ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Хвел буго мунагьалъухъ кьолеб мухь, амма абадияб гӀумру буго нилъер ТӀадегӀанав МасихӀ ГӀисаде цолъарал нилъее Аллагьасул сайигъат.

Мунагьалъ нужеда тӀад кверщел гьабизе бегьуларо, щайгурелъул Къануналъул кверщаликь гурел, Аллагьасул баркаталъул кверщаликь ругелъул нуж.

Лъадаца чурун хвел гӀахьалаблъун гьабидал, гьесда цадахъ хабалъги рукъана нилъ. Инсул кӀудияб къудраталдалъун хваралъуса вахъинавурав МасихӀида релълъун, гьанже нилъедаги кӀола цӀияб гӀумру гьабизе.

Нужер чорхол лугби мунагьалъул кверщаликье ккезе риччаге, квешлъи гьабизе квалквадулеб ярагълъун ккезе риччаге гьел. Хвел тӀаса инабун чӀаголъиялде рачарал Аллагьасда кодоре кье нужго ва ритӀухълъиялъе квалквадулеб ярагълъун нужер чорхол лугбиги кье.

Нилъеда лъала цеве нилъелъ вукӀарав инсан гьесда цадахъ хъанчида ван хваравлъи – нилъелъ бугеб мунагьалъул къуват лъугӀизе ва мунагьалъул лагъзаллъун нилъ хутӀунгутӀизе.

Гьедин нужецаги нужго рикӀкӀе, МасихӀиде цолъун, мунагьалъе хвараллъун, Аллагьасда цере чӀагояллъун.

Цоги щиб дица абилеб? Аллагьасул баркат цӀикӀкӀине бокьани, церего гӀадин мунагьал гьаризе кколинищ? Кколаро! Мунагьалъе хвана нилъ! Гьанжеги мунагьал гьаризе бегьилищ нилъеца?

Цо лъиениги мутӀигӀлъун, гьесие лагълъи гьабулеб бугони, хӀакъикъаталдаги нуж гьесул лагъзаллъун лъугьунеллъи лъаларищ нужеда? Нужее буго кӀиго нух: хвалде рачунеб мунагьалъе мутӀигӀлъи яги жиб сабаблъун Аллагьас инсан ритӀухълъизавулеб мутӀигӀлъи.

Кидаялиго нуж мунагьалъул лагъзаллъун рукӀарал ратаниги, Аллагьасе рецц, нужеца ракӀ-ракӀалъ къабул гьабуна дица малъарабщинаб. Нуж мунагьалдаса тархъанлъана ва ритӀухълъиялъул лагъзаллъун лъугьана.