ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

ကအာင်ဆမာရ်အီဇောႈ ဒီမှိူမ်ထာတ်ကတာည်းဒါႈအီး မိုႈတိုအီးတဇား ဟောည်ႇယိူဝ်းတငါဝ်းတြားတော်စဝ်ဖြား ဟံပ်အူန်းပွံတ်ခေဲင်နောႈမှိူမ်ဖိူမ်ဆငါးကဲ ကနာည်နံင်ရေဲန်တောပ် စီပဲန်ကဲပဲန်ပွံတ်ပ္လေလှာမှိူမ်။”

ကအာင်ဆမာရ်အီဇောႈခြူမ် တံင်ပအောႇနီန် အ်ုန်မိုႈတိုအီးတဇား ကဲဘိူည်ယိူဝ်းဒေတငါဝ်း တြားတော်စဝ်ဖြားမာ် ဂေါႇနောႈကီန်းနောႈမှည်၊ ဂေါႇမိူဝ်ႈရိူန်းမိူဝ်ႈခြီရ်၊ ဂေါႇဂုင်ကာမကဲနီန် ဘ္လီုက်လှူပ် စီပဲန်အာဝ်ပဲန်ပွံတ် ပ္လေလှာ။

ကအာင်ဆမာရ်အီဇောႈ တေဲင်ကတာည်းခါမ်မာဝ်းဒါႈအီး မိုႈတိုအီးတဇား ကဲဘိူည်ရျံန်ဒေ ရံပ်ခါမ်လာည်းမာ် အာဝ်ဇံတ်တနောႈ ညှူမ်လာည်းပွံတ်အူကဇီန် ခိင်ကတူႈကဲတကီန်းဒည်း ဘည်ညှူမ်ကဲ ဟည်ဇံင်းဟာဝ်းပွံတ်အူစာ်န်း။

ဟောည်ႇဒီန် ကိုတော်စီဆမွံတ်တပဲ့အ်ုန်ကဲ “မှောဒိုည်ႇပ်ုန်ညှူမ်ပဲ” ကဲဟည်အာမ်းယောဒိုည်ႇ “တိုအီးအူအီးနီန် အဆေအ်ုန်မိုႈ။ ကဲဟည်လည်ဒါႈခနားကဲတောခနားကဲ ခူရ်က္လာည်းကဲနီန်လိူည် စီတငါဝ်းအမိင် ပ်ုန်ဒဲႈအ်ုန်။”

ကအာင်ဆမာရ်အီဇောႈတောပ်ဒေင်ဒါႈအီးမိုႈ ကဲအီဟောည်ႇညှူမ်ခိင်ဟောည်ႇယိူဝ်းဒေတငါဝ်း တြားတော်စဝ်ဖြား မာရ်နာတ်ဟည်ဒေဲႈရောတ် တီုတ်လာည်းတြားတော်စဝ်ဖြားခေဲင်နောႈဂဲ ကနာည်နံင်အာဝ်ဘိူန်း ပ်ုန်ကဇောည်စဝ်ဖြား။

အာဝ်မိူဝ်ႈမခံင်အီနံင်ဘယ် ကတ်ုရ်ကတေင်နှာင်းအာဝ်ယိူဝ်း။ ပ်ုန်ချြံ င်ထဲဝ် မောကံပ်အာဝ်ဘယ်ဒေနံပ်မာ် အာဝ်မိူဝ်ႈမ။

ကောန်အီပ်ုန်ဒီန်မာ် အ်ုန်အာဝ်ဘယ်ဒေရျံတ် အ်ုန်ကဘ်ုရ်ဒေဒါ အံက်ဆီႇကြိုင်းရအာည်ႇစဝ်ဖြား ဒါႈပွံတ်ရအာည်ႇတိုအီးဂီုန်း အောဆီုင်ဂီုည်ဇူႈလိူည်စီႇလဂြူစဝ်ဖြား ရောဂါအောဟည်ကမာ်ႈဟာဝ်းပွံတ်။ စဝ်ဖြားစီဒါႈ “ဂေါႇပ်ုန်ညှူမ်မည်း အ်ုန်ႎီရ်ပ်ုန်ဟြာည် ရောဂါမည်းဒီန် ဟည်ဘိူန်းဟာဝ်း ဘည်လိုနောႈမည်းအေ့။”

ခိင်ဒီန် တပဲ့အ်ုန်ကဲ ဟည်ပျိူဝ်ႇကိုတော် “ကိုတော်၊ ကိုတော် အယ်နံင်ယံမ်းဒိုႇ” ခိင်ကိုတော်ယိူဝ်ႇဒဲႈအမိင် ကနာည်နံင်ယေန် ခူရ်ဒါင်းက္လာည်းဒါင်း ကာည်း အိုမ်ဒါင်းကဲဒီန် ခူရ်ဒါင်းက္လာည်းဒါင်း ကာည်း အိုမ်ဒါင်းကဲဒီန်မာ် ယေန်ဟာဝ်းပွံတ်။