда.