ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Нилъер ТӀадегӀанав ГӀиса МасихӀил Эмен – Аллагьасе рецц. Хваралъуса ГӀиса МасихӀ вахъинавиялдалъун, кӀудияб цӀоб лъун, гьес нилъее цӀияб гӀумру кьуна. Гьедин чӀаголъизабуна зобалазда цӀунараб холареб, хъублъулареб, бечӀалареб лъикӀаб бутӀа щвеялде бугеб нилъер хьул.

Гьанже дагьабго заманаялъ батӀи-батӀиял къварилъабаз нужер хӀалбихьулеб бугониги, гьелдаса роха нуж. Нужер божи-иман хӀакъаб бугищали хӀалбихьизе рачӀуна гьел къварилъаби. Биун-тӀагӀун унеб меседалъулгицин цӀадуца хӀалбихьула. Меседалдасаги къиматаб бугелъул нужер божи-иман, гьелъулги хӀалбихьизе ккола, ГӀиса МасихӀ загьирлъараб къоялъ нужее цӀар-реццги къадру-къиматги насиблъизе.

Нуж тӀаса рищарав Аллагь вацӀцӀадав вугелъул, нужги кидаго рацӀцӀадго хьваде. ТӀехьалда хъван буго: «Дун вацӀцӀадав вугелъул, нужги рацӀцӀадго хьваде».

Аллагьасде мутӀигӀлъе, жагьиллъиялда ругеб мехалъ нужер рекӀелъ рукӀарал къасдазда хадурги унге.

Гьединлъидал нужерго гӀакъиллъиялъул рачел щулаго къай. РорчӀуда чӀа. ГӀиса МасихӀ вачӀараб къоялъ нужеде рещтӀине бугеб баркаталде унго-унголъунги хьул лъе.

ТӀехьалда хъван буго: «Харида релълъуна кинабго рижи, харилъе тӀогьолалдаса цӀикӀкӀараб машгьурлъиги щоларо гьелъие. Херги бакъван уна, тӀегьги бечӀала, амма Бичасул калам абадиялъего хутӀула». Гьеб калам ккола нужеда лъазабураб Рохалил хабар.