ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

ኢንቴስ ኣማኖይ ዲኮ ኢንቴ ዎሳን ኦይቺዳ ሚሽ ኡባካ ኤካና።

ዬሱሲካ ኢስታ፥ «ታ ኢንቴስ ቱሙ ጋይስ፤ ኢንቴስ ኣማኖይ ዲኮኔ ኢንቴ ሲንታ ኣጊኮ ባላሴ ሚይ ቦላ ሃኒዳይሳ ማላ ጻላላ ጊዶንታ ሃይሳ ዙማ፥ ‹ሃይሳፌ ቃሌታዳ ዱጌ ኣባን ጌላ› ኢንቴ ጊዳኮካ ኢዚ ጌላና» ጊዴስ።

ኢዛፔ ሲንራ ቢዛ ዴሬይኔ ጉዬራ ካሊዛ ዴሬይካ ባ ቃላ ቁ ሂስቲዲ፥ «ሆሳኢና! ዳዊቴ ናይ ጋላቴቶ! ጎዳ ሱንን ዪዳይ ኣንጄቲዳዴ! ጾሲ ጋላቴቶ!» ጊዳ።

ሄሳፌ ጉዬ ዬሱሲ ጾሳ ኬ ጌሊዲ ጾሳ ኬ ካሬ ጊዶን ጋን ባይዚዛይታኔ ሻሚዛይታ ጎዲዴስ። ሚሽ ላሚዛይታ ጻራጴዛታኔ ሃራጴ ባይዚዛይታ ኦይዴ ሺሪ ሺሪ ዬጊዲ፥ « ‹ታ ኬይ ዎሳ ኬ ጌቴቴስ› ጌቴቲዲ ጻፌቲዴስ፤ ኢንቴ ቃሴ ቦንቂዛይታ ጎንጎሎ ሂስቲዴታ» ጊዴስ።

«ሃይሲካ ሃኒዛይ ካሴ ናቤን ጺዮኒስ ሂዝጊቴ፥ ‹ሄኮ! ኔ ካዎይ ኣሽኬ ጊዲዲ ሃሬዮኔ ሃሬይ ጉቴዮ ቶጊዲ ኔኮ ያና› ጌቴቲዳይሲ ፖሌታናሳ» ጊዴስ።

ዬሱሲካ ኢስታስ፥ «ጌሻ ማጻፋን፥ ‹ጊምቤ ኬጺዛይቲ ኢታ ጊዲ ዎራ ዬጊዳ ሹቻይ ኬስ ጉላ ቦላ ዎዛ ሹች ጊዲዴስ፤ ጾሲ ሃይሳ ኦዴስ፤ ኢዛ ኦሶይካ ኑ ኣይፌስ ማላሊሲዛዝ› ጌቴቲ ጻፌቲዳይሳ ናባቢቤኬቲ?

«ሄሳ ጊሻስ ታ ኢንቴስ ጾሳ ካዎቴ ኢንቴፌ ኤኬታዳ ኣይፌ ኣይፊዛ ዴሬታስ ኢሜታና።