ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Ӹндекш цӓшӹш кемӹкӹ, Иисус кого юк доно сӹгӹрӓл колтен: «Элои, Элои, ламма савахфани?» Тидӹжӹ «Йымем, Йымем, малын Мӹньӹм коденӓт?» манмы лиэш.

Иисус ваштареш шалгышы шӱдӹвуй, Тӹдӹн тенге сӹгӹрӓл колымыжым ужынат, келесен: «Ти Эдем лачокат Йымын Эргӹ ылын!»

Тӹнӓм Йымын пӧртӹштӹшӹ кого савыц кӱшӹц ӱлӹкӹ коктеш кышкедӓлтӹн.

Но Иисус когон сӹгӹрӓл колтен, дӓ йӓнгжӹ лӓктӹн.

Кечӹвӓлӹн, куд цӓшӹш кемӹкӹ, улы мӱлӓндӹ вӹлнӹ пӹцкемӹш лин дӓ ӹндекшӹш кемӹ якте тенге ылын.

Пилат, халыклан ярал лиӓш манын, нӹнӹлӓн Вараввам колтен, а Иисусым лыпш доно лыпшыктен дӓ пыдален сӓкӓш пуэн.