ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

РакӀ-ракӀалъго цоцазе рокьа. Гьеб буго аслияб жо – рокьиялъ гӀемерал мунагьал рахчула.

Аллагьас нужер щивав чиясе кьураб баркатаб гьунар цоцазе пайдаялъе хӀалтӀизабе, батӀи-батӀиял хъулухъазде тӀамурал лъикӀал чагӀаз гӀадин.

КӀалалда гьунар бугес вагӀза-насихӀат гьабе, хъулухъалъе гьунар бугес, Аллагьас жиндие кьураб къуват-жаналда рекъон, хъулухъ гьабе, – нужеца гьабулебщиналъухъ гӀадамаз, абадул абадиялъ жиндир реццги къудратги тӀаса ине гьечӀев ГӀиса МасихӀил цӀарги рехсон, Аллагьасе рецц гьабизе. Амин!

Амма гьеб кинабго христианав вукӀин сабаблъун кколеб бугони, намуслъизе ккеларо. МасихӀил агьлуялъул вугилан Аллагьасе рецц гьабе.

Гьаб дуниял ахирлъулеб буго. Аллагьасе гьари-дугӀа гьабизе бажарулеб хӀалалда цӀодорго чӀа, ригьун рукӀа.

ЗахӀматаб-къваридаб къо тӀаде бачӀунилан гӀажаиблъи гьабуге, дир хириял, нужеца, хӀикматаб иш лъугьанилан ракӀалдеги ккоге. МасихӀие букӀараб гӀадаб гӀазаб-гӀакъуба нужееги насиблъиялдаса рохун рукӀа нуж, гьесул къудрат загьирлъараб къоялъ рохуца холел рукӀине.

Нодо букӀкӀинчӀого гьабе цоцазе гьоболлъи.

Гьединлъидал Аллагьасул къадаралдалъун гӀазаб-гӀакъубаялда ругез лъикӀлъи гьабичӀого тоге, нилъ Рижарасул ва РагӀи холаресул амруялда разилъун чӀа.

Жиндир черхалъ гӀазаб-гӀакъуба хӀехьезе ккараб мехалда МасихӀил рукӀарал гӀадинал пикрабаз нужерго ракӀал къвакӀизаре, – черхалъ гӀазаб-гӀакъуба баччизе ккарас мунагьазде мугъ рехулелъулха, хутӀараб гӀумру, чорхол гьаваялъе бокьухъе гуреб, Аллагьасул амруялги тӀуразарун, тӀамизелъун.

Гьардарал гурищ нуж, МасихӀиде иман лъей сабаблъун инжит-хӀакъир гьарулел ругел, Аллагьасдасан рещтӀараб къудраталъул рухӀ нужелъе лъугьун бугелъулха!