ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

پیسلیگ‌ینگ چوخ اولماگی سَبرسینه، چوخ آداملارینگ مُحبّتی سویوق اولور. آما هَر کَس کی آخیرانچاز طاقت ائده، نجات توتار.

تارئ پادشاه‌لیگی‌نینگ بو خوش خَبری، بوتون دنیادا اعلام اولور تا واری ملّت‌لَر ایچی بیر گواهلیگ اولا؛ و اوندان سورا، آخیر اولور.

و جَنگ‌لَردن ائشیدَرَینز و جَنگلَر خَبری قولاقینزا ائتیشَر، گؤزله‌یینز کی تَلواسه‌یه دؤشمویاینز. چونکی بو ایشلَر یئرینه ائتیشسی، آما بو حَلی آخیر ده‌ییل.»

بیر ملّت، آیری ملّتینگ و بیر پادشاه‌لیگ، آیری پادشاه‌لیگینگ ضدّینه تورار آیاقی و فَرقلی یئرلَرده قَحطلوق و زلزله‌لَر اولور. بوتون بو دردلَر، دوغان آروادینگ آغیریقی له‌یین، اوندان سورا گلَن دردلَرینگ تازّا اَوّلی دیر.

یئر اینن گؤی آرادان گئده‌ر، آما منیم سؤزلَریم هئچ زامان آرادان گئدمَز.

چونکی چوخ آداملار مَنیم آدیمدا گلَرلَر و دئیه‌رلَر: ”من ائله او وَعده وئریلَن مَسیحَم“ و چوخ آداملاری یولدان چیخارتارلار.

«او زاماندا سیزی تَسلیم ائده‌رلَر تا مُصیبت چَکَینز و سیزی اؤلدورَرلَر. واری ملّت‌لَر، منیم آدیم خاطرینه سیزدن نفرت وارلاری اولور. او زامان چوخ آداملار، ایماندان دؤشَرلَر و بیر بیری اَله وئره‌رلَر و بیر بیردَن نفرت وارلاری اولور. چوخ یالان پیغمبرلَر آیاق توتارلار و چوخ آداملاری یولدان چیخارتارلار.

عیسا اوللارا جواب وئردی: «گؤزله‌یینز تا هئچ‌کَس سیزی یولدان چیخارتمیا.

پس سیزده آماده اولاسینز، چونکی انسان اوغلو بیر ساعاتدا گلیر کی سیز یولونو گؤزله‌مئیرَینز.

پس، اویاق قالینز؛ چونکی بیلمئیرَینز کی رَبّ‌ینز، هانی گؤنده گلیر.

«گؤیده‌کی بووآدان آیری، هئچ‌کَس او گؤن و او ساعتی بیلمه‌ییر؛ حتّی گؤیونگ فرشته‌لَری و اوغول دا بیلمه‌ییرلَر.

چونکی یالان مَسیح‌لَر و یالان پیغمبرلَر آیاق توتارلار و بویوک نیشانالار و مُعجزه‌لَر ائده‌رلَر، ائله کی اگر ممکن اولسایدی، حتّی سَچیلی‌لَری ده، یولدان چیخارتارلار ایدی.

نوح زامانیندا نه‌یین ایدی، انسان اوغلونونگ گلمَکی زامانیندا دا ائله اوله‌یین اولور. ائله اوله‌یین کی او گؤنلَرده، او گؤنَنچاز کی نوح کشتی‌یه میندی یعنی سیل گلمَکدَن ایلَری، آداملار یئییرلَردی و ایچیرلَردی، آرواد آلیرلاردی و اَره گئدیرلَردی. و اوندایانچاز کی سیل گلدی و اوللارینگ واریسینی آپاردی، خَبر یوخلاریدی کی نه باشلارینا گلَر، انسان اوغلونونگ گلمَکی ده ائله بئله‌یین اولور.