ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Мунги Дида цеве, дур эмен Давуд гӀадин ракӀбацӀцӀадго ва ритӀухъго хьвадани, Дир тӀолалго амруялги тӀуразаруни ва Дир къануналги амруялги цӀунани, „ГӀизраилалъул тахидаса кидаго дур ирсилав камилароян“ Дица дур эмен Давудие кьураб рагӀуда рекъон, Дица ГӀизраилалда тӀад дур пачалъиялъул тах абадиялъего щула гьабила.

БЕТӀЕРГЬАНАС гьесда абуна: «Дур дугӀа-гьари Дица къабул гьабуна. Дуца Дие бараб Мукъадасаб Рукъ, абадиялъего гьениб Дир цӀар кӀодо гьабизе букӀине, Дица Диего батӀа гьабуна. Кидаго бер тӀаса босиларо Дица гьелдаса.