ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

پئس ائشلرئن آرتدیغیندان چوخ آداملارین سِوگئسی سویویاجاق. آمّا آخیرا قدر صبر اله‌ین نئجات تاپاجاق.

گؤیون پادشاهلیغی حاقّیندا اولان بو خوش خبر بوتون دونیایا اعلان اولوناجاق کی، مئلّتلرئن هامیسینا شهادت اولسون. و آخیر او واخت گله‌جک.

و جنگ‎لردن اشئده‌جکسئز و جنگلرئن خبری قولاغیزا یتئشه‌جک. او زامان اوره‌یئز اوزولمه‌سئن، چونکی بوتون بولار گرک یرئنه یتئشه، آمّا آخیر زامان حله یتئشمه‌یئب.

مئلّت مئلّتئن، مملکت مملکتئن ضئدّئنه قالخاجاق. موختلئف یرلرده قیتلیقلار و زلزله‌لر اولاجاق. بوتون بولار دوغوم سانجی‌لارینین باشلانماسی‌دیر.

گؤی و یِر آرادان گِده‌جک، آمّا منئم سؤزلرئم آرادان گتمه‌یه‌جک.

چونکی بئر چوخلاری منئم آدیمدا گلئب دئیه‌جکلر، ”مسئح منم“ و چوخ آداملاری یولدان چیخارداجاقلار.

او زامان سئزه اذئیّت ورئب، سئزی اؤلدوره‌جکلر و منئم آدیما گؤره، بوتون خالقلار سئزدن نئفرت الئیه‌جکلر. او واخت بئر چوخلاری ائماندان دوشه‌جکلر، بئربئرلرئنی تسلئم اله‌یئب بئربئرلرئندن نئفرت الئیه‌جکلر. بئر چوخ یالان اولان پیغمبرلر ظوهور اله‌یئب، چوخ آداملاری آزدیراجاقلار.

عئسا جاواب ورئب اولارا ددی: «آییق اولون کی، هچ کس سئزی یولدان چیخارتماسین.

سئز ده گرک حاضیر اولاسیز، چونکی ائنسان اوغلی سئزئن گومان اله‌مه‌دئيئز ساعاتدا گله‌جک.

اونا گؤره ده، اویاق قالین؛ چونکی ربّئن هانسی گون گله‌جه‌یئنی بئلمئرسئز.

آمّا هچ کس او گون و او ساعاتی بئلمئر، نه گؤیون ملکلری، نه ده اوغول. آتادان باشقا هچ کئم بئلمئر.

چونکی یالان اولان مسئحلر و یالان اولان پیغمبرلر ظوهور اله‌یئب بؤیوک علامتلر و مؤجوزه‌لر گؤرسده‌جکلر کی، مومکون اولسا، سچئلمئش اولانلاری دا یولدان چیخارتسینلار.

نوحون زامانیندا نجه ائدی، ائنسان اوغلونون گلمه‌سی گونلرئنده ده اِله اولاجاق. طوفاندان قاباقکی گونلرده، نوح گمئیه گئرن گونه کئمی، ائنسانلار ییئردئلر، ائچئردئلر، آرواد آلیردیلار، اَرَه گِدئردئلر و باشلارینا نه گله‌جه‌یی بئلمئردئلر، اله کی طوفان گلئب اولارین هامیسینی اؤزی‌ ائنن آپاردی، ائنسان اوغلونون ظوهور اِله‌دئیی ده، بله اولاجاق.