ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

အို ဘုရားရှင်၊ ကိုယ်တော်သည် မိမိ၏စကားကို နားထောင်ကြသောသူတို့အား ကောင်းချီးပေးတော်မူပါ၏။ ကိုယ်တော်၏ မေတ္တာကရုဏာတော်သည် ဒိုင်းလွှားသကဲ့သို့ သူတို့အား ကွယ်ကာစောင့်ရှောက်တော်မူပါ၏။

အို ဘုရားရှင်၊ နံနက်အချိန်၌ အကျွန်ုပ်၏အသံအား ကိုယ်တော်သည် ကြားတော်မူပါ၏။ နေထွက်ချိန်၌လည်း အကျွန်ုပ်သည် ကိုယ်တော်၏ရှေ့တော်တွင် ဆုတောင်း၍ ကိုယ်တော်၏ ဖြေကြားချက်အား စောင့်မျှော်လျက်ရှိပါ၏။

သို့သော် ကိုယ်တော်ထံသို့ ခိုလှုံလာကြသောသူများသည် ဝမ်းမြောက်ကြပါစေ။ သူတို့သည် အစဉ်အမြဲ ရွှင်လန်းဝမ်းမြောက်စွာဖြင့် ကြွေးကြော်ကြပါစေ။ ကိုယ်တော်သည် သူတို့အား အုပ်မိုးကွယ်ကာတော်မူသည်ဖြစ်၍ ကိုယ်တော်၏နာမတော်အား ချစ်မြတ်နိုးကြတို့သည် ကိုယ်တော်အားဖြင့် ရွှင်လန်းဝမ်းမြောက်ကြပါစေ။

အို ဘုရားရှင်၊ အကျွန်ုပ်၏ရန်သူတို့ကြောင့် ကိုယ်တော်၏ ဖြောင့်မတ်ခြင်းထဲသို့ ပို့ဆောင်တော်မူပါ။ အကျွန်ုပ်အား ကိုယ်တော်လိုက်လျှောက်စေလိုသည့်လမ်းအားဖြောင့်တန်းစေတော်မူပါ။

အကျွန်ုပ်၏ ရှင်ဘုရင်ဖြစ်တော်မူသော အကျွန်ုပ်၏ဘုရားရှင်၊ အကျွန်ုပ်သည် ကိုယ်တော့်ထံတွင် ကူညီမစရန် ဆုတောင်းသည်ဖြစ်၍ အကျွန်ုပ်၏ အော်ဟစ်တောင်းလျှောက်သံကို နားထောင်တော်မူပါ။